السلام عليكم ورحمة الله وبركاته
انا فرحانه .. وامي من الفرح بكت وخواتي بعد .. حتى ابوووووي
يابنات ..ياخواتي ... ياللي وقفتوا معاي .. وياللي دعيتولي ...يابنات احلا عالم .. بقولكم شيي .. انا ملكت يوم الخميس اللي فات وزواجي بعد 3 شهوور.. ماني مصدقه ..تأخرت بالزوااااج واللي اصغر مني خلفوا عيال ربي يسعدهم وسبحان الله جا الفرج .. ادعولي ان ربي يسعدني معاه ويخليه مايشوف عيوبي ولا يشوف غيري ويحبني موووت ويرزقني منه بالذريه الصالحه ويسخره لي..ويطولي بعمر ابوي وامي وهم في صحه وعافيه اللهم امين وكل من قالت امين امين
لكل بنت ماملكت .. للعازبات .واللي تاخروا بالزواج .. انا حاسه فيكم .. حتى اللي عندها مشاكل مع زوجها .. اللي تأخرت بالانجاب .. بنصحكم يابنات بشي
الاستغفار ثم الاستغفار ثم الاستغفار واكثري الحمد والثناء على الله .. وتأكدي وخلي عندك يقين ان الله يشوفك ويسمعك وقريب منك وانه بيستجيب دعائك ..
-صلاه الليل حتى لو بركعتين
الصدقه انا مشتركه بخدمه مشاري الخراز يوميا 65 هلله بس.. واذا شفت اي عامل اعطيه حتى لو ريال
-دعاء الوالدين ورضااهم
-صوم الاثنين والخميس والايام البيض ويوم عرفه .. وافضل الصيام يوم ويوم
-مساعده الغير وتخفيف المشاكل عن الناس .. سواء بالمنتدى او صديقاتك او اهلك وادعي للناس باللي تتمنينه لنفسك
.. كنت ادعي للبنات بالزواج والحريم بتسخير ازواجهم ولاخواني بالتوفيق والوظيفه لانه في ملك يقول ولك مثله .. والله احيانا وانا بالسياره اشوف شايب والا عامل وربي اني ادعيلهم من قلب
-اذكار الصباح والمسا ا واذكار بعد كل صلاه ( لو بعد كل صلاه تقولين مثل 10 مرات لاحول ولاقوة الا بالله -و10 مرات استغفر الله و10 مرات سبحانك لا اله الا انت اني كنت من الظالمين ) يعني خليلك ورد يومي حتى لو قليل القليل
-صلاه الضحى ركعتين بس .. والافضل اربع ركعات
-طول وقتك على طهاره .لاتقولين تعب ...والله بتتعودين مع الوقت
-قبل لاتنامين ..هذي اخذتها من الشيخ خالد الجبير .. الله يجزيه الجنه .. حاولي قراءه 100 ايه علشان تكونين من القانتين (تكتبي في تلك الليلة من الطائعات لله ...سبحان الله بس 100 ايه ..) كنت اقرأ الفاتحه -اواخر البقره -السجده -الضحى -الملك -المعوذتين -الاخلاص -الكرسي )
-حطي ورقه كبيره مكتوب فيها بلون فسفوري على جنب سريرك الجهة اليمين اللي تنامين عليها دعاء التعار من الليل .. علشان اذا صحيتي بالليل .. تقرين الدعاء لاشعوريا .. والله اني اتقلب واقوله كذا تلقائي وادعي وانا بمكاني
عن النبي صلى الله عليه و سلم قال : ( من تعار من الليل فقال لا إله إلا الله وحده لا شريك له له الملك وله الحمد وهو على كل شيء قدير الحمد لله وسبحان الله ولا إله إلا الله والله أكبر ولا حول ولا قوة إلا بالله ثم قال اللهم اغفر لي أو دعا استجيب له فإن توضأ وصلى قبلت صلاته )
بين المغرب والعشا ( بين هالوقتين ساعه فقط . ) بهالساعه اقرأ سوره البقره واذا وصلت واذا سالك عبادي عني فأني قريب اجيب دعوة الداع اذا دعان ) بعدها ادعي والله هالايه كل ما قرأها ابكي لانها تأكدلي ان ربي قريب سبحان الله ( ماعبدناه حق عبادته )
-اهم نقطه عند السجووووووود ..ابكي تذللي افتقري الى الله .. ادعي بصالح اعمالك .. ولاتنسين شي مهم توبي كل ليله توبي اللى الله ( استغفرك اللهم من جميع الذنوب والخطايا واتوب اليك ماعلمت منها ومالم اعلم )
-سامحي الناس اذا جيتي بتنامين قولي يارب ترى مسامحه كل من اغتابني او ظلمني او تكلم فيني او ضايقني مسامحتهم لوجهك الكريم
اذا تبين تدعين ادعي اللي بقلبك واللي تبين .. بس لاتنسين تدعين لنفسك بالاخره والجنه والنعيم .. اختمي دعاءك اللهم ءاتنا في الدنيا حسنه وفي الاخره حسنه وقنا عذاب النار ( هالدعاء اقوله بالسجود وقبل لا اسلم ) ولاتنسين تدعين للمسلمين وللاموات ولوالدينك .. اللهم اغفرلي ولوالديا ولمن له حق علي وللمؤمنين والمؤمنات والمسلمين والمسلمات الاحياء منهم والاموات
ابعدوا عن شي اسمه تلفزيووون واغاني ومسلسلات والله ماوراها غير الذنوب .. ابعدوا عن اللبس القصير والضيق ( يعني اتقوا الله ) واللي يتقي الله .. يعطيه ربي اللي يبي
- كل مجلس تجلسينه .. قبل لاتقومين قولي سبحانك اللهم وبحمدك اشهد ان لا اله الا انت استغفرك واتوب اليك
هالجدول مو بس اللي تبي تتزوج .. لا.. هذا للدنيا وللأخره ..
