يالله انك تحيي الجميع بالخير والصحه والعافيه <<< صارت الدعوة دعايه زيت عافيه
بنات ويش رايكم طراء في بالي اسوي مسلسل وابي انزله بالواحه الكركريه
وراح يكون على ثلاث اجزاء كل جزء راح احطه بموضوع مستقل
علشان تقد رون تتابعونه
والمسلسل راح يكون عنوانه : بنات الواحه بالاستراحه
زي ماقريتوه بالموضوع
ومانبي احد يزعل ولا احد يتضايق ،، واللي اوله شرط آخرة نور
الحلقه الاولى : الاتصالات واخذ الموافقة من البنات
الحلقة الثانية: استعدادات البنات
الحلقة الثالثة : والاخيره :حال البنات بالاستراحه
اذا عجبتكم الحلقه الاولى راح اكمل ولا من اوله ما اتعب نفسي وانسحب
ويصير المسلسل حلقه وحده والنهايه
الابطال هم بنات الواحه طبعا الحقائق غير صحيحه لان ماعرف أي حقائق عن البنات
الا الاشياء اللي صرحوا فيها من خلال رد ودهم
يعني لا احد يجيني بكرة يطالبني بشي
وام تابط تخلي مسؤليتها عن أي مطالبه قانونيه
يعني الشخصيات والابطال هن بنات الواحه زي ما قلت لكن باقي التفاصيل
من خيالي الواسع
زين اتفقنا نبدا المسلسل بس ابي منكم وعد تكملون القراءه الى الاخير واللي ما ينسجم بالبد ايه
راح ينسجم بالوسط واللي ما راح ينسجم بالوسط راح ينسجم بالاخير والحلقات الجايه
بس ابي منكم تفاعل وراح تلقون ما يسركم نبدأ:
الوقت :
2 ونصف الظهراليوم : الا ربعاء
المكان : بيت أم تأبط شرررررراً
ام تابط منسد حه عقب الغداء على كنب الصاله مشنقله رجلينه
قدام المكيف ومنبهته من كثر ما اكلت
يدق التلفون = ترررن ترررن
تتناول ام تابط التلفون برجله من العجز
ترد : الو
على الجانب الاخر من السماعه ام الكتاكيت
ام الكتاكيت: السلام عليكم
ام تابط : وعليكم السلام
ام الكتاكيت: ياكافي وين الناس؟؟
ام تأبط : بهالد نيا المهم وشلونتس ويش اخبارتس؟؟
ام الكتاكيت : ابد ماعند نا خلا ف نزقح اقول ام تابط؟؟
ام تابط : سمي
ام الكتاكيت: سم الله عد وك فيه حلى كشخه كد شفته بالمنتدى
وقريت عنه وخزنته بالكمبيوتر بس جهازي جاه فايروس وانمسح
كل شي كنت مخزنته عاد اذا عند ك طريقه حلى زين وسريع الحقين فيه
تراي معزومه اليوم باستراحه مع حمولتي ودي اسوي حلى قبل المغرب
بس بسرعه الله لا يهينك ولا كان ماتصلت عليك هالحزة يا خزياه
ام تابط: بس، غالي والطلب رخيص
انتي تخبرين حلى بسر برحي اللي بقسم الحلويات اسمه
حلى الشامواه
ام الكتاكيت: ايه ويش فيه يهبل بس ماعرف مقاد يره
ام تابط: خلا ص الحين ارسل لك مقاد يرة
هو اللي ما يبي له شغل وزين ويواجهه
ام الكتاكيت : الله لا يهينك ويجزاك خيرماقصرتي يا بعدي يالله ابي اروح اشغل الجهاز
مع السلا مه
ام تابط : مع السلا مه
تقوم ام تابط وتشغل الجهاز وترسل طريقه الحلى لام الكتاكيت
ترجع ام تابط شراً للكنب وتشنقل زي ما كانت وتحلم
انها هي وبنات المنتدى باستراحه اللي يتطارد فيها الخيول
تنبهت ام تابط شراً من نومها هواش بين تابط شراً وتابوطه
وتقوم عليهم وترنعهم
ذ يك الرنعه وتخشلهم وتعاقب كل واحد فيهم انه يروح لغرفته ويصك الباب عليه
ام تابط شرًا تتمتم:اهب عليهم كان الواحد مايتهنى حتى بالحلم
يا سفاب بنات الواحه الواحه كنا مستانسين ومبسوطين
تسترخي ام تابط شراً وتجلس تفكر
شوي بعد كذا قامت على حيله وقالت:الا وراء مايسير الحلم صد ق ونجتمع كلنا يا بنات الواحه في استراحه وننبسط ونهيص؟؟
تقوم ام تابط شراً وتجيب ورقه وقلم ود فتر التلفونات
وتكتب اسماء البنات علشان تعلم على اللي اتصلت بهم وتد ون موافقتهم
وتتصل في البدايه على ام الكتاكيت
ام الكتاكيت: الو مين
