هلا أختي
انا مادرست لكن أذكر لما كنت طالبه
في هذا السن تحديدا كنت أحب القصص الأسلاميه اللي
تقولها المدرسه
وكانت تحكيلنا قصة الحديث (مناسبة الحديث) وتكون مبسطتها لنا
ثم تقولنا الحديث
وكنت أحفظ الحديث بسهوله لأني أذكر قصته الممتعه
وسلاااااااامتك

الله يعينك على الاطفال لكن السندي سكول قليله جدا ساعاتها
فاعتقد ان الطالب لا ياخذ الكثير خصوصا ان هناك فتره ترفيهيه بينها
وهذا الذي لاحظته مع مدرسه بنتي
اعتقد اهم شيء هو تجمعهم الاسلامي
فالاطفال طول الاسبوع في المدرسه الامريكيه وهذا له تاثير كبير جدا عليهم
واذا كان الاطفال عندهم خلفيه عن الحروف العربيه ممكن تعلميهم كتابه كلمات
ولتكن من ايه قرانيه معروفه لهم جميعا لكونهم من اصول مختلفه
ممكن فكره ان كل اسبوع طالب يذكر ايه قرانيه او حديث نبوي ويفصلها
طباعه اوراق تتضمن الكلمات التي يجب عليه تعلمها والتدريب عليها بالبيت كواجب بيتي
اعطاء فكره عن الصلاه فاعمارهم مهيئه لتعلم الصلاه
افكر وارجع لك ما ذكرت هو ما اتمنى ان اولادي يتعلموه بالمدرسه الاسلاميه

السلام عليكم

راح احاول اختصر تجربتي بقدر الامكان لأنه ممكن اكتب عنها صفحات وصفحات وصفحات!!

اهم حاجه حبيبتي بحب حطها في بالك انه الاطفال بيحبو المعلمه اللي تكون اكتيف
يعني شوي تغني معهم شوي تلعب شوي تدرس شو تجلس جنبهم شوي توقف قدامهم يعني
المعلمه النشيطه اللي في حركة مستمرة اللي متل الفراشه مالها مكان معين كل شوي بمكان

بعدين بدك قدر الامكان تنزلي عمرك الهم يعني تنسي عمرك الحقيقي وتحاولي بقدر الاماكن
تعيشي طفولتك!
مثلا بتذكر مرة كان عندي درس عن ايام الاسبوع بالعربي وبعد ماحفظتهم ياها قعدت على المقعد وجمعتهم حوالي وصرنا ندردرش شو احب يوم النا وقلت لهم اني بحب يوم الجمعه لاني بشوف صاحباتي في صلاة لجمعه وبيجي واحد بيوق انا بحب السبت لأنه عطله والتانيه بتقول انه بتحب الأحد لأنه فيه مدرسة الأحد! وهيك يعني خليهم يندمجو معك
ومرة مثلا كان عندي درس عن من أين أنت؟ أنا من اليمن؟ ومن أين عمر؟ عمر من السعوديه. الخ الخ
فكنت اعيد الدرس مرة ومرتين وتلاته وهما بيقولو وراي بعدين فجأة بوقف وبأشر على حدا من الطلاب وبقوله من اين انت؟ ولازم يقولي انا من سوريا (مثلا) بسرعه واذا كان بطيء لازم يحاول مرة تانيه
لحتى يحفظو البلد اللي اجو منها
وكان عندي سبورة اقلام دايما اخدها عالبيت بجهز فيها شغلات
مثلا بدرس البلدان رسمت خريطه العالم وخليت كل واحد يحط متل مغناطيسه على البلد اللي اجا منها
مع انهم صغار بس عقلهم كبير ولو تفهميهم بيعرفو الخرايط والدول وكل اشي..