هذا الرابط .. 65 هلله غيرت حياتي .. تعالوا غيروا حياتكم مثلي وانبسطوا :)
http://forum.hawaaworld.com/showthread.php?t=3018569
بالاخيييييييييييييير .. الله يوفقكم ويسعدكم بالدارين ويزوجكم يابنات .. ويسعدكم يامتزوجات ويسخر ازواجكم
بنات تكفوون .. لاتخربون فرحتي ارفعوا الموضوع طلبتكم لاتردوني وادعووووولي بظهر الغيب انه ربي يسعدني معاه واكون احلا عروس .. وادعوا لعضوه هنا اسمها 40 سنه انه الله يرزقها الزوج الصالح وباقي البنات اللهم امين :icon28:
فرحت اليوم وحبيت انكم تشاركوني فرحتي وتدعولي وحبيت افيدكم بعد باللي عندي .. ربي يسعدكم يابنات احلا عالم .. والله ماراح انسى وقفتكم معاي لما كنت محتاجتكم ..يارب يارحيم ياحي ياقيوم يا اكرم الاكرمين ربي كما جمعتني بأخواتي هنا .. اجمعني معاهم في جناتك جنات التعيم اللهم امين يارب العالمين ..
ايه نسيت شغله .. استقبل التهاني على العام والخاااص <<< احلفي هههههههههههههههههههه
اللهم اغفرلي ولوالديا ولمن له حق علي وللمؤمنين والمؤمنات والمسلمين والمسلمات الاحياء منهم والاموات
ماغيرها قلب ابيض @maghyrha_klb_abyd
محررة فضية
يلزم عليك تسجيل الدخول أولًا لكتابة تعليق.
ضحك الورد
•
الله يوفقك ويسخر لك زوجك ويجعلك من عباده الصالحين ويفرش طريقك ورد وجميع المسلمين اللهم امين
الله يوفقك ويسخر لك زوجك ويجعلك من عباده الصالحين ويفرش طريقك ورد وجميع المسلمين اللهم امينالله يوفقك ويسخر لك زوجك ويجعلك من عباده الصالحين ويفرش طريقك ورد وجميع المسلمين اللهم امين
ويرزق كل محرومه يارب العالمين
الف الف الف مبرووووك وبي يجعله الزوج الصالح في الدنيا والاخره
وربي يثبتك على طاعته
ومشكووووره على الموضوع الاكثر من رائع
وربي يثبتك على طاعته
ومشكووووره على الموضوع الاكثر من رائع
الله يجزاك خير وربي يوفقك ويرزقك الذريه الصالحه ويسخر زوجك لك ولا يشوف عيوبك
وانه يرى انك اجمل نساء الارض
اللهم آآآآآآمين
وانه يرى انك اجمل نساء الارض
اللهم آآآآآآمين
كلماتك درر رائعة ، و قد قالها تعالى ( انا عند حسن ظن عبدي بي )
مُبارك لك حبيبتي أسأل الله تعالى لك السعادة الدائمة في الدنيا و الآخرة و أن تكوني كل شيء بحياته و يرزقك الذرية الصالحة البارة و يرزق بنات المسلمين كلهم بالازواج الصالحين
الله يسعدك و يسعد و الديك و يتمم زواجك على خير و يبارك لك في حياتك
الصفحة الأخيرة