ام تابط : هلا تراي منيب مبطيه وصلك الحلى؟؟
ام الكتاكيت : ايه الله يعافيك وهذاني جالسه اسويه
ام تابط : مابي اقطعك بس براسي فكرة حبيت اشاورك فيها
ام الكتاكيت: خير انشاء الله
ام تابط :ابد ويش رايك بفكرة وهي اننا نطلع حنا وبنات الواحه لاستراحه
هاه ويش رايك؟؟
ام الكتاكيت: ماعندي مانع وانا اول المؤيدات انتم ابد ا اجزموا وخبروني
ام تابط : يعني اعتمد ؟؟
ام الكتاكيت :اعتمدي
وتنتهي المكالمه الا ولى بالموافقه وتسجل ام تابط شراً
بالد فتر ان ام الكتاكيت معتمده
ام تابط شراً تد ق رقم بيت الا نسه جوري
ترن ترررن
ترد حرمه من بيت الا نسه جوري : الووو
ام تابط: سلا م عليكم ممكن اكلم الا نسه جوري؟؟
ترد الحرمه : والله يا بنيتي الا نسه جوري مابعد قامت الى الحين نايمه
من اللي يبغاه؟؟
ام تابط: انا زميلتها ام تابط
عفوا يا خاله انتي الوالده ؟؟
ترد : ايه وانا خالتك انا ام الا نسه جوري
أم تابط : يا خزياه الحين حنا بعد العصر وما بعد قامت
ترد ام الانسه جوري : الشكوى لله كل البارح وهي سهرانه عند الكمبيوتر
ماغير مقابلته ، وراحت للمد رسه مواصله ، ويوم جت من المد رسه صلت ونامت
ام تابط : اشوى بعد اذا صارت صلت الظهر وما طاحت قبل ما تصلي تهون يا خاله
المهم قولي لها اذا قامت ضروري تتصل علي
يلله في امان الله
تد ق ام تابط شرا على ام العيال المشغوله
ترن ترن ترن
ام تابط: الو
من بيت ام العيال يرد صغير: الو مين انتي ، انتي منهي؟؟
ام تابط : وشلونك حبيبي وين ماما؟؟
الصغير : تبين ماما؟؟
ام تابط : ايه وين هي؟؟
تجي ام العيال وتاخذ السماعه : الو هلا
ام تابط : هلا ام العيال وشلونتس ؟؟ ويش اخبارتس؟؟
وبعد السلام والذي منه
تقول ام تابط الفكرة لام العيال وترد ام العيال:
والله اني ثقيله ومالي خلق اغد يكم تسمحون لي
ام تابط : اقول لو تجين تراك تبين تغيرين جو ممد يه على حجرة الاربعين
اقول وافقي وخلي العيال ينبسطون وتعالي غيري جو
ام العيال: خلا ص شورك وهدايه الله ماعندي مانع
تنتهي المكالمه بموافقه ام العيال وتوكل ام تابط شراً ام العيال
انها تتولى الاتصال على ذكرى وشموخ وتعلمهم بفكرة الاستراحه
تعلم ام تابط شرا على الد فتر ان ام العيال موافقه
تد ق على ام تابط على جوال حبيبه ابوها علشان ام تابط تستحي من اهل حبوبه
يرد ون عليها
يرد المسج: ضع رسالتك بعد سماع الاشارة
تتمتم ام تابط : يووووه يا ثقل د مها على هالمسج تد ري اني ماحب
اسجل رساله بس ويش اسوي مضطرة
شوفي يا حبوبه ضروري تتصلين على ام تابط شراً تشاو
د قائق وتتصل حبوبه على ام تابط شراً
حبوبه : اهلين ويش عند ك متصله ،،لا وتقولين ضروري؟؟
تراي توي جايه من الد وام وطاقه تسبدي فيه شي ضروري؟؟
ام تابط : ماعندي الا كل خير بس تراه فيه مشروع طلعه لم استراحه حنا وبنات الواحه
حبوبه : ايه كذا الاخبار اللي تنسي الواحد هم الشغل وغثاه
ويش المطلوب؟؟
ام تابط : ابد مافيه مطلوب الا موافقتك
حبوبه : مايبيلها كلا م مواااااااافقه
وفي اثناء المكالمه يد ق جوال ام تابط شراً الا نسه جوري تتصل بك
ام تابط : حبوبه هذي الا نسه جوري تتصل بي ابي ارد عليها
خلاص اعتمد ؟؟
حبوبه : اعتمدي يالله في امان الله
ام تابط : لحظه لحظه حبوبه اتصلي على العيون ومصد عه وريـــمــ2007ــاس وعلميهن عن المشروع
خلا ص مع السلامه
حبوبه : خلا ص طيب مع السلامه
ام تابط ترد على الا نسه جوري وتقول لها : اتصلي على الثابت
يرن الثابت
وترد ام تابط : صباح المغرب ويش هالنومه ؟؟
الا نسه جوري : هلا وشلونك امي تقول انك متصله ؟؟
ام تابط : لا الظاهر انك ماتصلحين لنا!!!