مابعرف انتي راح تدرسي البنات ولا الاولاد بس مافي شغله بتغري الاطفال متل انك تقسمي الفصل نصين بنات واولاد ودااااايما تسوي مسابقات مابينهم وبالاخير تعطي جوائز بسيطه كاندي وهيك شي للفريق الفايز
او احيانا الهدايا بتكون شغلات تافهه بس بيطير عقلهم عليها مثلا بجيب ستكرز من ابو الدولار مثلا على شكل وردات والتاني على شكل سيارات وقطارات وموترات واذا فازو البنات بعطيهم ستكر فراشة او ورده لكل بنت
وبتلاقيهم طاااااير عقلهم فيها ..


من اكتر الشغلات اللي اثرت فيني في مدرسة الأحد ادي الاطفال تعلقو فيني
لأأني تعودت اني اعطيهم لسان حلو طول ما انا معهم وخاصة انهم صغار يعني اخدت راحتي
وكنت دايما اضمهم واجلس معهم واشتري لهم اكلهم في اللنش واجيب اكلي واكل معهم على طاولة واحده.. وكنت كتير نزل مستواي الهم يعني مثلا بتجي بنوتة بقولها شعراتك كتير حلوين مين سوالك ياهم فبتقولي ماما وبتلاقيها طول اليوم فرحانه ونفسيتها حلوة لأنه مدحت شعرها!! يعني بينضحك عليهم بكلمتين
كتير تعلقو فيني لدرجة انه والله كانو باللنش بيقرو معي وبيحكولي حكي لو عرفو الاهل انه عم يحكولي اسرار بيتهم كان دبحوني .. عن جد وقتها عرفت انه اطفالنا العرب فاقدين الكتير الكتير من الحنان وانه فعلا ممكن تحسني من نفسيات هالاطفال وتكسبي فيهم اجر كتييييييييييييييييير بس دايما المشكله انه لابد يجي يوم وتتركيهم ومسؤوليتك انه على الاقل تحاولي تعززي ثقتهم بنفسهم وتنصحيهم ولو كان في مجال تحكي مع الاهل في نقاط ضعفهم واياجابياتهم..

راح تشوفي نقاط ضعف جدا جدا غريبه وراح تستغربي منها ومو دايما راح تسكتشفيها
مثلا مرة كان عندي بنت بعد اللنش بيضلها ساعتين لوين ماتطلع ودايما بتتأخر وانا كتير انزعج لأنه عم يضيع الوقت لازم انزل وادور عليها بالممرات واجيبها
بعدين اكتشفت انه البنت بتموت خوف من طلوع الدرج ومشان هيك عم تتأخر بعد اللنش
وعرفت هالشي لانه كل مرة كنت طلعها كانت تمسك ايدي بقوة كأنو بدها توقع او اشي
فحليت لها المشكله وصرت بعد اللنش اناديها واطلعها معي وانا ماسكه ايدها مشان ماتخاف وماببتصوري نفسية البنت كيف تحسنت

مثال تاني كان عندي ولد كل مابيجي عالصف مضيع اغراضه هلكني دايما ديام اغراضه ضايعه يعني يوم مضيع الكتاب يوم الدفتر يوم القلم الرصاص يادي القلم الرصاص بيضيع مليون مرة
فرحت مرة سويت مسابقة وتعمدت اني افوزه والجائزة كانت قلم رصاص هادا الطويل كتي من ابو الدولار
مابتتصوري فرحته بالقلم وضل معاه طول السنه ولا ضيعه لأنه كان شغله سبيشل اله
ودفاتره جلدتله ياها وحطيت له عليها ستكرز حلو وصارت مرتبه وماعمره ضيعها
الخ الخ من النفسيات والمشاكل البايخه اللي بتنحل بسهولة بس بده الواحد يكتشفها

مابعرف انتو راح تعملو املاء او لا؟ بس لو كان راح تعملو تأكدي انك تاخدي وقتك بالتصحيح حتى لو كنتي راح تاخدي الدفاتر عالبيت وترجعيها الاسبوع اللي بعده
بعرف انه التصحيح سهل وشغلته بسيطه بس انا كنت اخد وقتي وانا اكتب لهم جمل وكومينت لكل واحد ومثلا اذا جابو درجه مو حلوة ارسم لهم وجه عما يبكي واذا جابو درجه منيحه وجه مبسوطه مع ستكر حلوة وكنت لما اجي عالصف اعيد الكلمات اللي اكتر شي غلطو فيها ..


