سونه

أهلين حبيبتي

مدخل الرجال المهندس أعطاك مجال علشان تبدعي في المدخل و أعطاك مجال واسع للديكور جدار عريض كونسول و كرسين و مرايا و لوح كل شي ممكن يخطر في بالك على المدخل يعني لا تتوقعي أبدا انه بيطلع مو حلو بالعكس توزيع الفراغ رائع و مستغل بشكل جيد :)

بالنسبة لمجلس الحريم كبريه الين متر حلو بس سوي bay window
بيعطي حركة حلوة لسكشن العائلة

يا ستي بسيطة المطبخ مساحته حلوة مش سيءة أبدا و إذا ما تكبر عادي بس قولي لي ما شفتي الباب الي علطول على السفرة من المطبخ و توسيع باب السفرة بيطلع كثير أحلى

:)

والله مدري امكن انتو بالسعوديه لانكم تفصلو نهائيا مداخل الحريم والرجال ممكن بس انا مستغربه لانه في مجلس رجالي خارجي منفصل طيب ليه اختي بعد مسويه مجلس ثاني للرجال داخل ؟؟؟؟؟؟؟وبعدين مني فاهمه الصراحه شنو يعني ديرتي كتشن ادري بالانجليزي يعني المطبخ الوسخ بس انا اللي اعرفه المطبخ الوسخ يكون برع البيت مب داخل !!! المهم ماعليه انا متحمسه للموضوع لاني جاعده ابني وان شاءالله جريب راح ننتقل عجب العيد والحمدلله كل شيء بيبيتي مدروس وحلو احمدك يارب وان شاءالله انتي بعد تبني بيتك وتتهني ويطلع اروع ما يكون
ي

هلا ملكة الحسن .... مادري أيش الفكره من توسيع باب السفره الي على الصاله ممكن تعلميني ...
عشان أسويه .. وأنا كنت حاطه الباب مايل عشان يخدم المطبخ والصاله بس إذا كان أحسن أحط باب خاص بالمطبخ مو مشكله ..


بنت النور أنا حطيت مجلس خارجي لانه زوجي يفضل كذا وحطيت المجلس الرئيسي لأنه ممكن بعد فتره نبيع البيت فلازم يوفي متطلبات الي بيسكنون بعدنا ...يمكن مايبون مجلس خارجي

أما المطبخ فماحطيته ملحق عشان أشرف على الطبخ لانه مثل ماتعرفين ماراح أطلع برى والجو حار وموت ولو حطيته ملحق ماراح أطلع للمطبخ أبدا فأنا عارفه نفسي عشان كذا حطيته من ضمن البيت عشان ماأكسل..:)
وشاكره لكم مروركم أن شاءالله أحط باقي المخططات ..

عندي رأي بسيط ليه ماتخلين المستودع عند باب المطبخ الخارجي وتدخلين المطبخ شوي داخل
احسه افضل لو بتخلين السايق يدخل لك اغراض من برى على جهة المستودع افضل من انه يدخل على المطبخ ...اقتراح :)
فكرة ثانيه لو تعملين باب كبير بعد مدخل الرجال يدخل على الصاله عشان يخدمك لو بتسوين عزيمه حريم كبيره وتستخدمين المجلس :)

لكن بشكل عام التصميم عجبني ماشاء الله ننتظر البقيه

هلا حبيبتي

بالنسبة للباب المايل هو بيطلع شكله عادي لكن وقت الخدمة مضطرة تمشي و تلفي الكاونتر كامل علشان تشيلي الأكل من المطبخ للسفرة مباشرة أسهل و علشانك و علشان لو كان مثلا عندك ضيوف
عملية تجهيز الطعام ما حد يشوفها و ما تضطري تشيلي الطعام لمسافات اكبر و منظر الباب اجمل راح يكون لما يكون أكبر و بس كذا
:)

BINTalnoor

بنت النور معلش حضرتك من وين علشان نعرف طريقة العمران عندكم .. لأني أنا بعد أحب النظام المفتوح و بيتي بيكون بالطريقة هذي
:)
بالنسبة لمجلس الرجال الثاني هذا تقريبا للشباب يكون قعدة أرضية و أهل السعودية يحبون الشباب يكونوا منفصلين ما يدخلوا على البيت لأن ما يدخلون و يقعدون بالصالة مع أهاليهم فعلشان كذا الملحق و بعدين الله يعين الأسوار عالية و الجو لا يحسد عليه فما تفرق كثير الحدائق أهم شي التوزيع الداخلي .. بالنسبة dirty kitchen هذي حركة للي حابب يكون عنده مطبخ واحد في البيت يكون مفتوح على الصالة و عملية الفصل أفضل لأن كل روائح الطبخ الكريهة ما راح تكون موجودة و راح تتمتع بجمال و شكل المطبخ المفتوح من غير قدور ولا ريحة بصل ولا صحون المطبخ الخارجي موجود أيضا و لكن في ناس تفضل هذي الطريقة علشان يكون جزء من البيت من دون مطر من دون حر حتى لو كان الباب قريب عن المطبخ حق البيت ..

و انشالله أكون أفدتك

:)