الانسه جوري : ويش بوه ما اصلح لكم ؟؟
ام تابط : نبي نطلع لاستراحه مع بنات الواحه
بس انتي كيس نوم متى تبين تلحقين علينا ؟؟
يالله تعبين نوم
والنوام ما يصلح يطلع معنا
يالله نبي ند ور غيرك ولا فيه احد يخلي اميمته وينام
يالله صلاح العطاء
قومي اجلسي معها يا مال الغنيمه وتقهوي وسولفي معها
انا يوم اني بنت وانا ما غير لازقه بميمتي مااتعداه ماغير سواليف
وتشهوي وتقهوي مع بعض لا واذا غاب الوالد نتعاطى كريريثات
اها بس قومي وسعي صد ر اميمتك
الا نسه جوري : وش تقولين تبون تطلعون لاستراحه ؟؟
متى؟؟ ووين؟؟ ومنهو ؟؟
ام تابط : متى ؟؟ ما بعد حد د نا بس يمكن بعد اسبوع
ووين ؟؟ نبي ند ور على استراحه تصير في منطقه مهيب بعيده
علشان خبرتس حريم مانبي نبعد ينخاف علينا
ومنهو ؟؟ ابد ماغير حنا يا بنات الواحه
الا نسه جوري : خلا ص لو تبين انام من الحين خلا ص بس لا تهونون عني
ابي اروح معكم يا حبيلك يا ام تابط خلا ص؟؟
ام تابط : خلا ص بس بطلي عنك كثر النوم ، يعني خلا ص اعتمد ؟؟
الا نسه جوري : افا عليك مايبي لها كلام اعتمدي
وتسجل ام تابط موافقة الا نسه جوري
وتتتصل ام تابط على قلب ادمته الجراح ويكون معها خط ثاني الطرف الاول مع
اهات مجروحه والطرف الثاني مع ام تابط
تجمع قلوبه ام تابط واهاتو بخط واحد (( هذي فايده خدمه المكالمات الجماعيه ))
يد ور النقاش والحوار بين الثلا ث
وهذا بعض الحوار :
اهاتو : ام تابط ويش رايك تروحين معنا للسوق ؟؟ ودي افصل فستان علشان خطوبتي
وهذاني قاعده اواعد قلوبه وابي نمر انا وياها محل نشوف المعروض عنده
هاه ويش رايك تروحين معنا ؟؟
ام تابط : لا والله يا بعد عمري اسمحي لي هالمرة وانشاء الله اذا بغيتي تشترين
فستان الملكه والزواج هذ يك الساعه افزع لك ومن عيوني الثنتين
لكن قلوبه فيها الخير والبركه
قلوبه : انا ماعندي مانع بس بنتي تغثني بالسوق ماتبي العربيه
تبي تنوخج وتدوج بالسوق
ام تابط : جيبيها عندي وروحي للسوق مع اهاتو
قلوبه : لا واخزياه تبلشكم زي ذ يك المرة ،لا الله يعافيك عاد يتقعد ون لك هي وتابط
ويغثونك لا خلا ص اود يها عند امي
ام تابط : الله يقطع بليسكن نسيتوني ليش متصله !!!!