شغله مهمه للصغار انه انتي تكتبي لهم الواجبات في ورقة وتصوريلهم ياها لكل الصف وتغرزيها في دفتر
مثلا كان عنا نحنا فولدر ملف كل اسبوع لازم يجيبوه وبحطلهم ورقة فيها مثلا:

القران: حفظ ايه كذا
القراءة حل تمارين صفحة كذا
التربية الاسلاميه : حفظ دعاء كذا موجود في صفحة كذا
ملاحظه: نرجو من الاهالي حضور مجلس الاباء المقام في تاريخ كذا في المكان كذا

وبالكتاب تبعهم كنت بالقلم الاحمر احط دائرة على الواجب مع التاريخ يعي بدور على كللللللللل كتبهم مشان الاسبوع اللي بعده في حالة الاهالي مو سائلين على ورقة الواجب يكون الطفل عنده المقدره انه يحل لوحده لما يشوف الاشارة على التمرين


شو كمان والله مابعرف اهم شي المسابقات رووووووح قلبهم المسابقات
كنت والله اروح ماني محضره شي في بالي وزاد شوية وقت بخترع لهم شغله بايخه مثلا بسوي امتحان املاء فجائي عالسبوره مابين فريق البنات وفريق الاولاد وبتلاقي انواع الحماس والتشجيع
او انه اخترع حيالله لعبه بالحروف

وعلى فكرة بما انه التعامل مع الصغار كان عندي صندوق بلاستيك داااااااايما معي وفيه كانديز وادوات فنيه من قلتر ومقصات وستكرات واوراق ملونه وشغلات للزينة لأأنه بأي لحظه ممكن احتاج
مثلا ممكن فجأة اقولهم حديث عن الأم وفضلها واخلي كل واحد يسوي كرت لأامه بعطيهم ورقة ملونه وبكتب لهم كلمة (احبك يا أمي ) عى السبوره وبخليهم ينقلوها ويزينوها بالقلتر والحركات وبياخدوها لأهاليهم
او احيانا بكون محضرة من البيت فبطبع لهم حديث عن الأم بالعربي والانجليزي وبقصهم مربعات وبخليهم يلصقوه ويزينوه ويكتبو اساميهم ويعطوه لامهم

طبعا بحب انبه انه متل هالحركات هما بيموتو فيها فما تكتري منها خليها بس كنوع من المكافأة اذا خلصتو الدرس بكير او اذا كانو شاطرين معك ..


هادا اللي خطر على بالي هلأا واي سؤال يا البي حياك الله واسفه على عدم تسلسل الافكار الوقت كتير متأخر بدي روح نام
تصبحي على ألف خير ورمضان مبارك
:26: :26:

ما شاء الله رنيم كفت ووفت انا ما كنلي تجربة مع اطفال هالبلاد بس بالشام وقت درست كانو يقلولنا انو الولد المشاغب لازم دائما تلهيه بشي شغلة لحتى ما يضيع وقت الدرس وهو عم يشاغب وانت تخانقي يعني مرة عريف مرة هو يلم الدفاتر وهيك عا حسب الوضع عندك كمان اسلوب القصص متل ما قالت احد الاخوات كتير بيجذب الولد هاد يلي تذكرتو حاليا والله ييسرلك الخير ويقويك

شاااااااااااااااااااااااام رايحة ابكي كتبت رد طوييييييييييييييييييييييييل وانمحي بالغلط


معلش بعيده يعدين