بنات الله يخليكم ادخلوا وقولوا لي ايش اعمل مع ابني الوحيد المراهق

اختي رجعي له النت

وخليه تحت الرقابة
بالذات فترة النهار (عشان ما يروح مع الشلة بعد الاختبار....... يضطر انه يرجع عشان النت)
ويكون تحت عينك
هذا وجهة نظري والله يعينك

دوريله مواقع مناسبة لسنة
وقوليله شفت ايش لقيت لك..

على الاقل ينشغل بالعاب في النت ولا مصايب هالدنياا

هلا حبيبتي..

شوفي حرام تجلسينه بالبيت كثير خاصه البيت كله بنات بيتاثر فيهم..
اشغلي وقته كله بحيث مايبقى وقت ويكون يومه كله مضغوط..
سجليه بنادي العصر للعشاء ويرجع تعبان يراجع دروسه
وواجباته وينام والصباح ينشغل بالمدرسه ويرجع يرتاح عشان
النادي بس اهم شي يكون النادي كويس او معهد للحاسب بماانك
تقولين يجلس ع النت كثيّر دخليه فلاش او فوتشوب ممتعه وبيضيع
وقت كثير عليها اساليني:)
والنت يجلس عليه خميس وجمعه ساعه او ساعتين
وراقبي المواقع+احفظي محادثاته لو كان يستخدم الماسنجر..
وبالنفس الوقت لاتجلسين تهتمين فيه وتهملين خواته:D
خليه هو يختار ويسوي بحث بالنت عن افضل النوادي او المعاهد
عشان يتحمس لدراسه فيهاا وقولي له الشهاده بتفيدك ووو
عشان يضيع وقته بشي مفيدوهو مقتنع انه صح:)

وسلامتك..

الله يعينج عليه بالعمر هذا متعبين بس لاتحكرينه وايد بعدين يصير انطوائي اذا عندكم نوادي حلوه دخليه سباحه او ركوب خيل او كمبيوتر شوفي اهو شنوا يحب و مثل ما قالوا خواتي خليه يقعد على النت بس راقبيه من بعيد لا يحس و سويله برنامج كل يوم طلعيله بحركه يوم قوليله صلح لي هالشغله و خليه يلهى فيها ويوم قوليله بروح مشوار و محتاجه احد معاي وبعد خليه يلعب شوي مع ربعه عشان ما يحس انه غير عنهم وترى و الله عيال الحرام بكل مكان الواحد صار يخاف حتى يكلم اهله بالتلفون ويطلع احد من الي يشتورن اجهزة التصنت يسجل الصوت والله يعينا على هالزمن

مشكورات خواتي والله يجزاكم كل خير (بحرالزين1_النت خلاص شاله ابوه يقول خليه يذاكر دروسه

احسن له)....(نونة حبيبها_اذاتعرفين شئ عن هذي المواقع دليني عليه لان خبرتي قليله في النت الحمد

لله اللي قدرت اتواصل معاكم)(هنا11دي _ياحبيبة قلبي ماله الابيته وخواته ونادرا مايكونون رايقين

وهادين الله يصلح لنا ولكم..واذا تعرفين الله لايهينك نوادي اومعاهد شرق الرياض تصلح دليني عليها

الله لايحرمك الاجر مع العلم انه فكرت في هذا الحل وعرضت عليه وقال ما احب اطلع من مدرسه

واروح لمدرسه علشان كذا اريد له شئ ترفيهي وتعليمي في نفس الوقت(تبي تصميم خاص علشان

ولدها)بالنسبه للنت هويجلس احيانا اكثر من 4ساعات وانا خايفه عليه من الادمان اللي يقولون عليه

وعلى فكره اهو توه جديد على النت مثلي يعني لنا تقريبا اقل من السنه وبعدين ياهنا11دي مااعرف

طريقة تسجيل الماسنجر وهو يستخدمه خواته قالوا لي وبعدين ياقلبي انا مااهملت خواته بالعكس هم

مهتمين فيه اكثر مني ومنشغلين عليه لانه اخوهم الوحيد مثل ماذكرت لكم والصغار منهم مره يلعب

معهم ومره يصفقهم ولا عليه من احد..(مرايم الكويت مشكوره على تفاعلك معي فعلا الاولاد في

في هذه السن التعامل معهم صعب وانا علشان ماتعودت على الاولاد ما عرفت له ما ادري هل كل

الاولاد كذا ولا ولدي بس ....)الله يعينا عليهم وتربيتهم,,,,,اشكر كل خواتي اللي ردوا علي والله

يوفقهم ويبارك لهم فيما عطاهم ....وكذلك اللي شاهدوا الموضوع وطلعوا,,,,ارجوا من اخواتي اللي

يقرؤن موضوعي يشاركوني ونبحث عن حلول تشغل اولادنا المراهقين في شئ ينفعهم ويبعدهم عن

مواضع الزلل لاقدرالله,,,,,,,فلربما جاء يوم تبحثين فيه عن حل لمشكلة ابنك الراهق ,,الله يصلح لنا

ولكم النيه والذريه ..(اشغلتكم بمشكلتي)الله لايشغلنا الا في طاعه.