اهات وقلوبه بصوت واحد :
خير انشاء الله
ام تابط : ابد الله يسلمكم فيه مشروع طلعه لاستراحه مع بنات الواحه
هاه ويش رايكم ؟؟
ويتم موافقتهم ، وتقوم ام تابط بتسجيل اسمائهم
ام تابط : تتصل في بيت رائعه 100 %
ترد الشغاله : الو الو الو سلام عليكم
ام تابط : وعليكم السلام وين مدام ؟؟
الشغاله : مدام فيه روه برا
ام تابط : طيب ويش ملقفك تردين يا ملقوفه ؟؟؟
الشغاله: ايس تبين مدام ؟؟ انتي مين مدام ؟؟
ام تابط : ويش عليك يا ملقوفه ؟؟
الشغاله : كلا ص ماما رائعه يجي انا فيه كلام مدام ويش عليك يا ملكوفه فيه كلم
تسكر السماعه ام تابط وتد ق على جوال رائعه
ترد رائعه وهي تخفت بصوته : هلا ام تابط
ام تابط وهي ميته من الضحك :ههههههههههه
رائعه : وجع ويش بك تضحكين ؟؟
ام تابط : اولاً اكيد انتي بالسوق
رائعه : ويش دراك ؟؟
ام تابط : صوتك فيه رسميه !!
ثانياً تدرين ليش اضحك ؟؟
لان شغالتك تحسب اسمي ( ويش عليك يا ملكوفه ) هههههههههه
رائعه : هي رد ت عليك الشغاله ؟؟
ام تابط : ايه كالعاده انتي تحرصينها ماترد وهي ملقوفه
الا ويش عند ك بالسوق ، لا تقولين عند المواعين
رائعه: الا ويش دراك عند محلات الامل بالعويس ادور حوافظ كبيرة
عندي عشاء بعد بكرة،، ابو الشباب عازم ربعه باستراحه
ام تابط : اجل عقبال ماتسوين بالحوافظ اللي اشتريتيها لعزيمه ابو الشباب
ذاك العشاء لنا بالاستراحه اللي نبي نجتمع فيها حنا وبنات الواحه
رائعه : صد ق تبون تجتمعون متى ؟؟
ام تابط: يمكن بعد اسبوع
رائعه : بس تبون عشاء ابشروا باللي يملي لكم الحوافظ
مالذ وطاب قرصان، جريش ،مرقوق وباقي المصاويل عليكن
انا علي الد سم واللي عليه الكلا م
ام تابط : لا لا تكلفين نفسك تراي امزح معك
مانبي الا تشريفك هذا هو اللي يسرنا
والعشاء ماحنا ميتين من الجوع
بعد ين الدعوة قطيه مانبي نكلف على واحد و الباقي مستريح
تنتهي المكالمه بتفاعل رائعه مع الفكرة
ترد د ام تابط في نفسه : يا ربيه مصبوبه اخت مصيونه ماترد على تلفون بيتها
خلني اجرب الجوال (( عفوا ان الهاتف الطلوب لا يمكن الاتصال به الان فضلا اعد
المكالمه فيما بعد وشكراً ))
مافيه الا اكتب لها رساله على الخاص
وتكتب ام تابط لمصبوبه رساله وتنسخ منه نسختين
ترسل وحده لارنوبه واموله الد نيا
لا نهم مايرد ون على جوالاتهم مقفله،، وتلفون البيت مقطوعه الظاهر
ما سد د وا الفواتير وخطوطهم الثانيه ما اعرفها
اقوم اكلم اختكم امل تلا قينها قامت الحين عقب العصر ومروقه عقب الد وام
الاتصال الحين على اختكم امل
ياربيه التلفون مشغول اكيد شابكه النت
اليوم ماينفع الا اللي ينفع عطي الله الجــــــــــــــــــــــــــــــــوال
تتصل ام تابط على على جوال اختكم امل
اختكم امل منسجمه مع المنتدى جالسه تكتب رد ود وفاتحه الماسنجر
وتسولف مع بنت امها وابوها
يد ند ن جوال اختكم امل تدور عليه بالشنطه عقب الدوام
تشوف الشاشه اذا أحد مهم ولا تنطنشوه ، أم تأبط شراً تتصل بك
أختكم أمل: ياربيه عسى ما شر ويش عنده أم تأبط أرد واشوف . الوووو
أم تأبط: منسجمه بكيفك ، بس لا تنطشين ، اشوى ما بغيتي ترد ين
أمل: لا ويش دعوى بس مشغوله بالرد ود ومعي بنت أمها وابوها على الماسنجر
أم تأبط: اجل ماني مطوله عليك بس حبيت ابلغك وبلغي بنت أمها وابوها بمشروعنا الجد يد
أمل : ويش مشروعه عجلي شوقتيني
أم تأبط : مشروع الاستراحه حنا البنات
أمل: ويش بناته
أم تأبط : بنات الواحه
أمل : أنا أنا أنا أنا
أم تأبط : بسم الله عليك عسى ما شر وراك علقتي لا يصير بك التماس فيوز
أمل: موافقه وما عند ي مانع
