رجعت ههههه
كبسة دجاج بيضاء بس المقادير غير محددة تماماً
نصف دجاجة بدون جلد اغمريها بالماء و أضيفي ملح و حبات هيل و نصف طماطم مقطوعة نصفين فقط و نصف حبة بصل مقطوعة نصفين ( ترى تفرق كثير لما يكون الشيء عدل أو مقطع صغار و البهارات العدلة و المطحونة ) نصف ملعة صغيرة كمون مطحون حبة ورق غار إذا غلى قصري عليه ،،، و الدجاج تقريبا ٢٥ دقيقة يستوووي ،،،مافيه بهارات مطحونة فقط اللي ذكرت
بعدين صفي المرق من البصل و الطماطم و البهارات و أضيفي الرز و إذا غلى ذوقي الملح و كمان لو حاسة ماله طعم ضيفي ربع ماجي و ذوقي أو نصف ماجي حسب الحاجة و اتركيه لحد ما ينشف إذا نشف أضيفي شوية موية كادي فوق الرز يعطي ريحة جنااااان مثل المطاعم ،،،، الدجاج حمريه في الفرن أو أقلية في زيت غزير بس غطيه مباشرة حتى ما يكون يابس

في مقلاة ( تاوة ) حطي زيت كثير شوي و قطعي البصل جوانح و حمريه فيه لحد ما يصير بني بس مو محروق طلعيه و حمري في نفس الزيت صنوبر ثم كاجو ثم زبيب أو لوز حسب ما تحبي
و حطيهم ع البصل و حطي عليهم شوية ملح و بهارات و لون اصفر و لو تبغي اسلقي مكرونة سباغيتي و اضيفيها معاهم أو جزر مبشو أو بازلاء مسلوقة أخلطيهم و حطيهم فوق الرز و غطي على القدر حتى يأخذ الرز النكهة و الريحة

و بالعااااافية يارب يضبط معاك أو اي وحدة تجربه

نسيت بالنسبة للموية أتوقع انتي اقل من علبتين مويه صحة حطي علبة و نصف و شوفي
و انتبهي لاااا يحترق اي شيء لانه يخرب الطعم

جربي الماجي في الطبخ ترى يفرق في نكهة الاكل ..

ربي أغفرلي

اخوي نفس طبع زوجك كان مبهذل امي
حتي لا طبخنا نعمل له طبخ لحاله الايدام ما يبغاه مسبك و رز ما يحبه معجون و البهارات ما يحب البزار
يعني مشقلب و يقول ما تعرفون تطبخون 
لما تزوج  زوجته قالت لامي ايش يحب  ولدك جنني معن طبخها لذيذ و فنانه 
يعني اسالي اهله ايش ذوق ولدكم و سويه