عزيزتي سيندرلا

انتبهي من هذا اللي مسمي نفسه شيخ ويدعي انه يعالج كل الأمراض

أنا قبلك كلمته وجربت علاجه..وللأسف طلع نصااااااااااب ومايهمه ابد صحة المريض او شفائه واهم شي عنده الشهرة والفلوس..

وبعد ماتعاملت معاه.. صرت اشوفه بالمجلات والجرايد!! لاوحضرته متصور مع دبدوب على مرجيحة!!! بالله عليك فيه شيخ يسوي كذا!!!

وانقهرت لماشفت خشته بالمستقبل الثلاثاء اللي راح!!!

انتبهي منه.. ولا تمشين ورى الشهرة والدعاية.. ظهورة بالمستقبل يثبت ان كل السالفة دعاية بدعاية!!

وياليتك تدخلين على هالرابط وتقرين قصتي معاه بالتفصيل

http://forum.hawaaworld.com/showthread.php?s=&threadid=116181

صراحه مانصحك فيه شكله موب مريح

ويكفي انه قال ان فنان العرب محمد عبده مسحور ومحمد عبده انكر هالشي واتهمه بانه نصاب!!

باللهي فيه احد يقدر يحكم على احد بدون مايشوفه وهو بنفسه على قناة المستقبل قال انا مقدر اشخص شخص الا لمن يجي عندي!!؟؟؟؟ وش معناها؟

عموما لو تشرحين لنا وش فيه اخوك ممكن احد العضوات تساعدك..

والله يشفيه ان شاءالله

مشكوره يا ام مشاعل وسنفوره الحلوه والله انا ماشفت البرنامج بس امي وابوي شافوه وقالو لي عنه وقالو نبغى رقمه وقلت بسئل صديقاتي في المنتدى انا على يقين القى عندكم معلومه عنه والحمد لله ظني ما خاب فيكم بس لاتلومون قلب الام كل ما احد يذكر لها عن شخص يعلج يطيرون بخوي والله كل يوم اشوفه قلبي يتقطع عليه لدرجه مقدر اقرب منه او اشيله

كان عندي اخو قبله كان عنده ضمور بخلايا المخ وطبعا يكون نموه ضعيف ما يجلس ولا يتكلم حتى ماكان يفهم علينا وتوفى الله يرحمه وهو صغير يعني تقريبا عمره 5سنوات وبعده امي جابت بنت زي القمو والحمدلله متعافيه وعمرها 8سنوات
وبعدها جابت ولد الله يشفيه ماعرفو له الدكاتره مره يقولون ضمور ومره يقولون مافيه شي ومره يقولون فيه بس شئ بسيط من الضمور وهو الحين عمره5 سنوات بس مايجلس الامتكينه على شي وما يتكلم وتوه بادي ينقلب بس الحمدلله يفهم ويعرفنا ويفهم اي شي نقوله وينفذه مع انه ما يتكلم

والمستشفيات يسون له علاج طبيعي بس لا اكثر ولا اقل



طبعا امي راحت به لحريم يعالجون ورجاجيل
حرمه قالت انه منضول وهوصغير وناس قالو ان امي منضوله في الاولاد مع انه عندي اخو الله يخليه عمره22 سنه ومعافى ولله الحمد

ورجال كشف عليه وقال ماعندي له علاج علاجه بالمستشفيات
وناس قالو استمري عل قراه القران والله الشافي

معليش غثيتكم بقصه حياتي بس يمكن احد يقدر يدلني على العلاج بعد الله

تعاون معي نرجع البسمه لهالطفل العاجز
والله اذا شاف عيال اختي يلعبون معنا يناظ وكأنه يقول لعبوني معكم.
معليش بس معاد اقدر اكمل الدمع حجب عنيوماقدرت اكتب وسامحوني اذا فيه اخطاء املائيه

ياعمري

الله يشفيه بحق السميع العليم..

ويخليه لكم ..

ويقومه ربي بالصحه والسلامه

اللهم امين

فيه شيخ عندنا في جده الله يجزاه كل خير اسمه(( منير عرب)) مشهور بشكل واسع شوفي يمكن تلقون عنده حل ..

اذا تبين الرقم انا حاضره..

الله يشفي اخوك وجميع مرضى المسلمين
ياليتني اقدر اساعدك لكن انشاء الله البنات يفيدونك