بنات حواء محتاجتكم :( ساعدوني تكفون

مرحبا خواتي بنات حواء ..
يشهد الله إني أحبكم وايد ، أحس إني وسط صديقاتي لما أكتب لكم ..
نفسيتي وايد تعبانه ، قلت مافي إلا بنات حواء أفضفض لهم ..
بقولكم قصتي .. انا كنت ضعيفه ، كان وزني 45 ايام المدرسه ، ولما تخرجت من الجامعه صرت 56، وكان جسمي حلو ، وسويت رياضه وترتب واااااايد ..
المهم .. ماطول عليكم .. طبعا قعدت البيت والشغل ، سووااا فيني شغل :( ومن سنه ونص تقريبا كنت 70 ، بعد الزواج وفي شهر العسل صرت 75 :06: وقبل لأحمل صرت 80 :icon33:
زدت في الحمل 9 كيلو ، ونزلت بعد الحمل 10 كيلو لأني ماكنت أشتهي آكل في النفاس ، بس بعد النفاس شهيتي انفتحت على الآخرررررر ,, تقولون أول مره آشوف الأكل ، وأخاف يطير ..
ألحين وزني 82 وأبي أنزل .. ملابسي ماتصير كبري والله ، ومب راضيه أشتري لبس جديد ، كله ألبس جلابيات :icon33:
قبل الزواج سويت ريجيم اتكنز ( البروتينات ) ونزلت بس لأني سخنت ومرضت مرتين ، لاعت جبدي من الريجيم وحاولت اعيده بس ماقدرت كللللللللش ..
وماحب أتقيد بريجيم معين ، يعني فطور وغدا وعشا ، وكل يوم أقرا شي في المنتدى ، لين مخي انفجر
ماعرف شسوي :(
قريت كذا ريجيم ..
ريجيم البطاطس .. ريجيم الشوربات والعصير ... ريجيم الزبادي .. وغيره وغيره ، عجبوني لأني ماتقيد بوجبات معينه .. بس ماقدر أسويهم .. شلون أبدأ :(
والله تعبانه وجسمي يلوع الجبد
مع العلم انا صار لي 4 شهور تقريبا والده ، ومارضع