بنات على وجه ولاده وابغاكم تعلموني

ماشفناك تشاركين بمواضيع اجتماعيه وتاخذين وتعطين واذا ماتبين تشاركين وتاخذين وتعطين عادي لكن لاتجين وتحطين موضوع شخصي عنك يعني ماتعرفين تدبرين نفسك وينك اول يوم قالو انك حامل كان من الاول جهزتي نفسك والعضوات وش بيقولون لك هل هم دكاتره هل هم اهل الاختصاص صحيح المنتدى مافيه كلفه ومثاليه ورسميات لكن عاد ماتحطين موضوع عن نفسك وتقولين دبروني انتي بزر عشان نعلمك وش المناسب لك ونوجهك في امور الحياه انتي كبيره وفاهمه وش دخل العضوات الحين هم داخلين الموقع عشان يتكلمون في امور الحياه الاجتماعيه فقط مالهم دخل في حياتك

شتانا وصيفنا كلهم نفس الجو طول حياتنا قاعدين فبيوت مكيفة فخذي الملابس اللي تناسب جو البيت
ماعتقد الشتوي مهم الا اذا بتطلعين بالطفل برى والجو بدا يدفى عندنا مادري عندكم شلون
الاحسن ملابس عادية وملاحف عن البرد
اما بخصوص الاعشاب مافهم فيها ولا اشوفها بذيك الاهمية

الله يسهل امرك ويخارجكم بالسلامه خذي للطفل بربتوزات قطن داخليه وخارجيه احيانا تجي ثلاث حبات واكثر في كيسه الخارجيه انا اخذ اكثر من 12 حبه بس اوزع المقاسات من 0الين 3 او 3 الين سته وخذي ثلاث بربتوزات شتويه اذا بتحتاجينها وخذي كافولات قطن 7او 8 وخارجيه تكون ثقيله شوي 4 حبات ومرايل صديريه شنطه للبيبي مخده صغيره طشت للترويش طبعا اشياء الصيدليه شيء ثاني وبالنسبه للاعشاب انا مااشرب الاقشر واعط عليه يانسون وقرفه وتمر عبي لك ترمس كل يوم واشربيه وقدام العافيه يارب ♥️

جهزي ملابس لطفلك حق شهرين ثلاثة بس
وبما ان ولادتك برمضان فخذيله لبس مرة وحدة للعيد
انتي ولدتي قبل يعني عارفة وش احتياجات طفلك
وبرضه على حسب ميزانيتك
بالنسبة للأعشاب والنظام ياختي مين لسا يشرب اعشاب ويمشي على نظام نفاس
اشربي اشياء دافية
وفي المجلب خذيه من عند احد ثقة
كفاية
والأكل كلي الأكل العادي مو لازم اكلات خاصة وشغلانة ومصاريف مالها داعي

ياعمري تقومي بالسلامة يارب انتي والبيبي ويجعله ذرية صالحة 🌹
أول شيء تسجلي في مذكرة الجوال كل احتياجاتك واحتياجات البيبي

أنتي / ملابس مريحة لك وتكون مرتبة اللي هيا أرواب النفاس وتنفع للاستقبال كمان وتكون مناسبةللرضاعة/بجامات /خذي لك لبس للعيد كمان أنتي والبيبي 🥰


أدوات العناية بعد الولادة/المطهر /ومرهم للمنطقة /ومسكن الألم /
وفيتاميناتك الحديد والكالسيوم /

وأهم شي تتغذي كويس وتتدفي
وترتاحي
بالنسبة للاعشاب أفضل شي اليانسون مفيد لك مدر للحليب ومفيد للبيبي أنتي تشربيه فقط مو البيبي،، اذكر ولادتي ببنتي الدكتورة تقولي لاتعطي البيبي أعشاب ابدا كثير يجوهم أطفال عندهم تقلصات في المعدة بسبب الأعشاب 😣واذا تعطيه شي خذيه من الصيدلية أدوية المغص خاصة لهم،،

وبعدي عن الغازات والمقالي،،

البيبي /ملابس قطنية خفيفة أو ثقيلة حسب الجو عندكم و المكان اللي بتقعدي فيه اختاري اللي يناسب بس لاتكثري ماشاءالله تبارك الله يكبرو بسرعة /وشراريب /والكوفلات كثري يعني خذي 10 حالياً،، بعض الرضع يجو يستفرغو كثير فتحتاجي زيادة،

ولاتنسي شنطة الولادة تكون معاك في كل مكان تروحيه 😅

وبس 🤭حاولت اكتب لك الضروري المعذرة على الإطالة 🌹