انا رح اقول لك طريقتي بالنسبة للبامية اغسلها واقطعها واحطها تغلي عالنار شوي واروح اكشن بصل وبعدين احط طماطم مفرومة ومعجون طماطم مع الثوم والفلفل الاسود والكمون واخليهم لين ينضجون واحط البامية عليهم وشوي من مويتها اللي انسلقت فيها وطبعا الملح على ذوقك
الملوخية انا اسويها بالدجاج اكشن عادي واحط الدجاج والبهارات لين تتسبك وفي نفس الوقت اكون خالطه الملوخية مع قطع بامية في الخلاط واحطها على الدجاج وان شاء الله اكون افدتك

يااقلبي اهم شي في الباميه او اي ادمات تسويه زي البطاطس والخضراء المشكله بعد ما تخلصي الطبخه واستوي خلاص قبل ما تتطفي النار جيب كم فص ثوم وشويه كزبر حضراء واطحنيهم وحطيهم وبعدين قفلي النار على طول

شوفي الملوخية تبينها مضبوطة وسهلة

جيبي الي مفرزن مقطوفة ومفرومة جاهزة بالسوبرماركت بقسم المثلجات

بالاول كشني ثوم وبصل وحطي نصف مكعب ماجي وكوبين ونص مويا مع ملعقة صغيرة ملح وملعقة كبيرة صلصة طماطم وملعقة كبيرة ماجي ابيض

ولما يغلي كبي عليها العلبة كاملة ولما يفور قصي النار ع الاخر وخليها دقيقتين وسكري

وشوفي الطعم واااااو

............................................................

اموت على الملوووووووخية يم يم

حبيبتي
ملوخيتي من ذاقها قال
ايش هالنكهه
ولا احط بهار ولا معجون
وطريقتي سهله
اول احمس البصل كويييييس
ومعه شوي ثوم مفروم
والبصل يكون مبشوووور
بعدين اضيف اللحم
واحمسة كثير
بعدين
احط مكعبين ماجي
واطحن الطماطم واحطه علية
واوطي ع النار
عشر دقائق
وبعدين اضيف موية حاره بس ماكثرها
واذا نجح اللحم
تكون الملوخيه مقطفتها وغاسلتها
واحطها في الخلاط واضيف لها شوي ماء
ماتكثرينه بس اللي يساعدها لين تنخلط
واشوف موية اللحم اذا هي كثير اشيل منها
واكب الملوخية علية
وانتبهي تغطينه
لان اذا غطيتيه تصير لونها موب اخضر يصير غامق
بس فوحتين واكون مجهزه ثوم مبشور
او مفروم
واحمسة مع شوي زبده
واكبة عليها وتفوح فوحتين وبس اتطفين عليها
وبالهنا والعافية
نسيت اقول انك تضيفين فلفل اسود
يارب افدتك
دعواتك لي بالتوفيق