اية 2006 :

اهلين يا صبايا كيفكم تمام ............لوليل حبيبتي انا زعلانة منك ذكرتي الكل ونسيتيني ..................الله يسامحك..............عم امزح...............انا والله بهالبيت بس لازم بلش انزل عالسوق اشتري اغراض البيبي وبنتي واغراض لالي لانو ان شاء الله نازلة بشهر 1عالشام مشان الولادة ادعولي امانة وحابة بلش من هلا اشتري شوي شوي لانو مافيني طول كتير بالسوق يعني يا دوب محل واحد بكل نزلة............. بطة حبيبتي عن جد كتير الواحد بيتروحن لما بيتعرف على حدا بالغربة ..........الله ييسر امورك وتضلي دايما مبسوطة .............وانت يا مزون الله يعينك والحال من بعضو وانا كمان عم فكر نضف بنتي لانو صارت كبيرة ............بس المشكلة الدكتورة ما نعتني عن اي شي بيتعب ..........وانت اتخيلي التنظيف اديش بدو تعب .............وخايفة تنظف من هون وانزل عالشام تقوم ترجع تعملها على حالها فشو رايكم يا بنات

اهلين يا صبايا كيفكم تمام ............لوليل حبيبتي انا زعلانة منك ذكرتي الكل ونسيتيني...

بطه151 :

ولو ياشام خدي راحتك ياقلبي كلياتنا احيانا بنحتاج نفضفض شوي من اللي بقلبنا وانا كمان بدي احكي شغله مدايقتني قبل العيد نزل رفيق زوجي وهو عم يدرس بنفس البلد اللي انا ساكنه فيها نزل لحماه اجازة العيد لعند اهله وكان لازملنا كم غرض وصيت انا اهلي وزوجي اهله عالاغراض ومن بين الاغراض سمك ولبن لان السمك هون كتير زنخ وما حبيناه ابدا واللبن بقري ما عم يظبط معي بالطبخ وانا مجربه من اول طالع معي سمك منظف جاهز للتتبيل والقلي وطبعا بكون مفرز والطريق بياخد 18 ساعه لما يوصلو السمكات بكون بلش التلج يفك عليهم يعني الخلاصه بيوصلو بالسلامه وعند انطاكيه لازم يبدل رفيق زوجي الكرنك ويحجز لانقره وراح حط رفيق زوجي الشناتي اللي معه بالامانات لبين ما يجي الكرنك التاني لان بده 4 ساعات ليجي ولما اجا الكرنك وبده ياخد الشناتي من الامانات قالوله ما الك عنا شي تاري الموظف الفهمان حاطط الشناتي بقسم امانات اضنه وراحت الشناتي لاضنه وهلا اله جايه حوالي 5 ايام والشناتي لهلا الشركه ماعم تعرف تبعتهم الله لا يعطيهم عافيه بكون السمك طلعت ريحته واللبن حمض هي غير الغراض التانيه اللي بالشنتايه موجوده واللي الريحه بتكون عبقت فيهم وزوجي رح يجن مع ان كل يوم في كرنك بيجي لاسكي شهير من اضنه بس ليش هالاهمال ما بعرف وخطي رفيق زوجي قاعد هلا مامعه تياب يقدر يبدل مع اللي لابسهم ولا اكل لانه جايب مونته معه وكل يوم والتاني زوجي بيرجع عالبيت معصب بكون حاكي مع الشركه وماعندهم شي جديد ( الشناتي بعدها بمحلها ) بس والله مانا زعلانين عالاكل اللي انتزع قد ما نا متدايقين من الاهمال اللي لقيناه من موظفين هالشركه شكيناهم لله بس بعرف حكيي طويل بس والله متدايقه يعني قد كان امي متعذبه بتنظيف السمك وتبلتلي اياه وفرزته وقالتلي جاهز بس للقلي وحماتي كمان صفتلنا اللبن وجهزته وبالاخر بقول حسبي الله ونعم الوكيل عليهم

ولو ياشام خدي راحتك ياقلبي كلياتنا احيانا بنحتاج نفضفض شوي من اللي بقلبنا وانا كمان بدي احكي...