اخسريهم وانتي ليه مكلفه على نفسك وعمرك ولا تركزين 
على كل تصرف يسوونه تبي تنبسطي اخرجي وسلمي واجلسي معهم مالك خلق ولا تعبانه نام ابرك لك من مقابلة هالمرضى 

دايم الضعيفه حبيبتي الناس تستغلها و تنهرها
خليكي قويه وشوفي اذا احد يقدر يحط عينه بعينك اصلاً
قوي شخصيتك والكلمه رديها كلمتين وبعد اسبوع شوفي كيف ينظبطوا!

شوفي ياقلبي
زوجة اخوك الاولى شيل يدك من بنتها تماما تماما يمكن تحس وتتعدل
اما الثانيه ف يعني مابيضرك لو قالت وتفشخرت
ردي الله يهنيك ويزيدك من فضله بابتسامه

لاتاخذين هالامور بحساسيه لاني احس الموضوع مو سيء جداً لدرجة الهم اللي شايلته ياقلبي

الله يفرج همك

والله انكم صادقين شكلي ضعيفة عشان كده مو قادره اقول شيء أصلن حتى لما يلمحوا بشيء قاصدينه اكتفي بالصمت وساعات يقولوا مايحبون أحد يجيهم في البيت مع انهم دائما عندنا صج اني غبية قاطه عمري عليهم بس وش اسوي ودي أعيش مرتاحه ومستانسه معاها بس مم زمان أتمنى يكونون زوجات اخواني زي خواتي انا ودي يكون معي خوات أكبر مني اقولهم بأسراري واسولف معاهم بدون تحفظ بس وش نسوي هذه حال الدنيا ماحد مرتاح فيها
الله يجزاكم خير على كل كلمة وحرف كتبتوه انتم صج خواتي خوات دنيا ومالي غنى عنكم الله لايحرمني منكم ومشكورين على تفهمكم لوضعي

اختي
حسيت من كلامك انك طيبة و حساسة
بس يمكن زوجات إخوانك ما يحبون الميانة و يفضلوا الرسمية في تعاملهم معاكم
فعلا مو من حقها تحرمكم من بنتكم بس يمكن تخاف البنت تزعجكم
اما اللي تتفشخر عليك وين المشكلة ما ضرتك بشيء تجاهليها و بس
مادري اذا فيه اشياء ثانية ما حبيت تذكريها بس اللي ذكرتيه و الله مو مستاهل تتعب نفسيتك لذي الدرجة بسببه
ربي يفرج همك و يسعدك