غيم2000 @ghym2000

عضوة شرف عالم حواء

بنات انا عندي سالفه صارت لي ودي احكيها لكم ؟؟ عسى تنفعكم باذن الله ..

السلام عليكم ورحمة الله وبركاته

اخواتي ..ابغى احكي لكم عن شيء صار لي ... ولقيت له علاج وابغى افيدكم ..باذن الله
على العموم انا ابغى انفع ماابغى اضركم .. لكن هذا اللي صار لي ونفعني .. يعني اللي تعاني من نفس المشكله ممكن يفيدها باذن الله هذا العلاج ...واللي تكون تعاني من زمن ...المهم هذه حكايتي وانتم احكموا ...

المهم قبل سنتين ...
اللي جاءني...
نظرة حسد والعياذ بالله وبصراحه من شغالتي زمان يوم شافتني وانا لافه بالمنشفه وانا توني طالعه من الحمام اكرمكم الله .... وباين جزء بسيط من صدري ( ولانهم محرومين من البياض وكبر النهود فهى محرومه من ذلك ويتمنون هذا الشيء وهذا اللي فهمته منها ومن غيرها كثير .. ) الله يحمينا ويحميكم باذن الله ... والحمدلله على كل حال ..
سبحان الله من وقتها شعرت بشيء غريب شعرت فيه على صدري وتعوذت من الشيطان وقتها والحمدلله يمكن النظره جات خفيفه بعض الشيء ..

بعدها بيومين بديت اشعربحرارة وحكه شديده بين الصدر( اي بين النهدين ) وصرت احك واهرش( وهذا الغلط ) المهم ........صرت اشعر بحرارة غير طبيعيه ...بعدها بدا الاحمرار بالانتشار في هذه المنطقه وبقوة مما سبب لي بعض الفطريات وصار هناك نوع من الرائحه الكريهه وانا اهتم واغسل واحاول اني اهتم ولكن المسالة زادت بشكل غير طبيعي ؟؟ حينها ايقنت ان هذا حسد من عينها والعياذ بالله ...فناديتها وقلت لها اذكري الله عليا..
وخليتها تقرا في كاس ماء ايات الله والمعوذات ...وصرت امسح على المكان من هذا الماء ....
...يعني تقريبا بدا الشيء الكثير خف والحمدلله ....

ولكن ترك لي اثر مزعج وهو عباره عن سواد بعد الشفاء وتشوة بحيث انه صرت اتفشل قدام زوجي ...:44: صرت احط بودرة لتغطية العيوب ...اثناء جلوسي الخاصه معه وهو مقدر هذا الشيء لكن في داخلي متفشله ...
المهم روحت لكذا طبيب جلدي ..يعطوني مراهم مانفع معي مررره ولا راح الاثر وصار يفشلني هذا الاثر اذا احد شافه ..:06:...

المهم بعد فتره روحت لدكتورة الله يجزاها خير .. اعطتني مركب علاج و حبوب وبخاخ يرش على الالتهاب للفطريات ...والحمدلله نفعني بعد الله ....
وراح التشوه ورجع الجلد صافي ولا احلى والحمدلله يارب..
وصار المكان ابيض مثل اول واحسن ولله الحمد ...
طبعا العلاج يعني اخذ مني فتره تقريبا عشره ايام فقط ...:27:

المركب هذا على حسب قول الدكتورة والصيدلي ايضا ......
انه بينفع لاي سواد سابق مثل بقع الحمل وهو الكلف وتقدم السن .. ايضا للركب الاكواع
وانه يبعد اي سواد من اثر جرح او التهاب فطري على البشره من زمن ..
بصراحه انا ماجربت ابدا على اي مكان ( توني بديت اجربها على ركب اصابع يدي لانها مسمره شوي وحسيت انه بدا بالتفتيح من اليوم الثاني من العلاج وراح استمر عليه الين اشوف النتيجه المرضيه ... ......
...لكن على مرضي جربت وهذا اكبر برهان ودليل ...:27:

المركب وهو طبي مئه بالمئه ....(( والافضل استشارة الطبيب ) ..
Retin-A cream >>>> نصف الانبوب فقط يفرغ 30 غرام
وهذا تبيض وتقشير وممكن الجل بينفع كبديل ان لم يوجد الكريم ..

EFFICOrt كريم 30 غرام ايضا>>>.انبوب كامل وهذا ايضا معالج وتبيض ومقشر ..

Eldoquin2% cream انبوب كامل ايضا حجم صغير....وهذا الكريم يعمل كتبيض ومعالج
والصراحه رهيب .:55:...

طبعا تخلط جميعها مع بعض في علبة نظيفه وهى في علب التحاليل ممكن ...
وتستعمل على المناطق المراد بها بعد التنظيف والتجفيف مثل
بقع الحمل واثار التهابات وحب شباب والبثور وممكن سواد سابق مثل سواد الركب والكوع

والحمدلله يابنات والله فادني بعد الله هذا المركب بشكل رهيب وسريع ولله الحمد ..

