بنات جده ساعدوني ..

اماكن ترفيه اشهرها
اكواريوم فقيه

و ملاهي الشلال

وملاهي عطاالله

هدي كلها ع الكورنيش

والمطاعم تلاقي كثير ع الكورنيش طبي واختاري

وعندك مولات زي مجمع العرب فيه ملاهي وطاعم وكل شي
و الاندلس مول و رد سي مول و غيرها كثييييير

محلات ايش الي تقصدي ف الاسواق ....؟

ياعمري انتي ماقصرتي اقصد محلات معينه جميله تتعنين لها


والسفن وهالاشياء البحريه كيف اذا تعرفين دليني

بسم الله نبدأ بقولك إلي بيخطر فبالي و أن شاء الله تنبسطون
بخصوص أماكن الترفيه
فقيه أكواريوم ع الكورنيش عالم البحار و عروض دلفين
تشكي تشيز ملاهي أطفال ع الكورنيش
فن تايم بيتزا ع الكورنيش
ملاهي الشلال ع الكورنيش أنصح فيها حلوه و فيها صالة تزلج و عروض و مطاعم وكافيهات
ملاهي الأرض السعيده عطا الله ع الكورنيش و بجنبها كافيه التراس حلو
جزيرة الشراع مسابح للأطفال و ملاهي وجلسات ع البحر وفيها مطعم هذي ع الكورنيش برضو
الأسواق يا كثرها
رد سي مول و مجمع العرب و عزيز مول و السلام مو و الأندلس مول و هيفاء مول
و روشان مول و برضو ستارز أفينيو هذا راقي وفيه ماركات و برضو فيه مطعم غوديز رائع

بخصوص المطاعم لا يمكن بعدها كثيره لكن بحدد المواقع المنتشره فيها
الكورنيش كله مطاعم
شارع التحليه كله مطاعم و كافيهات متنوعه جدا أهمها تشيز كيك فاكتوري و شيك شاك و الكثير
شارع الروضه أغلبه مطاعم راقيه أسيويه هنديه و لبنانيه و فيه مطعم ريم البوادي نفس الفرع بدبي

شارع الأمير سلطان مليان مطاعم
المولات مليانه مطاعم وكافيها
منطقة أبحر توجد فيها الشاليهات الكباين لو حابه تحجزين شاليه و برضو في منطقة أبحر عدة مطاعم

و فيه مطعم السقاله في أبحر حلو ورايق و فيه سفينه كبيره تابعه له الحقيقه ما جربتها
بس دايم أشوفها بالبحر محمله بالناس و يقدمون فيها وجبات لازم حجز أسألي بالسقاله
و حجز الجيت سكي و القوارب تحصلينه بأبحر

برضو مطعم كنز أبحر في أبحر هذا غني عن التعريف و مشهور بجده
و برضو مطعم الودعه ع الكورنيش بتشوفينه واضح شكله مثل الحلزون بالخشب جلسته ع البحر
مباشره
عندك برضو بلاجيو قريب من جزيرة الشراع و قريب من ملاهي الأرض السعيده هذا راقي
وجلسات خارجيه وداخليه روعه
هذا إلي يحضرني وياهلا فيك بجده

و كمان لو بزورتك يحبو الالعاب المائية عندك روائع المكتبات في شارع الامير سلطان ،،