بنات ساعدونى ذبحنى التفكير محتاجه لنصيحتكم

والله أختي توكلي على الله وان شاء الله مافيش مشاكل.

هلا اختي الغاليه انا والله حاسه فيج لان العمر يمكن متقارب ( وحده ما تبا تكشف عمره ) :23:

سمعي حياتي لا تصعبين الامور جيه صفي ذهنج وفكري بهدوووووووووء شديد كل الي قلتيه

على عيني وراسي واتبعي التالي

1_ اكثري من صلاة الاستخاره اكثري من قيام اليل .

2_ عيدي ترتيب حساباتج .

كيف انا اقولج

اول شي فكرة تسكنين مع اهل ريلج ما فيها اي شي بالعكس ممكن تكسبين قلبه وتصيرين

الزوجه والحبيبه ....الخ كيف اول شي لازم اتحبين اهله ومن قلبج مش تمثيل والله اتكبرين

في عينه لان الي بتعيشين معاهم امه ابوه اخته اخوه حطي امه في عيونج وابوه واخدميهم

لان للـ لله الفضل ثم لهله في وجوده في الدنيا وبما انهم ربوه تربيه دينيه معناته ان فيهم من

الخير ومستحيل ايضاياذونج وبعدين حلو انهم يعرفون مرت ولدهم وانتي ابذلي جهدج في انج

تعطينهم فكره طيبه عنج وبيحبونج وعامليهم مثل ما تعاملين اهلج عشان يوم تحبج امه تمدحج

عند الولد وتقول ونعم الاختيار ذيج الساعه الريال بيلصق ما بيفج منج وبيتمسك فيج اكثر

الكثير واكيد بيراعون الله فيج .

المشاعر الصادقه تحميج من كل شي في الدنيا ولا تقولين اقل منا ماده ما تعلمين الله يباركلج

فيه لانج اخترتيه على دينه ويرزقه من حيث لا تعلمون مش كل شي الماده والله انشالله بيرفع

فيالدنيا والاخره , ولا تقولين انا مش متعوده على الحساب منوه قالج انتي من ولدت وانتي

محاسبه من الله وتراعينه صح ولا لا شوفي الوحده يوم تعرس تتغير وللاحسن طبعا بتكون

عندها زوج تراعيه ومسؤليات اتجاهه يعني نشت الصبح لا بد منها لازم تصحينه للصلاه وبعدين

تروحين تاخذين دش وتسويله الفطور وبعدين اترتبين هالوجه السموح وتستقبليه كانج اول

مره اتشوفينه وبعد ما يروح اترتبين القسم مالج او الغرفه وتضيفين كل يوم لمسات بسيطه

وتروحين تدخلين النت وطالعليج اكله بسيطه وغريبه وحلوه وتروحين اتصبحين على اهله

وتسولفين شوي وتتمتعين معاهم وتفطرين معاهم وبعدين تستاذنين اتسوين الاكله وبعدين

تروحين تترتبين لريلج وتحطين الغدا لاهله وطعمينهم من اكلج وبعدين بتكونين مشتاقه له

موت وبتستقبلينه بكل حنان ووله مش توج واعيه من الرقاد ومالج نفس تكلمينه واي يرقد

الظهر المسكين روووحه يعني خلي حياتج دلع في دلع مع ريلج والجد بس لمتطلبات الحياه

والمسؤليات المهم بكملج السيناريوا بعدين .

يعني المشكله الاولى انج تسكنين في بيت اهله عاااااااااااد مش مشكله ابدا ابدا توكلي على الله

والمحاسبه لا تشلين هم اصلن لو في بيت روحج بتستحين ترقدين ويكشفج انج ترقدين بعد

ما يسير للشغل بيقول هذي ما تحس .

انزين على المشكله الثانيه خايفه ما تعجبينه يا عمري صدقيني الشخص اذا حب الشخص يحب

كل شي يشبها في لونه شكله ابتسامته اهم شي يحس بطيبت قلبج واخلاقج العاليه والحب

والحنان والمعامله الجميله والحب الصادق والوفاء والله يحبج حب جنوني ولو انتي شو ما

كان فيج بيحبج موووووووووت انتي اهم شي اكسبي قلبه وما في وحده مش حلوه بس انتي

ضبطي عمرج والفتي انتباهه للاشيء الموميزه فيج وركزي عليها ولا تلفتين انتباهه لشيء

انتي مش عاجبنج ابدا ولا تقولين عنه ابدا ابدا

ابدا وبعدين يا حياتي ما في شخص كااااااامل في الدنيا كل شخص له عيوبه يعني هوه الحين

كامل مكل مستحيل وافضل شي الانسان يحسن من العيوب ولا يتذمر لان اكيد فيج ميزه الله

عطاج اياها عشان تتميزين عن البنات وخلي قصة اعجبه ولا لا وتوكلي على الله وانشالله

مع الاهتمام والعنايه بتصيرين احلى واحلى بس انتي رتبي افكارج ورتبي نفسج وافرحي

واتوكلي على الله يا عروووووووووووووووسه غيرج مش محصل خخخخخخخخخخخخ:23:

