بنات تكفون أنا عروس وهذا مهري عندكم ساعدوووني

الله يبارك في مهرك ويوفقك

بس بأنصحك نصيحة وحده .. اشتري لك " انتي " دفتر وجيبي قلم .. وخذي لك فره بمنتدى تجهيز العروس

واكتبي كل شي بالدفتر <<<< انصحك لاني ماسويت هالطريقه وندمت

وبعد ماتخلصين جمعي الضروريات وروحي السوق وانتي عارفه ايش اللي بتشترين

نصييييييييييييييحه لاتروحين السوق الا وانتي عارفه وكاتبيه ايش بتشترين

وصصدقيني الاولويات والضروريات انتي اللي المفروض تحددينها لانه يختلف من وحده لوحده

ونصيحه لاتكثررررين عطووووووووووووور

وان تذكرت شي رجعت لك ياقلبي

ادعي لي ربي يسهلها علي وينزل السكينه في قلبي

الأفضل انك تسوين ميزانيه
يعني تحددين مبلغ معين لشي معين ..
وفيه اشياء ومستلزمات المفروض ماتكثرين منها والعكس صحيح فيه امور تحتاجينها ولازم تكثرين منها
خليني اعطيك مثال :
عندك العطور لاتكثرين منها يعني 4 و5 يكفونك مع مجموعه كامله للجسم من زهور الريف او نكتار او ذابدي شوب او غيره
والأحسن من نكتار ..

وكميه من البخور والعود ودهن العود .. فقط

والملابس لاتكثرين منها يعني البدلات 6 بدلات رئسيه للزيارت ..
لبس البيت من بيجامات وبديهات ولانجري هذا كثري منه قدر الإمكان ... لأن هذا الشي الوحيد اللي بتستفيدين منه ..
والجينز .. ضروري ..
الأدوات الكهربائيه من استشوار وآلة حلاقه من امجوي او براون ..
الميك آب .. إشتري الأساسيات فقط ..
والشنطه اللي يكون فيها مجموعة الوان هذا بتستفيدين منها خصوصاً بالسفر ..

الشنط والجزم .. على الوان البدلات .. ولازم تتوفر الألوان الأساسيه .. اسود , بيج وذهبي وفضي اذا تحتاجينهم ..

شنط السفر .. طقم كامل من 3 شنط يعتبر مناسب ..
العبايات .. عبايتين يكفون ..
والحجوزات من ميك اب وشعر وبرنامج .. هذا لازم توفرين له ميزانيه معينه ..



هذا اللي يحضرني حالياً .. وبالتوفيق ان شاء الله ..

مبروك
الله يوفقها
شوفي حبيبتي من تجربة خواتي انصحك بالاتي::

1- اشتري شنطة لملابسك بالاول ((شنط الجار الله ))عنده ماركات حلوة وماعليها اسعاره
عشان اي شي تشتريه تكويه وتسفطه وتحطه فيهااريح لها
ولا تجيب اكبر مقاس شنطة لانها لو سافرت بتبحل بها ماراح تدخل في السيارة
تجيب المقاس الوسط وما تحت

2- تلفين على المشاغل عشان الفستان الابيض لانه ممكن تطولين في اختيار الموديل
3- الملابس الداخلية خلصيها في يوم واحد ومن محل واحد اريح لك
روحي لا سنزا مسوي تخفيضات ((حظها حلو ))
ولا تنسين كم قميص على كم بجامة تعجبها

4- مثل ما قالت الاخت الي قبلي لا تكثر عطور 2 يكفي ودهن عود لو بغت

5- ملابس الطلعة (( السبورات))
السوق الحين كله تخفيضات واشياء حلوة يعني تقدر تخلص لبس البيت مع اللبس حق الزيارات الخفيفة لبيت اهلك واهله

وموفقة
اذ تذكرت شي بقول لك
ان شاء الله
ونحن بالخدمة

شوفي اسوق كله تخفيض

عندك الانجري تخفيض بالهبل

لايفوتك ابداً

وعليكم السلام ورحمة الله وبركاته

الله يوفقكم يااااارب