مبروك والله يوفقك أختى اهم شى الترتيب سجلى كل شى انت تبغوه وبعدين قسمى ولا تكثرى أهم شى الاساسيات ورتبى أولا إذا رغبت بالذهب حددى ثم الملابس الداخليه والسهره والمكياج والعطور وملابس للبيت وملابس خرجه وشنط وأحذيه وكريمات بجانب ماتريده من اجهزه كإستشوار وغيره بجانب البجايم والإكسسوارات وصدقينى طالما انت منظمه كله بسيط وزعى المبلغ على حسب أغراضك ونصيحه لاتكثرى والله يوفقك

والله انا ماعرف في هالاشياء بس رديت عشان ادعمك لوجستيا عيوني ومبروك مقدما

اول شي تبدا تتصدق لو بخمسين ريال من مهرها عشان ربي يبارك فيه

تبدا بفستان الفرح تفصله او جاهز وسعره يعتمد على مستوى الزواج يعنى فخم مره ولا بسيط في البيت وتحدد مبلغ للمسكه والكوافيره والبديكير والحلاوه والخرابيط هادى

حددو كل يوم لشي معين يعنى مثلا ابداو اول يومين لقمصان النوم لانه اسهل وتخلصي منها بسرعه والملابس الداخليه وانزلو السوق بس ادخلو هالمحلات لاتروحو يمين ويسار عشان لاتحسو الفلوس تطير كده بدون ماتكون اشترت شي عليه القيمه

القمصان تشترى 4 طويل مع الارواب وهادى تلقيها في نعومى واحه الجلابيه مره فخمه واحد منها يكون لونه ابيض او سكرى لاول يوم
تشترى 5 قمصان قصيره ولاتركز عالارواب لانها ماراح تلبسها اذا شقتها لحالها
5 قمصان فيها حركات يعنى تنوره او شورتات تلقي حركات مره رايقه ومو لازم نعومى بس روحى المحلات العاديه تلقي اشياء روعه
الملابس الداخليه تشتريها كلها اطقم مرتبه يعنى دانتيل وحركات اتوقع 10 تكفيها
وتشترى كم وحده قطنيه وطقم تلقي في لاسنزا حلوه
تشترى كلوتات قطن خاصه با ايام الدوره
تشترى 3 بيجامات قطن محشمه شوى اذا راحت تبات عند اهله او عندكم

كده تكون خلصت من اللانجرى وممكن في 3 ايام تخلصها بالراحه

نجى للبس الخروج حسب وضعها بعد الزواج يعنى اذا بيكون في عزايم كثير تكثر ملابس خروج واذا بتسكن بعيد لاتكثر لانه الموضه تتغير وبعد ماتخلص اللبس تبدا تشترى الجزم والشنط اللي تقدر تلبقها مع معظم اللبس لاتشترى الجزم والشنط قبل اللبس خليها لما تخلص

لبس البيت شورتات قطن وجينز وتى شيرتات وفساتين ناعمه دورى في التخفيضات اللحين تلقي اسعارها مره رخيصه

طقم ارواب الحمام تلقي في بيت العروس واذا ماعجبتك نعومى مره رايقه اللي عنده

لحاف السرير على حسب عاداتكم احنا عندنا العروس لازم تجيبه تلقي في بيت العروس حلوه ويكون لونه ابيض او سكرى او ذهبي

العطور خليها تشترى عطر الين وعطر ستيلا خرااااااااااااافه بكل معنى الكلمه لاتكثر لانها بتمل واذا حملت على طول بعد الفرح بتنرمى كلها هههههههههههههههههه يعنى 5 او 6 حلو ومو لازم كلها غاليه وتاخد الحجم الصغير

طقمين من بودى شوب او نكتار انا افضل نكتار لانه بودى شوب صاير غالي بطريقه مو طبيعيه

سيشوار مكينه براون طقم العنايه بالاظافر فرشاه اسنان معجون مزيل عرق وكل شي تحتاجه حتى الاولويز لاتنساه وتحطها في علبه مرتبه وتغلفها وتحطها في الحمام ولو تبدا فيها احسن لانها ممكن مع ضغط التجهيز تنساها وماراح تخرب

المكياج تاخد الشي اللي تستخدمه يعنى اساس وبودره وكحل اسود ازرق اخضر ارواج الوان متنوعه تناسبها ومعها علب الظل وبودره الخدود ماسكارا مزيل مكياج ومناكير يمشي معها ومو لازم ماركات غاليه مكياجى عندهم مكياج روعه واسعاره مناسبه

الله يوفقها ويتمم لها بخير ويعينكم عالتجهيز

شوفي ذا الملف توزيع المهر بس 50 الف
يمكن يساعدك
http://www.4shared.com/file/39151861/dea33d5d/50_online.html

الله يبارك لها ويسعدها
لا تنسوا الصدقه من المهر حتي يبارك الله فيه