والله يوفقج انشالله والف الف الف الف الف مبرووووك مقدما واذا تبين اي شي منيه الخاص

مفتوووووووح لج يا عمري ولا تتردادين انشالله بس غسلة مخج من الاشيء السيئه باذن الله


اخر شي بقولج اياااه والله العظيم واقسملج بالله انا وااااااايد الي تقدمولي حد في مستوانا

وحد اكثر منا المهم الماده متوفره بشكل غزير لو اطلب الدنيا ايبونها ولكن للاسف يوم نسال

عنهم نلقاهم شباب طايشين ولا ما يشتغل معتمد على ابوه ولا صلاته مش لين اهناك اتمنى

من الله يرزني بفقير ولكن متدين ولا اخذلي واحد متريش ويلعب بالدنيا بديه وريوله وصدقيني

الماده تخرب الشباب ونادر ما تلقينه اوكيه وملتزم وانا اشوف الواقع الي انا عايشه فيه

وافقي واتكلي على الله ولا تنسين تعزميني يالله بسرعه قبل لا يطفشون شهر يالظالمه :23:

توكلي علي الله وتري مو كل اهل الازواج مثل بعض الحين الناس تطورو وهم الي يقولون لولدهم قم مش زوجتك او عشها بري
يعني الاتقرنين مع خواتك وصدقيني تعملك معهم راح يحدد تعملهم معك
وبعدين كبل كل شي صلي ستخاره وشوفي
ومن ناحية انك ودك يشوفك حولي مع واحد من اخوانك انه يجيبه للبيت
ويقوله تري فلانه تبي تجلس معك يمكن حتي هو وده يشوفك
وخايف انكم ماتافقون
ونتي اعرف بعض الاهل مايقبل ان بنتها تخرج علي الخاطب
ويكتفون بنظرة اهله
وبتوفيق:24: :26:

عزيزتي فتون..

قبل ماارد عليك.. لو انا مكانك اصرف نظر عن هالزواج.

طبعا انا اكبر منك ومتزوجة من سنة و4 شهور.. بس بعد ماتزوجت فهمت اشياء كثيرة..

ان الزواج موضوع مصيري خاصة عندنا بالسعودية.. يعني اذا الوحدة تزوجت والله لو ايش خلالالالالالالالالالاص ماعاد تقدر ترجع بيت اهلها..

التعامل مع الزوج لحاله يبيله نفسة وصبر.. يعني اهلك اللي انتي عايشة معهم تقبلين مهم كل شي وتنسين على طول.. اما زوجك تصيرين حساسة من ناحيته.. والله لو يقول لك كلمة انك تفكرين فيها اسبوع كامل!!

عاد اهل الزوج.. لهم سالفة ثانية.. انا متأكدة انك بتعاملينهم زين.. بس وش ضمنك انهم يردون لك المعاملة بالمثل..
انا مااقصد ان اخلاقهم شينة.. بس احيانا لسبب بسيط.. مثلا الام تغار منك.. فتعاملك معاملة ماتتوقعينها..

أنا مابي اضيق صدرك.. بس صدقيني.. انا مريت بمشاكل وانا ماعندي اهل زوج.. والله اني مرضت لدرجة اني جربت كل شي.. القراية.. الابر الصينية.. الطب النفسي.. كل المستشفيات وكل الفحصوصات..

بالاخير.. وبعد ماانهد حيلي.. عرفت ان اللي فيني مثل ماقال لي الطبيب النفسي ( قلـــــــــــق)
طبعا خلاص انا الحين حامل.. ومهما كانت حياتي برضى فيها..

واقتنعت بإني لازم ارضى بواقعي واكيف نفسي مع ظروفي واحمدالله..

طبعا ماكان ودي اكتب هالحكي.. بس انتي توك صغيرة.. والحياة قدامك.. وموضوع زواجك خلي القرار فيه لك لحالك..
لأنها حياتك انتي لحالك..

خليك على استخارتك.. وفكري لحالك حتى بدون ماتتأثرين بردودنا كلنا..


:24: :24: :24:

شوفي حبيبتي انا تزوجت وعمري18
صغيرة وما فكرت عند حمولة ولا اهم شي با اتزوج
طبعا كنت عند حمولة والله طول السنة مشاكل انا وياة واهله كل سنتي الاول نكد
وبعد ست سنوات عذاب طلعت
بس وش عقبة
عقب ما فترت العلاقة الي بيني وبينة وعقب ما اخذوا اهل موقف مني ومن المشاكل الي بينا

وطبعا هذا الموضوع يرجع لشخصية الوحدة وهل با تاخذ حقها من الحمول ولا بتجلس تبكي وبس0000