مسيكن وصبحكن وظهركن وعصركن الله بالخير<<<< التاليه تسنها صعبه شوي
هههههههه
ويسعد لي ايام كل الصرقوعات والمصرقعين لا
يسعد ايامكم بالخير يارب
وشلونكم وش علومكم
انا بخير بس ضايقن
صدري << طيب عطيه اختس اللي اصغر منتسوالله اني صادزه
ولو تدرون وش بي تسان عذرتون
عشان تسذا ابي افضفض لكن انتن
واذا مافضفت لكن اجل من افضفض له؟
اقول اخلصي علينا
افضفض
فضفضي
لا تنفخون شوي شوي ترى اهون
اقول
قولي
طيب
اسمعن كل اللي تخاف وترتاع
تسمي بالرحمن وتشرب ماء بوه عصفرواللي حامل
تقراء على نفسهواللي تحس انها قدعه
وما تخاف واعصابها من حديد ترانا نحتاج لها
الموضوع مـــــــــــــــــــــــــهم بالحيل
ونبي عضلات وعيون مفنجله
مهوب مثل عيوني الله يخلف
على امن جابتن
كان ودي اقراء هالموضوع اللي ابي اسولف عليكن بوه من احد غيري
وفي اسلوب احسن من اسلوبي
زي اسلوب الله يذكرها بالخير متأمل
او قلوبه
او شموخ
او امة الله 999 حووووول بعدي تعجبني يابعد حيي
او سستر مدمد او ام الكتاكيت
او أي عضوه من العضوات الغاليات
لان كان ودي اعلق انا على الموضوع وما كان ودي اكتبه
لان احس اني ما راح اعطي الموضوع كل حقه
لكن من حر ما اوجس قلت اجلس واططق
على الكي بورد وعلى طوووول بدون مسودات
من الدميجه للحروف
والجود من الموجود
واللي يطلع مني يطلع
المهم افضفض
فضفضي عساتس للنفاضه
خخخخخخخخوش ادراكم والله اني جاني نفافيض
من هول ما صار لي <<< اندري عنكم تطنزون
ههههههههخلاص ابي احتسي
الموضوع ومافيه يابنات
هاه هماه
ترى معنا بالواحه الكركريه
رجال وله
شوارب بعد نسيت
قبل قولوا بسم الله عاد تصدقون هذا الشي
والله ماكان في بالي ولا في خاطري
ان يكون رجال بيننا
وتفأجات بهذا الشي وانقهرت
لاني ماتوقعت ابد ولا 1% ان ممكن احد يخالف القوانين الخاصه بالواحه الكركريه
واللي احس انه اهم قانون فيها
عدم دخول الرجال لها
مثلها مثل المشغل النسائي
او مدرسة بنات
او عيادة نساء وولاده هههههههههه
واللي خلنا نحس بالامان واخذنا كل حريتنا بالكتابه او الرد
لان نحس فعلاًاننا بين خواتنا وان طبيعتنا وحده
لان مافيه احد يجهل او يتجاهل طبيعة كل جنس
الحريم لهم خصوصياتهم
والرياييل على قولة راويه لهم خصوصياتهم ولحاهم
وشواربهم اللي قصدته يابنات
تخيلوا معي
ان وحده جالسه في بيتها
ونافشتن شوشته
وصابختن على يافوخها عنزوات به عرق ضاربتن فيوزه هههههههه<<< ولو انها كاشخه تسان اهون
هههههههه
لا والله يا اخوات
تصوروا وحده جالسه في بيتها وامنه ومطمئنه ما تدري
ترررن ترررن
موسيقى تصويريه الا ويدخل عليها رجل غريب ولا ومن وسع الوجه يقعد يسولف
وش تتوقعين بيكون تصرفك ؟
هذا هو اللي حصل معي ومع بعض الاخوات بالواحه يوم ردينا على موضوع
فتاة محتاجه عريس للي عندها تدخل انا مالي دخل
للكاتب وللاسف اقول انه كاتب يعني رجل والعضو هو
نانو حبيب الكل
دخلنا للموضوع وبكل عفويه ردينا على الموضوع على اساس
انه عضوه
مثلها مثلنا
لكن اكتشفنا عن طريق متابعة الموضوع لقراءة الردود
انه يعترف ويقول اني شاب
طيب ياشاب ما تدري ان الواحه مخصصه للنساء
وماقريت الله لايعمينا قوانين الواحه قبل ماتقرر انك تشارك بالواحه
ومهيب هذي اول مره لك يانانو
سويت بحس قصدي بحث للعضو
واكتشفت وطلع ان الموضوع السابق هو ثالث محاوله لك بالواحه
لان سبق ان كتبت موضوعين
هذا الموضوع الاول بعنوان
مواقف مضحكه أيام الخطوبه والزواج
وهذا هو الموضوع الثاني
الفرق بين العرب والأجانب
لكن لم تجد استجابه وتقبل من الاخوات فليش تستمر ؟
لكن اللي ضيق صدري
وماحبيت ان هالشي يتكرر مره ثانيه
هو
ان معقوله ان فيه اخوات اكتشفوا امر هذا العضو
واللي اعتقد او اجزم انه مراهق ويمارس داء التخفي مع الحريم
ولا ماكان سوى سواته
حتى شوفوا هالموضوع له
للفتيات
حتى الحريم في قسم ثاني استنكروا وجوده معهم ونبذوا تصرفه
لكن ماحز في خاطري
ليشششششش؟؟؟ما نبهونا الاخوات ممن اكتشفوا امره