أم تأبط: اجل ولاعليك أمر ما دام بنت أمها وابوها معك على الماسنجر بلغيها بالنيابة عنيّ
وابي اتصل عليك بعد شوي أشوف ويش قالت؟؟؟
تشاور اختكم أمل بنت أمها وأبوها وترحب بالفكره وترسل على طول بنت امها وابوها
رساله لام تأبط تبلغها الموافقه
يعني ريحت اختكم أمل من اتصال ثاني من أم تأبط
لكن أم تأبط ترسل رساله جوال الى أمل تقول فيها:
جاك أعفاء من الاتصال عليك وقطع حبل افكاررررررك
تشوف أمل الرساله وتتصل على طــــــــــــــول على أم تأبط
يد ق جوال أم تأبط تطالع الشاشه تلا قي المتصل أمل
ترد أم تأبط : هلا اموله
أختكم أمل: ويش هالرساله أم تأبط ، حبايبي لو يقطعون حبل غسيلي مهوب بس أفكارررري،
أنتي تمونين على قلبي يا أم تأبط
واذا ما كلمناك من تبين نكلم ونرد عليه لا عمرك تقولين هالكلا م مرتن ثانيه
<<<< احلى احلى يالواسطه أيه أنا المؤلفة خخخخخخخ
المهم متى ما بغيتي تتصلين اتصلي، بس لا تتأخرون علينا نبي الاستراحه نبيها اسررررع وقت
والله محتاجين نضحك ونغير جـــو مع بعض
أم تأبط : الله يسلمك أموله وهذا العشم بك والله لا عد مناك عيوني ،
خلا ص بس نحد د ونحجز الاستراحه نبلغكم
ان شاء الله تسهل .... وتنتهي المكالمه
يد ق التليفون الثابت اثناء ما أم تأبط تشوف سجل المكالمات وكم استغرقت بالجوال،
تخاف يخلص الحدالإتماني حق كل شهر<<< من فصيلة الحريصون
أم تأبط تخاف تد بغ( يعني تنعلك يعني بالعربي يهاوشه أبو د حومي) هههههههههه
يرد الملقوف تأبط شراً من الغرفه اللي هو معاقب فيها
يطلع من الغرفه بحجة انه يبي يقول : يمه يمه خاله تبغاك بالتليفون
أم تأبط : ويش مطلعك من الغرفه يالله ارجع مكانك
ترد على التليفون ام تأبط : السلام عليك
على الطرف الثاني حبيبة زوجها: هلا كيف الحال ويش اخبارك
المهم يتباد لون الكلام المنوع والكوكتيل والاخذ والعطاء
أم تأبط : تصد قين يا حبيبة زوجك كنت ناويه اكلم عليك
حبية زوجها: ايه أنا اللي د ايم اتصل عليك ، بس ويش اسوي ما اصبر عنك ،
الله يعلم ويش بقلبي لك من معزه
أم تأبط : الله يسلمك هذا من طيب اصلك
تعلم أم تأبط حبيبة زوجها بالمشروع وترحب بالفكره
بس كان تعليق حبيبة زوجها على الفكره كالتالي:
بس شوفي يا أم تأبط الله لا يهينكم تكفون بليز د وروا استراحه قريبه ،
ما ابي زوجي يتغربل بالمشوار
تعرفين الرياض ومشاويره
تنتهي المكالمه بعد ما تأكيد أم تأبط شراً انه راح تد ور الا ستراحه المناسبه
واللي تلبي جميع الاحتياجات
في هذه الاثناء تقوم أم تأبط وتشغل الجهاز علشان تشيك على الرسايل الخاصه ،
واول ما ينفتح الجهاز يشير
بوجود كووووومة رسايل
تفتح الرساله الاولى من أمولة الد نيا وتشير برسالته بالموافقه ،
وزي ما توقعت أم تأبط ماسد د وا فاتورتهم ،
بس الله يعافي الخط الثاني ينفع لفك الازمات وحق اللي ما يستغنى عن الا نترنت.
الرساله الثانيه :
من شيوخه تبي من أم تأبط تد خل للماسنجر
أم تأبط :اشوى هذ ي شيوخه على الماسنجر اكلمها بالموضوع ،
وتجلس أم تأبط تفتح الماسنجر وتشوف باقي الرسايل
شيوخه تكتب على الماسنجر: الوووووووووووووووو
أم تأبط : اهلين شيوخه
شيوخه: وين الناس ياكافي من زمان عن الماسنجر اد خل الاقيك د ون اتصال ،
مشتاقه لسواليفك
أم تأبط: ويش اسوي مشغوله بالتجهيزات
شيوخه : و يش تجهيزاته، لا تكون تأبوطه تبي تعرس ولا قلتي لنا
أم تأبط : لا بسم الله على بنتي ، تـوه ممد يه على العرس ومسؤلياته،
ما هنا عرس الا اذا كملت د راسته الجامعيه ،
بس الله يعينه توه مقبله على المرحله الثانويه ، ومعك علم الثانويه وغثاه.
