بنات جده واشعه الصبغه

في مستشفى عرفان عند الدكتوره فاطمه اعتقد انها مصريه
والسعر ما اتذكر بالضبط بس تقريبا 700 ريال
واخذت قبلها ابره فولتارين سالت صيدلي وقال ما تحتاج بس من خوفي اشتريتها من برا واعطتني اياها الممرضه قبل الاشعاعه والحمد لله كنت شايله همها بس ما تستاهل كل هالهم الي شيلته نفسي دقايق وخلصت

انا سويتها في مستشفى الجدعاني حي الصفا ،، الدكتور يدها خفييييييييييييييييييييفة جدا ، اول شي الدكتور اللي تراجعي عنده سواء في المستشفى او برة ، خليه يكتب لك انك محتاجة تعملي اشعة صبغة ،، بعدين انا اخذت موعد عند الدكتورة هي كانت في مصرية بس قالت انا مو حقت اشعة ما ادري ايش اتفلسفت كثير و قالت الدكتور حنان هي اللي المفروض تسويها لك ، المهم كلمت الريسبشين قال لي الدكتور تكون موجود على الساعة 2 ظهر اعتقد لين 4 او 5 عصرا مو فاكرة بالضبط لاني مسويتها قبل 7 شهور ،، و بعدين دخلت على الدكتورة كشف عادي يعني دفعت فلوس الكشفية , و دخلت عادي ووريتها ورقة الدكتور و قلت لازم اسوي اشعة ، قالت لي دورتك خلصت قلت لها ايوه ، قالت طيب لازم اكشف عشان اتأكد الدورة خلصت ،، و لما كشفت من تحت قالت في بقايا دم تعالي بعد يومين ، مع انه ما كان في شي على الفوطة ، بعد يومين جيتها زيارة بدون ما ادفع و شافتني و قالت خلاص انزلي تحت لمحل الاشعة و اعطيهم الورقة و اسأليهم متى يجي دكتور الاشعة و قبلها بخمس دقائق انزلي خذي ابرة المسكنة عشان ما تتألمي ،، و نزلت و كنت اول وحدة اعطيتهم الورقة قالو الدكتور يجي على الساعة 5 عصر ،، قبل خمسة بعشر دقائق نزلت دفعت فلوس الابرة اخذتها و رجعت ،لهم ، دخلوني الغرفة غيرو لي الملابس و نمت على سرير و فوقي اجهزة و جاءت الدكتور حنان و و ما ادري ايش سوت من تحت ما طليت ابدا بس طول الوقت كنت استغفر و مقفلة عيني بالعكس فتحت لها رجلي عشان اساعدها و اساعد نفسي و زي ما تقولي اسوي ،، و ما حسيت بأي شي ،،
و بعدين دخل دكتور الاشعة ، و هي قالت حطي الطرحة على راسك و من تحت هي واقفة و دكتور الاشعة وقف عند راسي و يضغط على ازارير و مشي ، انا لسه في بالي انه دحين تبدا ، اتاريهم خلصو ههههه ، لاني مأخذه الابرة فما حسيت الحمدلله بأي الم ،، و بعدين الدكتورة قالت خليك نائمة عشر دقائق لا تتحركي و في نفس اللحظة تقولك النتيجة وانتي نائمة ،، هي و الدكتور يمشو و تبقى الممرضة ، بعدين تقومي و تدخلي الغرفة و تلبسي ملابسك ،، و لو حابة تستني النتيجة نفس اليوم يبغالك ساعة او اكثر ، بس لو تأخذيها يوم الثاني افضل ،، و بس ، يعني مع الابرة ما تحسي بألم ،، و الابرة اسمها فولتارين ممكن انتي تسويها حتى بدون ما تستشيري الدكتورة ،

الاشعة ب 500 ريال و زيارة الدكتورة + الابرة على التأمين الزيارة 7 ريال و الابرة 3 ريال ،،
على فكرة الدكتورة دمها ثقيل ،، و تتكلم من طرف خشمها بس للامانة يدها خفيفة مرة ،، و نزلت غرفة الاشعة و سوت كل شي لي بس الدكتور دخل زي ما قلت ضغط على ازارير و مشي وهي بعد كده نظفت من تحت ، و كمان على طول قالت لي النتيجة بفمها عشان تتطمني قبل ما يطلعوها لي ،، عشان استلمها ،،

جزاكم الله خير ريحتوني شوي

تنصحوني اسويها في الجدعاني مع اني اكره هالمستشفي بس وش رايكم
والابره الفولتارين اخذها قبل الاشاعه بساعه