عزيزاتى نور الدرب ولوليا ونور عينى جنان

الله يخليلي ياكون ويحميكون لازواجكون والله كلامكون ووقفتكون الحلوة معى ريحتنى حتى ولو كانت مجرد كلمات وعنطريق النت بس ارتاحت نفسى كتير لحكيكون وطمنتونى والله زوجى مافى متلو بس نحن شوى عمنمر بظروف صعبة لعدم توفر سكن لالنا لحد الان وعلى اساسها لازم تتطلع اقامتى والتأمين الصحى تبعى بس ماعميتيسر شئ من هدول مع اننا صرلنا تقريبا من 9 شهور عمندور على سكن يعنى من قبل مانتزوج ومقدمين على كذا طلب بس هن بيشوفونى محجبة ومتزوجين بيقوموا بيبطلوا وانا وضعى صعب وبدى اطمن على البيبى اكتر من هيك بس هيك ارادة رب العالمين والحمدلله على كل شى و متل ماحكيتو الا مايصير خلافات بأول مشوارنا والله يحميلى هالبيبى لافرح بشوفته على هالدنيا الله يحميكون يارب وشكرا كتير لنصايحكون الحلوة والرايقة وانشاءالله مابنعتاز بعض الا بالفرح وبس :26:

أختي سبانش ...

اللبن هو الزبادي باللغة السعودية نعم ....

لكن اللبن عندنا خفيف والزبادي يكون ثقيل ....

لو كان تقيل اللبن ممكن تخففيه بشوية مي .....

وان شاءا لله صحتين وهنا لو طبقتيها خبرينا


عزيزتي بتر فلاي ......

صدقيني أول الزواج دائما صعب .....
وخصوصا أنت حامل والحامل بتتغير نفسيتها وبتصير حساسة زيادة وكمان لا تنسي ظروف الغربة ومتل ما عم تحكي لسا ما تركنتوا بسكن وكذا ........

يعني كم مشكلة عندك هلأ أو كم ظرف صعب :

زواج جديد وصعوبة التأقلم + غربة جديدة + حمل ومتاعبه + سكن وأوراق ........ وكل هاد بأدي للي عم تحكيه وأكتر من هيك

احمدي ربك أنو ما في مشاكل كبيرة ....

بعرف وحدة كانت ظروفها متلك وأقل صعوبة شوي بس الله يهديها دائما على نقار ونقير وتتحارب هي زوجها وزوجها كان صعب وما يتقرب منها ولا يلفها برمة بنوب .....

فطولي بالك وصدقيني بكرة بتمضى هالأياام وبتصير بتتذكريها وبتقولي الحمد لله اللي كبرت عقلي وصبرت وما خليت المشاكل تفوت عل ىبيتي .....

وانت بتعرفي أن الزواج اوله متل العسكرية .يعني صعب والله مهما كان الزوج منيح وحنون لكن بتضل فترة تأقلم صعبة ......

وأمانة أي شي بقلبك لا تترددي احكيلنا وفضفضي ....لأن الحصر ما بينفع وبيطلع ابنك عصبي وبجننك متل ما جنني اأول ولد


ونصيحتي الك خلي همك وشكواك للمولى عزوجل ..احكيله متل ما عم تحكيلنا وقوليله يا رب علمك بحالي يغني عن سؤالي ...ناجي المولى عزوجل وصلي ركعتين قضاءا لحاجة صدقيني بتهدي وبترتاحي وربك كريم ومجيب يمكن يحنن قلب زوجك عليك ويمكن مو يمكن اكيد بتتغير احوالك للأحسن بإذن واحد أحد .....

الله يوفقك ويحميك .......

الله يريح قلبك بتر فلاي


شو وينكم بنات ليش ما لكم طله؟؟؟؟؟

ان شالله الجميع بخير

مرحبا ياحلوات
كيفكم وشو اخباركم

بدي احكيلكم شو صار معي بهالتلات ايام اللي مضو

اول مبارح رحت مع الخاله الليبيه وبنتها الكبيره على كورس بعلم النقش والتطريز على القماش وفي كتير بنات تركيات عم يتعلمو وماشاء الله شغلهم كتير حلو وطبعا في مدرسه بتعلم الطالبات
تاني يوم وللي هو مبارح رحت للكورس والدوام فيه من الساعه 9 الصبح للساعه 3 العصر فرحت الساعه 10 ونص ورجعت الساعه 2 ونص والحمدلله المدرسه والبنات جدا طيوبات وقالولي انهم حبوني كتير وبيتمنو اني ضل معاهم
واليوم رحت لمحل تاني وكمان معي الخاله الليبيه وبنتها وهاد المحل فيه اختصاصات اكتر والحمدلله اني لقيت فيه كورس لتعليم اللغه التركيه بس لحد الان العدد ما اكتمل عدد الطلاب ولما يكتمل بيتصلو فيي وطبعا انا عطيتهم رقم جوال زوجي

واكتر شي بحمد ربي عليه اني تعرفت على الجماعه الليبيه هون بجد جماعه جدا اكابر وطيوبين والام ( اسمها امل ) طول ماعم تحكيني الدمعه بعينها والضحك ماليه وجهها خطي هي كمان ما لها حدا هون وعمرها 40 سنه بتقلي اخيرا لقيت حدا احكي معاه ويفهم عليي
هي الها هون 8 سنين وهي ليبيه بس زوجها تركي وعندها 3 بنات اكبر وحده اصغر مني بسنه وبتعرف تحكي شوية تركي
هاد اللي عندي اياه بعرف طولت عليكم بس بعرف ان رح تفرحولي لذلك قلتلكم
يالله سلام يا قمورات

اهلين يا صبايا كيفكم تمام ............لوليل حبيبتي انا زعلانة منك ذكرتي الكل ونسيتيني ..................الله يسامحك..............عم امزح...............انا والله بهالبيت بس لازم بلش انزل عالسوق اشتري اغراض البيبي وبنتي واغراض لالي لانو ان شاء الله نازلة بشهر 1عالشام مشان الولادة ادعولي امانة وحابة بلش من هلا اشتري شوي شوي لانو مافيني طول كتير بالسوق يعني يا دوب محل واحد بكل نزلة.............
بطة حبيبتي عن جد كتير الواحد بيتروحن لما بيتعرف على حدا بالغربة ..........الله ييسر امورك وتضلي دايما مبسوطة .............وانت يا مزون الله يعينك والحال من بعضو وانا كمان عم فكر نضف بنتي لانو صارت كبيرة ............بس المشكلة الدكتورة ما نعتني عن اي شي بيتعب ..........وانت اتخيلي التنظيف اديش بدو تعب .............وخايفة تنظف من هون وانزل عالشام تقوم ترجع تعملها على حالها فشو رايكم يا بنات