ثقي تمام الثقه ولا وحده فينا راح تقول لك تطلقي
لان مثل هذا القرار المصيري لازم انتي اللي تتخذينه بكامل إرادتك وقناعتك ورغبتك وتتحملين كافة النتائج السلبيه والايجابيه لانك انتي اللي عايشه كامل الظروف والتفاصيل وانتي اللي راح تعيشين ظروف وتفاصيل ما بعد الطلاق .
واسمحي لي اقول طبيعي زوجك يترك وظيفته وينسدح لك بالبيت
لانك اخذتي دوره كزوج وصرتي تشيلين عنه المسؤليه وتنفقين عليه كأنه زوجتك وشايلته شيل ليش يتوظف ويتعب وهو متأكد ومقتنع انك ماتردين له طلب ؟!
فهمتي الخلل وين في حياتك ؟
انك ماخذه دور الزوج في الحياه وجذبتي لحياتك زوج غير ناضج اتكالي ما يحمل مسؤليه
وزياده عليه شايله دورك كزوجه تغلبك عاطفتك وترحمين وتشفقين وتساعدين بلا حدود وبلا تفكير وهذا مو مدح هذا شي مذموم لان الطرف المقابل جالس ياخذ وياخذ وياخذ وما يعطي !
اللي مثل اسلوبك وشخصيتك وتعاملك حتى لو تزوجت مره ثانيه راح تعيد نفس التجربه مع زوج بنفس المواصفات لان الخلل الاساسي في الزوجه اللي ما تخلي الزوج يقوم بواجبه غصب عنه وهي تلتزم بواجبها كزوجه
حتى لو كانت الزوجه يجيها دخل مادي مليون كل شهر هذا الشي ما لازم يلغي دور الزوج في النفقه عليها وعلى البيت ويتكفل بالسكن والكسوى والاكل والشرب
للاسف زوجك من كثر ماهو مرتاح من ناحية الاعتماد عليك ترك وظيفته بكامل رغبته وارادته وهو عارف انه مافي وظيفه ثانيه متاحه له وعادي عنده تركها وجلس بالبيت هذي النقطه بحد ذاتها عليها مليون علامة تعجب واستفهام
اجلسي فكري وراجعي نفسك واعيدي النظر في كل شي واستخيري الله
والله يكتب لك الخير ويرشدك للصواب

وعليكم السلام ورحمه الله وبركاته

شوفي يااختي مابقول لك انتي عودتيه ومن هالكلام لانه معروف وانتي عارفه وعايشه هالشي
روحي بيت اهلك وابوك يشرط عليه
بنتي ماترجع لك الا وقت تتوظف ويكون عندك دخل تصرف عليها
وراتبك انتي تودعيه في اي بنك
يبكي يموت قهر يتوسل يبوس راسك
لاتعطيه فلس من راتبك
قولي له اخذت قرض لابوي محتاجه
واسدده من راتبي
توظف وجاك واعتذر والتزم لابوك انه يسوي واجبه ويصرف هو كان بها
مارجع خيرررررر لك وربي
ع الاقل انتي واهلك اولئ منه بفلوسك
وهو مريح علئ اهله
واصلا حتئ اهله مو مسئولين عليه
اللي ماعرف قيمتك لا تامني له ولا ثثقي فيه

لكل شخص نظره
كم عندك طفل ؟
هل راتبك ممتاز بحيث أنك تقدري تتحملين كل شي ؟
كم عمرك ؟
التحبيب حرام ولكن إذا هو مايقوم بواجباته فهو لا قوامة له .
ثانيا يمد أيده هنا سأسكت قليلاً يحتاج له رد قوي من أهلك ومنك شخصيا .
ثالثا اذا أنتي مازلتي متمسكه فيه ربيه .
نعم ربيه
أجلسي معه وكوني قويه في سردك للحوار
وغضبانه وتقولين له :
أنا بعد تفكير سنوات أتخذت قرار ودائما أأجله وهو الانفصال وبأسلوي أستشاره عند محامي كيف أتطلق بدون ما الجأ إلى الخلع وأدفع لك ريال واحد .

أنا قايمه بواجباتي و واجباتك
وصابره عليك علشان الأطفال والان توصل إلى مدت الأيد وترفع صوتك على أبوي !؟

القاضي بيحكم لي بالحضانه ١٠٠٪؜
وبأعيش مع عيالي وأسرتي .
ما بأخسر شي من أنفصالنا .
لذلك راجع نفسك .
إذا ما أعتذرت للوالد وأعتذرت لي قول وفعل
وعدلت من وضعك وبحثت عن عمل .
أنا بأبداء فعلا بوضع الفكره في الفعل .
وهي مسألة وقت يا ….
راجع نفسك
وتصرف كرجل مسؤول أفضل لك .
أنا أحتاج رجل أستند عليه مو هو الي طايح علي .
وأنتي تكلمينه لازم تكونين متأنقه جدا
ليس لجذبه ولكن ليحترمك أكثر
ويكون شكلك الأخير في مخه بكامل جمالك وهو يراجع الحوار .

من الاخر لازم يخاف علشان يلعن الشيطان ويتعدل
ومن ناحيتك دائما أطلعي على مواضيع تطوير الذات أكيد بتفيدك .

بدك تختاري الوقت المناسب إما للطلاق أو للصلح أحياناً إتخاذ القرارات بالاوقات الخطأ يجعل من القرار الصواب أكبر خطأ....انتبهي!!!!

أنا حاليا اخترت الانفصال خلاص لأني تعبت ع ذا كله تدرون انه رجع يطلب مني فلوس طبعا أنا قلت بسايره عشان يوديني عند اهلي وبعدها بقول ماجابني عندكم إلا يوم عطيته فلوس
بس هو حاليا ماعنده سياره إذا قال لي روحي خلي احد يجي يأخذك اروح ولا لازم هو يوديني

طبعا ماعطيته فلوس للحين لأني قلت له ودني قال الخميس روحي وأنا قلت لا اروح بعدين الفلوس
عطوني رأيكم