السلام عليكم ورحمة الله وبركاته
اخباركم بنات
أنا بختصر بموضوعي مع انه خلاص قررت قرار نهائي لاني تعبت صراحه وبشتري راحة بالي
ان طول عمري من تزوجت وانا واقفه مع زوجي وربي يشهد ع كلامي كل مااحتاج شي او صارت له مصيبه أنا بظهره مع انه عنده أهل بس مايتجراء يروح يطلب ريال منهم وكل مره اقوله روح لاهلك خلهم يوقفون معاك يقول ماراح يسون لي شي ومابي انكر بعد انه ماقصر معاي بعد هو وانا حتى ذهبي بعته عشانه وربي وكل فتره تصير مشاكل واقول عادي تصير بين اي زوجين اصبري تحملي حتى جات فتره طاح مريض بالمستشفى محد وقف معاه غيري وادري انه ذا واجبي بس لو أنا قليلة اصل كان تركته ومن بعد قومته من المرض كنت اوقف معاه واقول ماعليه زوجك مو عيب طلع من دوامه يقول مااقدر ع الدوام مافيني حيل لان الدوام يبعد عن البيت تقريبا ٤٥ دقيقه قال بطلع واشوف لي شغله قريبه وقلت له طيب ع اساس يشتغل اي شغله ع قولته والحين ٦ شهور جالس بس ع حساب المواطن وكل مره سلفيني وارجعلك ومن قبل حتى كنت اتسلف من اهلي واعطيه ادري انه هذا غلط بس وقتها يجيني يشكي لي ويكسر خاطري
مالكم بالطويله
الين اخرتها صارت مشكله بين وبينه كالعاده وهالمره مى بس علي حتى ع اهلي يغلط ويمد ايده علي عاد انا هنا قلت خلاص رحت كلمت ابوي لان يوصل الموضوع لين مدة اليد خلاص كلمت ابوي وجا وهو بدون حيا يصارخ ومدري ايش قدام ابوي والله ي بنات عارف نفسه غلطان يتهرب ابوي يقوله اجلس يتهرب بعدين طلع وجلست مه ابوي قلت له كل شي حتى في اشياء مقدر اقولها هنا شفتها بالبدايه وسكت والحين قلت لازم اتكلم لان خلاص انا من داخل ماعاد ابيه والله عفته ي بنات وقال لي ايوي انتي اجلسي الحين حتى لو يتكلم لاتردين عليه اجلسي فكري بينك وبين نفسك لين يجيبك عندنا وقتها اذا جيتي وقلتي ماابيه خلاص هو بيتفاهم معاه يعني يطلق اول نرفع قضية خلع
وطبعا الحين هو مايبي يوديني عند اهلي عشان متهاوشين وتخيلوا على اللي سواه كله ثاني يوم يجيني يقولي اذا عندك فلوس عطينا ناخذ اكل يعني بالله هذا وش نرد عليه قلت له ماعندي وانا عندي للامانه بس ليه اعطيه وهو حتى اعتذار ماعتذر واللي قهرني جالس يتحسب علي بالدخله والطلعه
ليه ماتروح لاهلك تطلب منهم ليه ماتشوف لك اكل عند اهلك
وادري الحين بتقولون ليه ماتطبخين المطبخ فاضي مافيه شي والله مافيه شي يتسوى
وامي خواتي يكلموني واقول لهم انا خلاص ماابيه
ترا من قبل طلقني وبعدين سو نفسه مسكين عند ابوي انا ابيها واحبها وهي زوجتي وانا مثل الغبيه رجعت والحين نذمانه ع الرجعه
وابي رايكم لاني اشوفكم مثل خواتي
عهود @ahood964
عضوة جديدة
يلزم عليك تسجيل الدخول أولًا لكتابة تعليق.
رمز🌿
•
إذا قررتِ الانفصال نهائيا، لا تستعجلين، انتظري سنة كاملة، اعتبريها السنة الأخيرة، لأن الزواج ميثاق غليظ، والطلاق ما ينفع يكون قرار لحظي انفعالي، فكري خلال هالسنة، كيف بيكون حالك بعد الطلاق، فرص زواجك مرة أخرى،هل ممكن يتقدم لك شخص أفضل، وخلال هالسنة حاولي تحسين الوضع كمحاولة أخيرة، ارقي نفسك، ادعي، استخيري، حافظي على أذكارك وصلاتك على وقتها، إذا كان في البيت صور ذوات أرواح غطيها أو اطمسيها، انتبهي لا يكون في البيت موسيقى، هذي أسباب لازم ننتبه لها عشان تحل البركة في البيت، والعمل الصالح من أسباب زيادة البركة والصلاة سبب للرزق، قال تعالى: "وأمُر أهلك بالصلاة واصطبر عليها لا نسألك رزقا نحن نرزقك".
بالنسبة لمساعدتك له، هذا الشيء يخليه يعتمد عليك، بما أنك عرفتِ أنه خطأ، وقفي، وكثري من الاستغفار والدعاء ما تدرين لعل الله يصلح حاله ويرزقكم من حيث لا تحتسبين
بالنسبة لمساعدتك له، هذا الشيء يخليه يعتمد عليك، بما أنك عرفتِ أنه خطأ، وقفي، وكثري من الاستغفار والدعاء ما تدرين لعل الله يصلح حاله ويرزقكم من حيث لا تحتسبين
الصفحة الأخيرة
انتي أدرى بوضعك ما اقدر اقول تطلقي او اجلسي
لكن في حال ضاقت بك السبل
تأكدي انه متوفر معك ٣ اشياء او ع الاقل ٢ منهن من بعد الخلع :
سند
وظيفه
بيت
و استخيري قبل كل شي 🦋