لا تنسيني ،، ترانا عزمنا نطلع لا ستراحه حنا والبنات ويش تقولين ؟ ويش رايك؟؟
شيوخه: هذي هي التجهيزات اللي تقولين عنها ، ياحيل الله أنا آخر من يعلم
أ م تأبط : وجع يوجع العد و ، الفكره ما صارت الا الظهر
وهذاي اسوي اتصالاتي علشان ابلغ باقي البنات
شيوخه: ومن جزم الى الحين
أم تأبط: الى الان أم الكتاكيت ، الانسه جوري ، أم العيال، ووصيته تقول لذكرى وشموخ،
حبيبة ابوها وقلت له تعلم مصد عه والعيون ، وحبيبة زوجها ، ورائعه، واختكم أمل ،
وأمولة الد نيا ، وبنت امها وأبوها، واهاتو، وقلوبه،
وبعضهم مابعد كلمته وبعضهم ارسلت لهم رسايل وما بعد رد و عليه
أم تأبط : هاه ويش قولتس ، معنا؟؟
شيوخه: ايه معكم ، بس عساني الا قي تيور زين اجخ لكم فيه
أم تأبط: ويش له التيور البسي من اللي عند ك بالد ولاب ، وبعد ين ماهنا اجناب
اهــــــــل قريه كلن يعرف اخيه
شيوخه: لا بس استحي اجي بشي كد شافوني فيه، على العموم ترى بحول الله وقوته معكم.
أم تأبط : يالله عن اذ نك شيوخه فيه رسايل ابي اشيك عليها
والحق اكمل اتصالاتي على باقي البنات
شيوخه: يالله في أمان الله.
تفتح الرساله الثالثه: من ارونوبه ومبسوطة من الفكره المطروحه
وترحب فيها وكانت من اشد المؤيد ين
للفكره ومتحمسه لها وتقول :
ياليت طلعتنا فيها مجال كان تجيب معها كميرتها الخفيه
بس الى الحين ما اد ري من قال لا رنوبه عن الفكرة
الله يجزاه خير تساعد معي بتوصيل الفكره لذ ويها
خخخخخخخخخ<<< حلوه ذ ويها داخله جــــــــو أم تأبوطي
وكانت ارنوبه تستأذ ن مني تبي تصور لو عيالنا بكميرة الفد يو
على باله محترفه خخخخخخخخخالرساله الرابعه: من متأمل وخلينا نشوف ويش فيها نفتح الرساله ونبص:
بعد السلام والتحيه بلغني الخبر السار اللي ناوين عليه ،
ويسعد ني ويشرفني أنضمامي معكم، لمزيد من الاتفاق
ارجو الاتصال ضروري على رقمي الجد يد ؟؟؟؟؟ 491
اختك : متأمل
تتصل أم تأبط على الرقم الموجود عنده
وياحرام أنتم ما عند كم خخخخخخخخخ
ترد متأمل على أم تأبط : اهلين وسهلين لأم د حومي
أم تأبط : هلا والله بمتأمل
متأمل: شفتي عزمت نفسي ، قالت لي ارنوبه
أم تأبط : فعلا ترى الدعوه كلن يعزم نفسه ما يحتاج عزيمه
ترى الاستراحه لنا كلنا جميع
متأمل: الاعلى طاري الاستراحه تراى فيه مجموعة استراحات لجيراننا كبيره
وقريبه وواضح وصفها ، والاهم من هذا أن عمومتي هم وعيالهم وعوايلهم
يجتمعون في وحده من ها الاستراحات كل اسبوع الى الساعه 1 باليل
يعني لو اخذ نا وحده من ها الاستراحات الملا صقه لاستراحة عمومتي
ما علينا خوف ان شاء الله
أم تأبط : صاد قه يا متأمل بس ان شاء الله ما علينا شر،، حنا مجموعه ونوحش الجن الا زرق
الا على طاري الجن الازرق ياليت غلايه وصمت العيون ومبطيه من الانطرنط يشاركونا
