بنات تكفووووون ساعدوني الله يخليكم

السلام عليكم ورحمة الله وبركاته
انا حبيت منتداكم وحبيتكم وحسيت ان قلوبكم على بعض مثل الاخوات الله يديم عليكم وبغيت منكم انكم تساعدوني وتنقذوني من مشكلتي اللي مايعلم فيها الا رب العالمين
انا اضفت شاب عندي على الايميل هو مؤدب مافيه شي وطيب وحبيته وقلت له مرة فترة على كلامنا هذا وقال لي انا بتزوجك انا مارضيت قلت له انه زواج من النت ماراح ينجح بس موراضي يقتنع راحت ايام وعاد السالفة مرة ثانيه وللاسف اقنعني وقال كيف اخطبك عطيني رقم ابوك رفضت وعطيته رقم خطابة واخطيت وقلت له انها قريبتي كل الكلام في اليميل ماكلمته جوال ابدا وماعرف رقمي الا قبل ثلاث اسابيع مدري كيف عطيته بس ماكلمته بس بيننا رسايل مو كل يوم
بس يابنات والله اني تندمت كثير على كل اللي سويته وتعبت نفسيتي انام ابكي احس بتانيب الضميرومااقدر احط عيني بعين ابوي واهلي كلهم دايم مهمومه وللاسف محد حاس فيني لااخت ولاصديقه تعبت والله تعبت حاولت ابعده عني كذا مره قلت له كل الكلام اللي قلت لكم بس عجزت اقنعه حذفته من الايميل وجاني مدري كيف يمكن ماعرفت احذفه
يابنات ارجوكم لاتخلوني قولوا لي وش اسوي ماني عارفه افكر بشي خايفه خايفه مو منه انا واثقه منه ماراح يضرني باذن الله بس اللي خايفه منه اني اموت وانا خاينة ثقة اهلي فيني وربي مو راضي عني وانا مو راضيه عن اللي سويته كله
ابي منكم بس كيف ابعده عني ابي كلام اقنعه فيه عشان ارتاح وارضي ضميري
ارجوووووووووووكم ساعدوووووووووني الله يجزاكم الجنة وراح ادعي لكم بصلاتي انتظركم على جمر