وخلونا نحرص اكثر من تسذا
اللي صار صار بس مهوب شي سهل علينا
لكن قدر الله وماشاء فعل
يتبع
الله لايهينكم كله من الصور ههههههههههه
انا عرفت ان هناك اخوات غيورات على واحتنا
وخصوصيتنا قاموا بتبليغ المشرفات
لكن باقي ننبهه باقي العضوات اللي ما دروا
من تكرار هذا العمل بالمستقبل
ولولا غيرتي على الواحه ما كتبت وقلت
والله على ما اقوله شهيد
وانا اعتبر اللي صار عيب وشق جيب
وش اكثر من وجود رجال معنا
ونحاول نقطع ونتخلص من هذا العمل من لغاليغه
قصدي من جذوره
ومانسمح ابد بالتساهل في قانون من قوانين الواحه
والذي اعتبره هو اكبر واهم القوانين
واللي احسسنا من خلاله بالامان
وكأن الوحده مدده في بيتها
او جالسه تسولف في يبت اهلها بين خواتها
حتى الاخوان والوالد الله يجزاهم خير قاعدين في مجلس الرجال عندهم رجال
وحتى لو كانوا موجودين مهوب كل شي نهذر عندهم بوه خخخخخخخ
عاد ممكن لو سمحتوا تغمضون عيونكم معي علشان تتخيلون معي
وانت بعد يا نانو
تخيل معي انك انت في مجلس مليان
رجال ودخلت عليكم حرمه وش راح يكون موقفك ؟
هاه قل تقلقلت حنوك الظالم من خلقه
هل هذا الشي طبيعي؟
اذا كان الجواب فيه شي من التبجح
وقلت نعم او عادي ولا مافيها شي
فأنا وكثير من اخواتي نقووووول:
مستحيل يكون الوضع طبيعي
الا كان في مجتمع غير اسلامي وغير محافظ على العادات ولا التقاليد
الحين ضاقت المنتديات الخاصه بالرجال
مالقيت الا واحتنا تكتب وتشاركنا فيها
حتى ان اغلب الاقسم في هذا المنتدى الغالي على نفوسنا خاص بالحريم
الله لايخلينا من المؤسسين
لاوبعد سموه بسمنا
عالم حواء
واللي مايشوف ولا ينتبهه اقول له يامال العمى والكفف
عالم حواء
ومن اول الدنيا وحنا نعرف ان ادم رجل وحواء حرمه
ولامره صار تبديل اوتغير
وماقصروا القائمين بالمنتدى خصصوا اقسام معينه لمشاركة الرجال
بما تقتضيه الحاجه
ومع ذلك يتحرج البعض منا يالحريم الرد على مواضيع الخاصه بالرجال
ونكتفي بالرد على المواضيع النسائيه
وانا والكثير من الاخوات نسوي تسذا
حتى ان بعض العضوات تضع في توقيعها
الرجاء عدم رد الرجال او من هذا القبيل <<< حلوه من هذا القبيل
اعرف اتميلح خخخخخ
بغيت مره من المراريت استقيل واعلن انسحابي من المنتدى
لكن تعوذت من بليس
تدرون ليش؟
مجرد ان عزيزه على نفسي قالت :
اني ابي ادخل انا وزوجي نقراء مواضعتس
اللي بالواحه الكركريه
وابديت لها عدم ارتياحي لهذا الشي وبينت لها اني متضايقه وبشده
وهو مجرد قرايتها في حالة وجود زوجها معها
لكن اخذت منها عهد انها ماتسوي هذا الشي الا لحالها
ادري اني طولت عليكم وطققت تسبدكم
لكن تكفووووون خلوني افضفض
<<< من الصبح تهذر وما قضت هههههههههههه
عــــــــــــاد اقـــــــــــولكم
بأسمي وبأسم جميع العضوات والمشرفات نعلن ونشجب
ونستنكر وبشده وجووووووود رجال
مهوب أي رجال
رجاااااااااااال بمعنى الكلمه معنا
عاد اللي يحس انه مهوب رجال بكيفه الله يعافيه ولا يبلانا بجناينا
يعني بالمختصر المفيد
ما نبي احد ينغص علينا ويشاركنا في حلالنا وواحتنا
ونقول :
ما كثر الله الا المنتديات روحوا دوروا على ضالتكم
ودوروا مكان يحتويكم
مثل مالقينا ما يحتوينا
لان الواحه لنا يالحريم
وماراح نرضى بوجودكم
حبيت اقول لكل الاخوات
من اليوم ورايح انتبهوا وفتحوا عيونكم زين
نبهونا عن أي رجال موجود بيننا
وبلغوا المشرفات اللي ياحبيلهن يبردن التسبد
بس وش يبدن ويلحقن عليه
الله يجزاهن خير الجزاء
واحس ان ماملئ روسهن شيب الا شغلنا بهن ههههههههههه
مير صديقات ويعذرن يابعدي هن والله
اخيراً:
عسى كل من سولت له نفسه من رجال ودخل لواحتنا
لدمامل اللي بكل اصبع له علشان مايقوى يكتب شي
وعساه للفضخ بنظايره
وآآآآآخر دعوه لي
عساه يطب في خيشة حبحر ومهوب اي حبحر
حبحر من حبحر الرس الاحمر الحار المطحون
خخخخخخخخخخخخ
علشان مايقوى لا يكتب ولا يشوف شي
ودام الجميع بس الحريم لمن يحبهم وأنا أم تأبط شراً منهم