وللافاده من تعاني من التهابات فطريه مثل التهابات المهبل والجلديه وظهور حب شباب متقيحه واحمرار مثل اللي صار لي .. والاكزيما واي شيء يتعلق بالجلديه كالتهاب فطري ..

هذه حبوب مفيده ايضا .. وهو حبتين باليوم بعد الاكل على حسب حاجة المرض ...تمتد من ثلاثه ايام الى سنه ,,,

مثل حالتي استمريت عليها مدة اربعة ايام فقط .. والحمدلله فادتني بعد الله ..
وهى حبوب SPOranox جرام 100 وعلى حسب الحاله ...

هناك بخاخ رذاذ مطهر ومعالج للفطريات ويمنع من انتشاره بشكل اوسع ....اسمه لا ميزيل
LAMISILانبوب قصر ابيض وعليه اشاره L ...

وهذا اللي عندي وحبيت والله افيدكم وربي يشهد علي ...لكن يابنات اي وحده تعاني من اي امراض اخرى لاقدر الله وتعاني من فطريات اي فطريات سواء داخليه او خارجيه على الجلد من الافضل استشارة الطبيب وتخبره عن هذا المركب ...كعلاج من اثار تتركه هذه الفطريات او الالتهابات ..يعني بالنسبه لي انا اعتبر هذا العلاج معالج وتجميلي جدا
والحمدلله نفعني كثييييييرا ..
الان رجع لي نفس الحاله قبل سنتين لان هذا المرض على حسب كلام الدكتوره ممكن يرجع على حسب جسمك ...يمكن يكون مكروب بداخل الجسم والله اعلم ... وجاني قبل فتره وصار مكانه سواد مثل اول بس اهون شوي .....
والحين صايره استخدمه لاني احتفظت بالوصفه ولله الحمد ...والحمدلله لي ثلاث ايام بدا العلاج ياخذ مجراه بشكل مرضي جدا وبدا السواد يزول من المكان ..واستعمل المرهم الثالث وهو Eldoquin2% cream لوحده على ركب اصابعي والحمدلله بدات تفتح شوي شوي ...

واللي عندها اي استفسار تتفضل ,,,
ويارب ينفع كل وحده تعاني مثل ماعانيت ...واللي عندها من اول او اي اثر من اي شيء اخر حصل لها من قبل ...
واتمنى لكم الشفاء يارب ..
وابقوا ادعوا لي ...:27:

16K

يلزم عليك تسجيل الدخول أولًا لكتابة تعليق.

تسجيل دخول

##الكــــــــــادي## • 19 سنة

جزاج الله الخير .. ماقصرتي .. :26: :26:

CLassic2004 • 19 سنة

مشكوووووووووووورة وجزاك الله خير

انا عندي اثار حبوب وكلف
وفيه اسمرار في المفاصل بس الحمد لله خفيف يعني ينفع ؟؟
طيب ليش ما احط الخلطة على الجسم كله ينفع ولا لا ؟؟؟

هديل الحياه • 19 سنة

الله يعافيك ويقدرك على مساعدة الغير

بنت شيك • 19 سنة

عزيزتي مشكوره على الوصفه
لكن ابغا اقولك ان الدوكوين Eldoquin2% cream يبيض صحيح ولكن مشكلته يرجع السواد تاني
اقترح تبدليه بكريم سكن ساكسسفول او فيد اوت مع ريتن اي
تحياتي

غيم2000 • 19 سنة

هلا خواتي ..
شكرا على مروركن ..

اختي الكادي الله يسلمك ويجزاك الخير انتي بعد......... خيركم سابق .. تسلمين ..:26:

اختي كلاسيك ..

نعم بينفع باذن الله لاثار الحبوب وبقع الحمل وهو الكلف ...اما بالنسبه للجسم كله مممممممممم ماادري والله هو بينحط على الاثار فقط هذا اللي اعرفه او سواد واضح بمكان معين مثل الكلف او الكوع والركب لانها تجي من القعده الخطأ .. والله اعلم ,, وبينفعك باذن الله ..

بس بقولكم شيء مهم لا تتعرضون للشمس اثناء الاستعمال ...

ولازم يكون المكان جاف ..

والمفاصل مثلي انا والله رهيب الدوكين رهيب مررره .. لكن الاخت بنت شيك عندها رد اخر .. يمكن هى كمان مجربه افضل ...شوفي تجربتها ...الله يجزاها خير ..

اختي هديل الحياه
الله يسلمك يارب وتشكرين يالغاليه ...:26:

اختي بنت شيك .. الله يسلمك ..
وتشكرين على الافاده وان شاء الله باخذها بعين الاعتبار وياريت توضحين لنا عن الدوكين كتجربه لك ..

وايضا عن الكريم سكن ساكسسفول... ايضا كتجربه وهل هو طبي وبينفع في تبيض اللي مثل هذه الحالات ..
ومشكورة يالغاليه ... :26: