عواطف تركي . :

وعليكم السلام نظفي كبدك وجسمك من السموم عشان ينعكس على بشرتك وصحتك بشكل عام يعني اكلك خليه صحي قدر الامكان واقطعي السكريات والزيوت المهدرجه اللي هي زيوت القلي وابعدي عن المواد الحافظه والمعلبات اللي في الاكل يعني من الاخر اكلك وشربك يكون صحي قد ما تقدرين على الريق خذي كاس كبير مويه واضيفي له عصير نص ليمونه واشربيه ثم اشربي بعده بدقايق مويه بدون اضافات ومو شرط كل يوم عشان ماتقولين طفشت ونسيت ثم تتكاسلين وحاولي لو مره الى مرتين بالاسبوع تشربين عصير ورقيات خضراء بالليمون او عصير شمندر بالبرتقال والتفاح او عصير جزر او شاي كركم مجرد اغلي مويه وحطي شوي كركم طازج مبشور او بودر مع رشة فلفل اسود وخليه يغلي ثواني على النار لا يطول ثم قفلي النار وغطيه واتركيه عشر دقايق او ربع ساعه ثم اشربيه وممكن تضيفين له عصرة ليمون واكيد لا تهملين شرب الماء طوال اليوم كل هذي الطرق اللي ذكرتها تعتبر من طرق تنظيف الجسم والكبد ممكن تكررينها كل كم شهر بالنهايه هي اطعمه طبيعيه ما منها ضرر بإذن الله . اما بخصوص مشاكل البشرة وعلاجها الخارجي بالتزامن مع الديتوكس او التنظيف هو استخدام فيتامين E دكتور بيرج ينصح به لندوب واثار حب الشباب شوفي الفيديو وفي ضمن التعليقات تحت الفيديو رابط لنوع كويس لزيت فيتامين E تقدرين تشوفينه AAYFzCD_PAc واقترح عليك لنضارة البشرة واعطائها شوي تفتيح شرب منقوع لبان الذكر يومياً الصباح انقعي منه ملعقه كبيره بالليل على كوب مويه بالثلاجه طبعاً عشان ما يخرب والصباح اخلطيه زين ثم اشربي منه نص كوب وتقدرين تستخدمين الباقي كقناع على بشرتك تتركينه ربع ساعه ثم تشطفينه استخدميه يومياً وقبل الدوره بيومين خذي راحه الى ان تخلص الدوره ثم ارجعي استخدميه بنفس الطريقه ثم خذي راحه شهرين ثلاثه واذا حبيتي ارجعي له مره ثانيه لبان الذكر يعتبر كولاجين طبيعي للبشره عشان كذا لو استخدمتيه كمشروب بشرتك بتصير نضرة وفيها تفتيح واشراقه ولو استخدمتيه كقناع كذلك بتكون الفايده اكبر . والشي الثاني رطبي بشرتك بنوع كويس من الكريمات وتقدرين تستخدمين فيتامين E مع كريم جلسوليد علبه اخلطي معاه ملعقه فيتامين E مع ملعقه زيت زيتون بكر وشوي ماء ورد وعصير نص ليمونه اخلطيهم مع بعض واحفظيهم بعلبة زجاج بمكان بارد وقبل النوم ادهني بشرتك وركزي على مفاصلك واكواعك والصباح اغسليه بصابونه طبيعيه ما تهيج البشره ولا تجففها مثل صابونة الكركم على فكرة زيت الزيتون البكر المعصور على البارد فيه نسبة فيتامين E فإذا مالقيتي هذا الفيتامين جربي زيت الزيتون مع الجلسوليد وماء الورد والليمون

وعليكم السلام نظفي كبدك وجسمك من السموم عشان ينعكس على بشرتك وصحتك بشكل عام يعني اكلك خليه صحي...