بنات جالسه انهار وربي

يابنات تكفون جيبو لي حل والله اني في ضيقه مايعلم فيها غير الله خايفه ميته خوف مكتئبه نفسيتي زفت اصحى من النوم مفجوعه وارجف وابكي والله العظيم اتمنى ربي ياخذ امانته وارتاح يمكن انا مريضه نفسيا وانا ماادري لكن تعبانه تعباااانه يابنات ويشهد على الله مافضفضت الا لكم مشكلتي في زوجي ابغا اتطلق بس مااقدر والله تعبت منه ومن حالتي في عذاب نفسي لي ٩ سنوات وربي كل الاوقات عندي كئيبه ماشوف سعاده حتى لو اني في وقت المفروض انبسط مادري شفيني المهم القصه ان عقولنا انا وزوجي مختلفه تماما اذا زعلت من شي جاب سالفه وطلعني غلطانه وقوم علي القيامه مع اني اكون وقتها متضايقه من موضوعي واتفاجا بموضوع ثاني وغير ان المشاكل عندنا شبه اسبوعيه والمشكله الاكبر انه على كل مشكله يلمح لي بالطلاق او زواج الثانيه او بعيشك حياه محد يتمناها اشبه بحياه الحيوانات ويجرحححح يابنات يجرح كلامه مثل السكين بقلبي وانا انسانه صعب انسى بعض الكلامات ايش اسوي والله تعبت انا نفسيتي ماش واشيل هم كل شي وخايفه على نفسي وبناتي انه يطلقني وهو عارف اني مابغا اتطلق لان ماعندي سند ابوي سيء معي اصير خادمه لو اروح له وراح انحرم من بناتي وبناتي خايفه عليهم من اسلوب ابوهم يجرحهًم ودمر نفسيتهم مثلي ولا عندي دخل ادرس جامعه والله يابنات مادري وش اسوي مقنوقه عمري جالس يمشي وانا اتمنى بكل لحظه يوقف عمري ًولا ني متخيله اني بعيش باقي عمري كذا وربي اشوف الحياه مستحيله معه انسان بايعني بثانيه وحافظ نقاط ضعفي ومستغلها تماما ماراح احد يوقف معي لو اتخذ قرار باكل تبن ادري والكل بيقلب علي حتى ابوي مايبيني وامي متزوجه واحد ثاني ولمحت لها لو اذا تطلقت اجي عندك قالت زوجي يادوب متحملني انا لو تجيني بيقول انقلعي انتي وبنتك بنات مدري وش السالفه الحياه ليش كذا وربي لاطفوله ولا شباب واشوف ان حياتي كل مره تسوء اكثر وش مسويه انا في حياتي عشان يصير لي كل هذا والله ان ماعمري ضربت احد ولا عمري اذيت احد بكلمه واكرهه اغتاب احد ولا اكرهه احد والله طفوله تشتت بدون ام وزواج فاشل وتعب نفسي وبعدين ايش بيصير زوجه ثانيه ؟ طلاق ؟ بعد عن ابنائي ؟ خادمه في منزل والدي ؟ او زواج لشايب ابوي يدفني عليه؟ ولا ايش بيصير انا انسانه بس ابغا اعيش بامان وربي كل مره انام اصحى كوابيس واقول هل بجلس لبكره مع بناتي ولا بتتحق مخاوفي تكفون ادعو لي اسفه طولت بس والله منهار واحتاج احد يحس فيني او يعطيني حل