بنات اللي طفلهاعنده( خلع) تساعدني..الله يخليكم

الله يعينك .. اصبري واحتسبي الاجر ..
ولو تسالين بقسم الطفل بتحصلين اجوبه اكثر من الطبيبات ..

اللي اعرفه انه يألم وانه مايقدر يحركه .. وله طريقه معينه بلبس الحفاظه .. ويتسخدمون جبيره .. بس ترى معلوماتي مو اكيده ..
والله حاسه فيك .. بنتي عندها حاله مشابهه بس مش خلع ولاده .. لا تختلف ..
وراجعنا عند العلاج الطبيعي والآن الوظيفي .. واشوف كثير يجون حالات خلع ..
الله يشافي بنتي وبنتك وكل مستضر ..

الله يعينك ويعينها

اول شي اذا كنتى موظفه اخذي اجازه لانها راح تكون ايام صعبه شوي

والطفله راح تتعب وهذا شي طبيعي جس وفي منطقه حساسه

وحطي في بالك انها ايام وراح تمر وتصير ذكريات

والايام تمر بسرعه البرق

مريت بايام سودا مع ولدي البكر وقضيت سنه كامه ما بين مستشفى العظام والبيت

كنت اقول معقوله الحال راح يتبدل

والحمد لله تبدل الحال باحسن حال والولد الحين كبر والله عافاه

وعوضني باطفال اصحاء وخير ونعمه

بس اوصيك اختي بالصبر

الله يرفع عنه ويعافيها ويشافيها ويرزقك الصبر والثبات..

وان شاء الله البنات يفيدونك..

هلا اختي الله يشفيه ويطمن بالك

واحمدي ربك انكم اكتشفتو الخلع وهو توه صغير وانصحك لبسيه حفاضتين لان الصغار يكفيهم حفاضتين بدل الجبس

عندي 2 من اخواتي جاهم الخلع بس ما اكتشفا الا لما مشوا لان مشيتهم غريبه
الاولى اكتشفنا لما صار عمرها سنه واربع شهور لما مشت ولما عرضنها على دكتور قال ان فيها خلع في الرجلين الثنتين قرر عمليه لانها تعتبر كبيره وحطو لها جبس من صدرها لحد اطراف اصابع رجلها لمده 3 شهور لانه الخلع كان شديد
والحمد لله البنت شفيت تمام ولا كان فيها شي ولله الحمد والحين عمر14 سنه ومشيها طبيعي

اختي الثانيه اكتشفناه فيها متاخر وسوينا لها العمليه وهي عمرها سنتين بس كان اخف من الاولى لانه كان في رجل وحده وقعد فيها الجبس 6 اسابيع بس

يعني ابي اقولك ان العمليه سهله وما فيها لا اسياخ ولا شي بس يرجعون الرجل مكانها ويحطون الجبس
بس يمكن في الايام الاولى تتعب نفسيته بس الحمد لله انه توه ما ممشى لان اللي يمشي هو اللي بينجن

والله يقومه بالسلامه ويصبرك

الله يرفع عنه ويعافيها ويشافيها ويرزقك الصبر والثبات..