بنات حواء الحقوني... جسمي بعد الولادة يحوووووم الكبد

معقولة 59 قروا ولا ردو علي
وش دعوة ما في هالقسم متزوجات

حبيبتي ما حبيت أدخل موضوعك بدون أن أرد عليك
أنا لست متزوجة لكن أنصحك بعمل الحمام المغربي فهو يقشر البشرة بفعالية ويعطيها نضارة وصفاء فائقين، ووضع وصفات للتبييض والمنتدى مليء بها اختاري منها ما يناسب نوع بشرتك.
بالنسبة للسمنة يجب اتباع نظام غذائي تصفه لك طبيبة مختصة حتى تتمكني من تنزيل وزنك بعد الولادة بدون مشاكل لأن الريجيم العشوائي يعطي نتائج سيئة على الصحة والشعر والبشرة.
مع ممارسة الرياضة بشكل منتظم حتى تحصلي على جسم مشدود بدون ترهلات.

هذا اللي حاضر في عقلي في هذه اللحظة
ويا رب الأخوات يجاوبوك إن شاء الله
تحياتي الخالصة لك

أنا مثلك أنتظر أي شي يكتبونه البنات لأني على وشك ولادة ..
سمعت إن زيت الزيتون والورس زين ..
بس لاتسأليني شلون .. والله ما أدري .. والله يعين الجميع ..

يا قلبي يا سالي..شوفي ابقولك على عدة أمور تسوينها وان شاء الله بتفيدك كثير

خلطات سهلة ولا يبيلها كثرة شغل ولا هم يحزنون..بس المهم المواظبة عليها..

الخطوات للعناية بالجسم كالتالي :

1/ زيت زيتون + خل + ليمون قطرات بس لا تكثرين

هذه الخلطة تدهنين فيها جسمك كله يومياً..وتنامين فيها والصبح تغسلينها..

2 / حطي ببخاخ ماء ورد وبعد كل شور بخي على جسمك كله ماء الورد وادهنيه

بزيت اللوز المر..

3 / ابشري اي صابون والأفضل للطبيعي..مثل صابون زيت الزيتون أو الغار

المهم ابشريه وحطيه مع كركم مطحون..وكل ماجيتي تآخذين شور تفركي فيه..

انتهى

صدقيني واظبي على الخطوات اللي قلتها لك..وشوفي النتيجة كيف بتصير مبهرة..

إياك تحطين على جسمك مواد حارقة مباشرة بدون تخفيف مثل الليمون تراه ما

يناسب الجميع وأولهم أنا..

وأبقولك على فوائد كل المواد المستخدمة بالنظام اللي قلته لك :

زيت الزيتون ~> مرطب ومغذي ومفيد جداً للبشرة

الخل ~> يخفف من حدة التشققات الناتجة عن الحمل وتمدد الجلد ويشد الجسم

الليمون ~> مطهر ومبيض للجسم

زيت اللوز المر ~> يجدد الخلايا ويرطب البشرة ويوحد لونها بشكل رائع

ماء الورد ~> يشد الجسم وينعشه ويورد البشرة وريحته حلوه

الكركم ~> يفتح لون الجسم ويصفي البشرة مرة

والكركم اللي استخدمه اجيبه من العطار..غير مطحون..يعني يكون مثل الأعواد

واطحنه بالبيت..

وسلامتك يا سالي ويارب يرجع جسمك أحلى منول..وترى البيبي يستاهل كل هالتعب :)

قلي اااامين يا امونة المزيونة

الله يجعلك مزيونة بعيون كل الناس واهم شي ابو العيال
الله يوفقك ويسعدك يالغالية
والله وصفتك هي اللي ابيها
وانشالله تفيد
وان فادتني والله لا ادعيلك
مشكورة حبيبتي والله يكثر من امثالك