بنات زوجي بيجنني (كسووول) ايش اسوي

الله يعينك والله مادري شقولك بس البنات ان شاءالله يفيدونك

طالما هذا طبعه مستحيل يتغير الا اذا هو غير نفسه

انتي طنشيه ولا تهتمي بالمغسله وغيرها...الخ

راح يجيله يوم ويصحى من الغفله اللي هو فيها .. وتلاقيه هو يجيب السباك من نفسه

ولا تقولي اذا طنشته راح يتدهور البيت... مو هو اصلا في البدايه ما اتحرك

يعني كده كده البيت راح يتدهور, عشان كده اقول طنشيه وحتشوفي النتيجه

والله من رايي واسمحيلي على رايي لانه هالنوع من الرجال ما يفيد وياه لا الطيبه ولا العصبيه؟؟
انتي بترفعين ضغطج وبتصارخين وبتحنين وآخر شي حظرته بينسى الموضوع ولا كأنه شي صار وطبعا بتنقهرين أكثر واكثر ..

وترى ريلي أنا بعد فيه أطباع شبيهه بزوجج ...

مثلا مرات أزن عليه هات صابون أومو للملابس تراه خلص .. يقولي خذي من البقاله أقوله هذا ما اييب غير العلب الصغار وبعد السعر دبل ..؟؟؟ المهم أخذ علبه وأتريا اليوم الاول يعدي وما اييب شي والثاني والثالث ... وخلاااا ص أطفر وأخلي ملابسه بدون غسيل ....

طبعا يسأل وين ملابسي .. أقوله كلها في سله الملابس مب مغسوله مافي صابون شو أسوي ..؟؟
ويعصب وينقهر .. وهو المطلوب علشان أطلع حرتي اشوي ...
وطبعا ما يرجع البيت الا في ايده صابون ...

_________________

مرات أطلب منه فواكه وخضروات مثلا ... وينسى .. وأذكره وهو راجع البيت ويقولي أحين أنا راجع تعبان وما فيني أمر الجمعيه و و و و ... أنقهر وأسكت ..
اليوم الثاني يقوم الصبح وين الاكل .. أقوله ما في أكل ... مر الجمعيه وهات لنا أكل علشان أطبخه حقك .... وهــــــــــــــكذا ...

________________

مرات يكون ولده مريض وحظرته متكااااااااسل يقوم بحجة انه عيادات الأطفال دااايما زحمه وهو يكره الزحمه هذا غير زحمه الشوارع و و و ...
أتم ماااااااااااده بوز طول اليوم واذا قال شو فيج .. أقوله ولدي مريض وما أعرف شو فيه .. كيف تبى قلبي يطمن وما أحاتيه .. لازم بمد بووووووووووووووووووزي شبرين ..
ويحس على دمه اشوي ...

______________

مرات يرجع من برع ومن كسله يرمي الغتره على الكنبه و العقال على الطاوله و الكندوره على الارض والنعال عزكم الله على الباب مع انه رف النعل جنب الباب بس متكاسل يرفعها على الرف ... طبعا أنقهر لانه هالموال دايما يتكرر وأقعد أنا ألف وأدور في هالغرفه وأدور الأشياء الضايعه يمين ويسار والغرفه تصير فوضى من أغراضه المعفوسه في كل مكان ....
وأمل من كثره ترتيب أغراضه وأخليها في مكانها وما أشيل أي شي ويضطر يدور عليهم بنفسه وسط الكركبه هذا غير اللي ولدي ربي يحفظه يشيلهم ويلعب فيهم ويفرهم في مكان ثاني ..خخخخخ صج ضغطي يرتفع ...

يا أختي هونيـــــــــــــــها وتهوووووووووووووووون ....

واذا هو تكاسل في مسؤولياته .. خلج قدها وسوي اللي عليج بس بعد طنشي الاشياء الضروريه بالنسباله علشان يحس شو يعني مسؤوليه ....

اغلب الرجال مثل زوجك كلهم باااردين وماينجزون شيء
تصدقين حنا جلسنا اسبوعين أو اكثر وحنا ندخل دورة المياة بشمعه لأن الانوار خربانه
و الزوج المصون متهاون وكل يوم يقول : اليوم بأزين النور !!!!

وسريرنا جلس بالاسابيع مكسور ومافكر يصلحه إلا بعد ماطلعت روحي ومليت!!

والغاز مرة قعدنا 3أيام بدون غاز لأنه ماهو فاضي يوديه

يعني أنا زوجي بالضروريات متهاون .. ماهو مثل زوجك بالاشياء العاديه