بنات خالاتي والحل معاهم

السلام عليكم ()

اببدا مشكلتي من دون مقدمات لي بنات خالات كثار المهم احنا ساكنين بالمنطقه اللي فيها خوالي ومالنا الا هم ، شقيقات امي حريم كبار وبناتهم جدات والا القى الا بنت وحده حبوبه بس قليل تطلع واشوفها بجمعات خوالي ، المهم بنات خالاتي الغير شقيقات مدري كيف اوصفهم ، وسيعات صدر واستهبال وجمعات وكل جمعه ينادوني ويلزمون علي بس متقلبات بشكل مثلا ينادوني بنفس الوقت يتريقون بشكل غير مباشر وكل سواليفهم غيبه ب غيبه يتريقون على بنات خالاتي الشقيقات وخالاتي الشقيقات علنهم كبار ومالهم بأحد ، بس باين الكره لهم ويتطنزون ببناتهم واحفادهم ، انا اسكت مره حاطه صوره اخوي المهم خالي قال لي الصوره فتنهه ومايجوز تحطين ! نطتت بنت خالتي وقالت من زينه تراءه عادي ومدري ايش ! ومره جالسين احنا وحرايم خوالي قالوا ياليت تصير جمعتنا بينا ونبي دوريات بس لحالنا () المشكله جدتي وجدي متوفين والبيت اللي ساكنه فيه مرت جدي هو بيت جدي وبحياتي انا ماعزمت نفسي هم يدقون ويلحون علي () وانا اشيل هم الروحه لهم والا ابيهم ، صدق مرات نستانس بس برضو يسوون حركات مالهم داعي وانا انسانه مسالمه ولا احب اجلس مع احد يقطع جلود الناس ، مليت منهم ابي اغير البيبي ورقمي والواتس علشان ارتاح اهم شي راحت نفسي وانا اساسا احب جلسة البييت وارتاح بس شلوون
لا اله الا انت سبحانك اني كنت من الظالمين