غيري ونوعي بالاكلات كل يوم شي جديد لين تثبتين على شي تضبطينه
يوم مندي يوم كبسة يوم مشخول يوم مضغوط
ومرات سوي صينية فرن ورز ابيض
خذي الطرق من المنتدى واتبعي المقادير والبهارات حرفيا
ل تكررين نفس الصنف ونفس الطريقةكل يوم
واطبخي على نار هادية ولا تتوترين وقت الطبخ وممكن حتى القدر له تاثير على الطعم
واسئلي زوجك ايش يحب من الاصناف وحاولي تكثرين منه
ويارب تصيرين احسن طباخة

التزمي بالمقااادير
كتاب اطباق النخبه رااائع
ومع الممارسة بتتعلمين
الله يوفقك ياارب

و عليكم السلام
يعطيك طريقة كبستي بالتفصيل المممممل
أولا ع نار متوسطة حمري البصل نصف بصلة مقطعه جوانح في زيت تقريبا 3 ملاعق كبيرة مع عود قرفة و كزبرة مو مطحونة ممكن 20 حبة كذا و 5 حبات عويدي لحد ما يتحمر البصل بس مو مرة ... بعدين ع نار هادية ضيفي بهارات مطحونة مشكلة تقريبا نصف خملعقة صغيرة و ملعقة كبيرة ملياانة معجون طماطم و حركيها مع البصل خليها تحمر هذا يعطي نكهة حلوة بعدين أضيفي اللحم انا أحط 6 قطع حجمها قد الطماطم و أشيل منها الشحم مررررة و أضيفي شوية مويه بيالتين او ثلاث كذا و حطي ورقتين غار و نصف ملعقة كبيرة ملح و اربع حبات هيل و غطيها ع نار هاديه خليها تتسبك خمس دقائق بس لا تنشف لو حسيتي تنشف يزيدها مويه شوي ،،،بعدين ضيفي الموية علبتين موية صحة العادية 500 مل ،،، إذا غلى الماء قصري عليه و خليه 45 دقيقة
بعدين طلعي اللحم ع جنب و صفي المرق من البهارات ثم رجعي اللحم و أضيفي كوب رز مغسول و أضيفي حبة ليمون اسود سوي فيها فتحات بالسكين و أضيفي كمان قرن فلفل اخضر حار و ذوقي الملح
و اتركيه لحد ما ينشف

طبعا انا فرني كهرباء و الرز باب الهند و قدري تيفال و هذي أكيد تغير في كمية الموية و قوة النار المطلوبة

هذي كبسة حمراء بلحم الغنم لو حابتها بيضاء حطي طماطم بدل المعجون و إذا استوى اللحم طلعيه في قدر ثاني و صبي عليه شوية مويه و شوية ملح و بهارات مطحونة و لون اصفر و خليه يطبخ حتى يأخذ النكهة و اللون
ان شاء الله تضبط معاك عاد انا ما اعرف اطبخ إلا بمقادير دقيييييقة هههههههههههه

بما أن نيتك صادقة ، تذكري الله ما حيخيب رجاءك ، ويارب يصير أكلك مزبوط حبيبتي

طيب اختي بقترح علي

نوعي بالطبخ لايكون واحد

مثلا الغدا

يوم كبسة لحم

يوم كبسة دجاج

يوم برياني

يوم دجاج محمر بالفرن

يوم اللحم لحاله والرز لحاله



لانه يمكن من كثر ماياكل نوع واحد خلاص يمل ولا يتطعم فيه

وفيه حاجة ثانية

الغداء مثلا <<< كثرت كلامي بالغداء لانه محدود عندنا كله رز برز

لكن العشاء والفطور رتقدرين تنوعين

المهم ارجع للزبدة

الغداء مثلا

لايكون رز لحاله

خلي معه مرقة او ملوخية أو شوربة أو دقوس نفس اهلنا بالكويت

بالاضافة لسلطة وفاكهة وحركات تشجعه على الاكل

وبنفس الوقت حاولي تجددين بطريقة التقديم وتغيرين الطقم

والله يوفقك