وكل بنات الواحه اللي مهوب ساكنين بالرياض،
لكن كل اللي نقوله الله يجمعنا في جنات النعيم،
خلا ص يامتأمل موضوع الاستراحه وحجزها عليك الله لا يهينك
نسقي الحجز للا سبوع الجاي ، الخميس زين
متأمل : أن شاء الله راح اسوي كروكي للموقع واحطه عند مكتبة جرير
عند واحد من المحاسبين تراه اسمر شوي اسمه حمد يصير زميل اخوي
ويصيرون البنات يمرون عليه يأخذ ون الكروكي ،، كذا احسن
أم تأبط : ايه والله احسن جبتيها يامتامل
تنهي المكالمه بين أم تأبط ومتأمل بعد ان تشكرت أم د حومي من متأمل
وبينت انهم فعلاً خوات ومتساعد ات فيما بينهن
ترد أم تأبط في نفسه : من باقي من باقي؟؟ ايه باقي طيوبه
تتصل على طيوبه يرد اخوها : الو ووو
أم تأبط : السلام عليكم اقد ر اكلم طيوبه
اخو طيوبه الشاب: لحظه اشوفها ليكي
يسد السماعه بيده وينادي طيوبه طيوبه
ترد طيوبه : ايوه ايش تبغى
أخو طيوبه: وحد على السماعه تبغاك
طيوبه: شوف مين هي لو وحده من اللي هما صررررفها
أخو طيوبه: مين حضرتك
طبعاً كل ها الهمس تسمعه أم تأبط
أم تأبط : قل لها أم تأبط شراً
أخو طيوبه: هادي وحده جد يده تقول اسمها والعياز بالله أم تأبط شراً
طيوبه: أم تأبط !!!! اشوف ايش عندها
***(ملا حظه)***
يجب مراعاة القراءه بالهجه الحجازيه لطيوبه واللهجه القصيميه لأم تأبط شراً
طيوبه: اهلين أم تأبط كيف حالك وكيف حال د حومي واخواته
أم تأبط: الامن هن اللي تبين تصرفينهن <<< ما صد قت تسمع صوته علشان تستفسر
طيوبه: قلت لك يا أم تأبط لما تبغي تتكلمي معاي الله يخليك بشويش انا يبغي لي مترجم
يحول كلا مك من قصيمي الى حجازي وياد وب افهم ايش تقولي وخصوصاً لما تتكلمي بسرعه
أم تأبط : آها بس لا تضيعين السالفه من هن اللي تبين تصرفينهن
طيوبه: على مهلك شويه شويه، هذ ولا ياستي صاحباتي بالجامعه الله يسامحهم، تلا قي الوحده
في المحاد ره لا تكتب ولا تستحد ر مع الد كتور ولما يجي الامتحان تجي ابرد من المويه
طيوبه صوري لنا المحاد رات علشان نقد ر نزاكر منها
أم تأبط : ايــــه يعني رفيقاتس اللي بالجامعه هن اللي تبين تصرفينهن ،
ايه قلعتهن وراء ما ينقلن الواجب اذا صار ن بالكليه ،
كل شي على حبيبتي طيوبه أو علشان اسمتس اسم على مسمى
طيوبه : أم تأبط ،، ايش الواجب اللي بتقولي عليه
أم تأبط: ايه قولي لهن الله يعظم اجرهن يشترن لهن د فتر سجل الواجبات اليوميه
ويكتبن الواجبات، زين لا اوصيتس القعي تسبد تهن
المهم عند نا مشروع ، وتعلم أم تأبط شراً طيوبه
تبدئ طيوبه موافقتها وتتحمس للفكره كثير
وخصوصاً ان الاسبوع القادم اخر أيام الفتره الا ولى من الامتحانات الفصليه
تفكر أم تأبط برهه <<< متأثره بالكتااااااب والمولفين
وتقول في نفسه باقي : ايه باقي عواطف ابليعيهم.
