بنات انا رفلا درجة اولى ممكن تساعدوني

مااعرف روابط، لاكن ماحبيت ادخل موضوع واطلع كذا ، خلي الشغاله تجهز لك مثلا تطلع اغراض الطبخه اليوم ، وتقصص لك البصل او سوي كشنه واحفظيها بااكياس وهي تساعد تجهيز وانتي تجين تكملين يبيلك اهتمام شوي، او انك تطبخين بالليل وبالبراد، سوي الرز نص استواء واحفظيه او صياني بالفرن سريعه، قبل تطلعين من دوامك تتصلين بالشغاله تجهز الاغراض، ماعندي صراحه افكار وان شاءالله افدتك

اشتري بهارات حلوة
ومهم جدااااا طريقة التكشين تكون ع نار هادية وكمية الزيت مناسبة موقليلة
خلي البصل يميل للون البني وشرائح رفيعة وغطي القدر ع طول
بعد مايتغير لونه اضيفي ملعقة بهارات مطحونه وورق غار وفلفل رومي
بعدها الدجاج وع نارهادية حتى يتغير لونه من الجهتين بعدها علبة طماطم بالخلاط تضاف عليه
وبعد ماتتسبك تضيفي الماء الساخن


لاتزودي الكمية كثير انتبهي والابتخرب الطبخة
والارز لونوعيته مثل ابوكاس مايحتاج مويه كثير
اما ابو بنت يحتاج اكثر ولما تضيفي الرز اول 5 دقايق نار عالية بعدها هاااادية ممكن تعملي تكشينة ع جنب بقدر صغير زيت و2 بصل
تضيفيها فوق الرز بعد مااااتقل كمية المويه كثير ويقرب الاستواء تضيفي هالتكشينة بدون تحريك من فوق بس

باي اكله اهم شيء التكشينه انا الحمدلله طبخي الكل يمدحه حتى اصحاب زوجي احيان يسالوه كيف سوت مرتك الاكله الفلانيه او يقولوا احلى من المطاعم ... والسر اولا البهارات احب البهارات الهنديه الي بالكراتين حق مهران او غير مهران واحب الفلفل الاسود والاحمر والكاري والكمون هذوا لازم تتوفر عندي ...البصل احب احمره ع ثوم وكبزره وفلفل بارد .... اللحم مثلا او الدجاج المسلوق اقلبه ع بصل وبهارات اقلبه كثير وبعدين اسوي الماء واضيف كبزره بسيطه اثناء التقليب .... الدجاج المشوي تتبيلتي شويه زيت زيتون وخل وثوم وكبزره وبهارات وزبادي .... نزلت امس زربيان اللحم شوفيه بقسم الطبخ ...المعجنات عجينه العشر الدقايق

الرز اشتري بوابه الهند للبسمتي ... واشتري ابو كاس للرز العادي انا خلاص تعودت ع ابو كاس اسوي فيه الكبسات .... الصلصه اشتري صلصه السعوديه او العلالي الي بالعلب الزجاج ... الزيت احب عافيه ....

اول شي الطبخ اسهل منه مااااااافي جدا سهل وتافهه والله العظيم بس لانك انتي مصعبته في بالك وتقولين انا ماعرف عشان كذا استصعب عليكي الامر وتحسيه كارثه
وبما انك مقصره في بيتك وبناتك ودوامك معناته انتي مو منظمه وقتك
نظمي وقتك ونظمي نومك سوي نظام معين في البيت لك ولاسرتك
عودي الخدامه انها تنظم البيت بطريقتك انتي مو بطريقتها

الطبخ راح يكون سهل عليكي جدا لان نتدك خدامه انتي بس اطبخي وهي تتولى مهمة التنظيف و الكرف عنك

جميع الطبخات الي تحتاج للكشنه لازم تكشني البصل و الثوم بكميه مناسبه لا تقللي والطبخه تطلع ماصخه ولا تكثري والاكله تطلع تغث اوزني الطبخ

ما انصحك تاخدين دورات لانه مايحتاج اصلا تراه سهل ادخلي المنتديات وطبقي كل يوم طبخه

ماتكملين شهر الا وانتي طباخه ماهره ان شاء الله

والعصر سويلهم حلى كل يوم سوي صنف جديد بكميه قليله الين تتكمنين من الطبخ