مرحبا..
ابغى مشورتكم وياليت القى الراي السديد منكم
انا ام زوجي تفكر تجي عندنا بالمنطقه الي احنا فيها لان هي مو بنفس منطقتنا
انا ماعندي مشكله انها تقعد عندي بالعكس هي تجيني من فتره وثانيه وتقعد عندي..
لكن المشكله هالمره ان شغالتها راح تسافر وانا بالأساس ماعندي شغاله وبيتي كبير ودورين وعندي طفلين صغاااار
والله يابنات انا يالله الحق على شغل بيتي وماعندي احد وطول الوقت انوح واقول لزوجي ابغى شغاله تعبت مررره..
لكن ارجع واقول دام انا وزوجي بمشي امورنا شوي شوي بالي اقدر عليه..
اشلون اذا جتني مره كبيره ويبغالها اهتمام وطبخ على طول والبيت لازم يكووون نظيف على طووول ومرتب
وغير كذا راح تقعد عندي برمضان وانتوا عارفين كيف رمضان انا وزوجي عادي نمشيها بأي شي سمبوسه وشوربه والسلام بس اذا هي موجوده صعبه مررره يكون كذا غير الضيوف يجون يسلمون عليها وعيالها يجون يزورونها..
العام كانت عندي برمضان والله شلتها شيل بس كانت شغالتها موجوده تساعدني
انا ابغى اقول لزوجي يجيب لي شغاله بالشهر بس ماني عارفه كيف افتح الموضوع
وغير كذا رمضان اسعارهم غاليه توصل ل5000
وبالنسبه لام زوجي هي عايشه ببيتها وعندها ولدها بنفس البيت الدور الي تحت ..
وهي رافضه تاخذ بالشهر ورافضه تقدم اثيوبيه او كينيه ماتبغاهم
ووانتوا عارفين ازمه الاستقدام هالفتره يعني مافي الا هم
والله يابنات لو اقدر ماقلت شي بس مااقدر مررره
شورو علي بالله انا محتاره ايش اسوي ولا ابغى ازعل زوجي
إبتسامة أمل @abtsam_aml
عضوة فعالة
يلزم عليك تسجيل الدخول أولًا لكتابة تعليق.
الله يعينك من جد. بس مو مشكلة اذا نظمتي وقتك بإذن الله تنحل الامور. هذا طبعا لو مالقيتي شغالة.
اول شي عبي الثلاجة مفرزنات يا انتي تسوينها يا تدورين احد من هالحريم وتعبيلك طدمن كل شي
الشي الثاني انزلي وجيبي لك صحون وملاعق وكاسات ورق. بس تكون حلوة ومرتبة
اول الأيام لاتطلعينها. لكن بعدين إن شاء الله هي تقدر وتشوف الوضع وماراح تشره عليك.
وإن شالله البنات يفيدونك بأفكارهم
اول شي عبي الثلاجة مفرزنات يا انتي تسوينها يا تدورين احد من هالحريم وتعبيلك طدمن كل شي
الشي الثاني انزلي وجيبي لك صحون وملاعق وكاسات ورق. بس تكون حلوة ومرتبة
اول الأيام لاتطلعينها. لكن بعدين إن شاء الله هي تقدر وتشوف الوضع وماراح تشره عليك.
وإن شالله البنات يفيدونك بأفكارهم
بحرالعنى
•
ماشالله ياسعد بالاجر اول شي ارضيتي زوجك وتاخذي اجرها برمضان صدقيني الله بيعينك وفترة وتعدي والله لوهي تقدر تخدم نفسها كان ماراحت لاحد احتسبي الاجر والثواب من الله
الصفحة الأخيرة
و في رمضان اتفقي معاها تعطيها زيادة تجي تغسل الصحون بعد الافطار ،، زيادة على شغلها ، يعني حل وسط ،، افضل من انك تشيل البيت كله ،،