الله يعين على مكالمتها تروح بشيل وحط
وتبون تشوفون وشلووووون
تتصل أم تابط :على عواطف ابليعيهم
تررررررررررررررررررن ترررررن : ترفع السماعه وتنصك د رررد ب زي العاده
تعيد الاتصال أم تأبط مره ثانيه ترررررن تررررن
ترد بنت عواطف : الووووو مين
أم تأبط : اهلين ياشطوره وراكم ترفعون السماعه وتصكونها
ترد بنت عواطف : هذا اخوي زعلان ما يبي نرد على احد
أم تأبط : ليش وراه الباشا
بنت عواطف: زعلا ن علشان امي تأكل اختي الصغيره وهو يقول اكليني أنا أول ولحالي
أم تأبط : يعني امك مشغوله
بنت عواطف: لا بس هي تأكل أختي تمّن <<< التمّن اكله مشهوررره عند اهل حايل
عاد أنا اتوقع عواطف ابلعيهم من حايل
أم تأبط: شوفي اذا تقد ر تكلمني ولا ...لا
تروح بنت عواطف وتطق ام تأبط على السماعه لمد ة10 د قايق
الظاهر نست انها راده اساساً على التليفون
تمر عواطف ابلعيهم جنب التليفون وتشوف السماعه طايحه على الارض
وترفعها تبي تحط السماعه في مكانها
وتسمع شي يصووووت : هيه ياولد يابنت ،،
وكانت أم تأبط تزعععععععععععق
تتمتم عواطف يا مال الد قم للعييلي الظاهر مثل العاده مطنشين اللي متصل
ترد بحياء وخجل: الووووو فيه احد على الخط
أم تأبط: الا فيه احد نــام على السماعه ،، اخيراً ،، بغيت اهون واسكر السماعه
عواطف: ياخزياه منتس ياحيي
تمر اصوووووات
مزعجه عند عواطف ، عيالها يتعاند ون مع بعضعواطف : لحظه لحظه أم تأبط
أم تأبط : كالعاده مهوب غريب المكالمه اللي ما تقضى الا بطلعة الروح من هالبزران
تروح المكالمه هواش ونزاع بين العيال وامهم ما غير تفك بينهم
بعد ما تهد ي عواطف عياله ، وتبعد هم علشان تقد رالمسكينه تركز بالمكالمه
ترجع عواطف للتليفون وتاخذ السماعه وهي تتنهد وتأخذ نفس عميق: لا اله الا الله
هلا أم تأبط اعذ ريني يا اختي ، الله مير يصلح هالعيال هذي هي حالتي معهم
لا وعند بعد خالتي أم رجلي جايه من حايل ومعك علم الواحد ما يتفرغ لها البزران زين
أم تأبط : أم رجلتس عند كم هي مهيب بحايل عسى ما شر وراها جايه
عواطف : الا هي بحايل بس تسبيد ته توجعها وجايه تعالج الله يشفيها يارب
أم تأبط : الله يكشف ضرها، بس نبيك ما تخلينا أنت والعيال
نبي نجتمع حنا وبنات الواحه في استراحه
عواطف: ما يخالف ان كان راحت خالتي ولا ما اقد راخليها
ام تأبط : ومن قال لك خليها الله يحيك انت واياها
هذا ملخص مكالمه عواطف
واتصلنا بعد على جين اير وكان ابوها في البد ايه رافض ،
وبعد عدة محاولات هداه الله ان جين اير ترافقنا ولكن بمرافقه والد تها العزيزه
وهذي تراها ابرك الساعات
وتنتهي المرحله الاولى من المسلسل بموافقة الجميع على المشروع المنتظر ،،
وبعد ما جاء ت موافقة مصبوبه اللي كانت طالعه مع اهلها لمزرعه
وما كان فيها ارسال وبعد ما رجعت وجاء الارسال قرت الرساله ورحبت واستانست بالفكره
وبعد قلنا لام البطل ووعد ت انها تحرص على الاجتماع معنا ووعد ت انها تجيب معها البطل
وخواته علشان يلعبون مع عيالنا ،، لانها بالاول كانت تبي تجي هي لحالها وعيينا عليها،،
قلنا المكان اللي مافيه بزران ينعاف<<<<< امحق خخخخخخخخخخخخخ
وقام الكل والجميع يحلمون بذاك اليوم والكل يجهز ليوم الاستراحه
بالانتظار
*** البنات يتوجوهون للمكتبه لاستلام الكروكي
*** اسباب تأخر بعض البنات للمجيء للا ستراحه
*** التجهيزات والاستعداد ت للا ستراحه
*** ماحد ث د اخل الاستراحه
واحداث اخرى سوف تقرونها بالحلقات الجايه
هاه تبون أكمل ولا نخلص المسلسل على الحلقه الاولى والاخيره
والعذ ر والسموحه لكل من حقايقه غير صحيحه
هاه بنتظار رد ود كم ،، واستروا على ما واجهكم
علما
ان هناك بنات لم يتم ذكرهم بالجزء الاول
لكن سوف يتم ذكرهم بالجزء الثاني او الثالث
يعني لا يستعجلون على رزقهم
آخر الملاحيظ
ترى باقي الاجزاء مكتوبه
بس بنسقها وبنزلها
لان ظهري يعورني وماقد ر اقعد على النت وقت طويل
ود متم لمن يحبكم وأنا أم تأبط شراً منهم
ماشاءا لله ياام تابط مره الفكره حلوة ومشكورة على الجهد المبذول
بس ليه ماعزمتيني ؟؟؟؟؟؟؟؟؟؟؟