بنات المدينة المنورة .. ادخلوا

اولا اهلين فيك بالمدينه وان شاء الله تنبسطون
ثانيا
ياكثرها قريبه من الحرم 
وحتى قربان قريب نوعا ما من الحرم

بس اقرب شي الفنادق هي اللي جنب الحرم

اما الشقق المفروشه ابعد شوي

فيه شقق مفروشه كم عماره على شارع الملك عبدالله اظن اسمه كذا

تقاطع شارع الملك فهد 

التقاطع اللي جنب مزايا مول

هناك شقق مفروشه العييري والكروان وغيرها

وكمان على امتداد شارع الملك فهد تلقين

الله يحييكي ياقمر في المدينه وان شاء الله تقضو اوقات سعيده والله انصحك تدخلي على موقع البوووكينج فيه كل اللي تبغيه وبالصور كمان وتحجزي وماعليكي الا تنزلي تسكني بس حطي التاريخ اللي حتنزلي فيه للمدينه ونوع السكن وكم غرفه وراح تجيكي الشقق واسعارها هذا افضل لانه اهل المدينه اغلبهم ماجربو الشقق بحكم انهم ساكنين هنا فا مراح نقدر نعطيكي الشي المفيد لكن في شقق العييري في الحرة الشرقيه وكمان وكن وفي سلطانه كذا شقه مفرووشه وتجووو بالسلامه يارب

ونسيت حي قربان قريب من الحرم بس تروحي منه على قباء وتحصلي الحررررم مقابلك

وعليكم السلام ورحمة الله وبركاته
ياهلا ومرحبا بك في المدينه
نصيحه مني لك اذا عائلتك صغيره اسكني في الفنادق اللي على نفس ساحة الحرم وحواليها عشان تروحي مشي للصلاة كل الفروض بدون ماتحتاجي مواصلات
وترا لايغرك فخامة الفندق من برا فهي غرفها جداً عاديه وبعضها رخيص بالذات الآن مافي زحمه
وبعض الفنادق توفرلك غرفتين مع بعض بصاله وكونتر للطبخ
وان شاء الله الاخوات اللي جو زياره قبل كذا يفيدوك بأسامي الفنادق
انتي اجعلي عنوانك استفسار لمن زارت المسجد النبوي
اما قربان ما انصحك تسكني فيه بعيد عن الحرم لازم سياره
ممكن شارع الملك عبدالعزيز اهون لأنه لو ماتقدري تمشي كثير على الاقل المشوار بسيط بالسياره
وربنا يوفقكم