صباياا هالبرنامج للي باديه الرقيه وسورة البقره من زماااان ومستمره عليها فتره والعارض معاند فالبرنامج هذا ان شاء الله ربي يطرح فيه البركه والشفااااء العاااااااااااااااجل لنا اجمعين البرنامج عباره عن ((إعتكااااااااااااااف)) عباده لله عز وجل ونحمد ونشكره على الأبتلاء ونلجأ له ومن فوض امره لله ولجأ له ماخاب
مدته ثلاث هاذي في البدايه كانت النيه بس اللحين يوم شفت تشجيع من بنات قروب الرقيه الشرعيه فقلت خلونا نعمله اسبوع اسبوع حاولوا تعتزلون العالم ومانبي اسلوب الكر والفر يعني لازاد عليكم التعب والضيقه والكوابيس توقفون لان الاعراض هاذي كلها تدل ان العارض تأثر اشد تأثير ويحاول يقاوم مانبي تتعبونه وبعدين اللي تقولي اخاف ولا تقولي جاتني ضيقه اوف وتوقف لان حالتها راح تنتكس ولاراح تستفيد شي ابي عزم قوي وهمه عاااااااااااليه وكل مازادت الاعراض معاج اعرفي انج على الطريق الصحيح اسبوع واحد لاتقولين مااقدر ابي اطلع ابي اروح جمعات كل هذا لاحقه عليج حياتج تستحق انج تتخذين موقف وتعطين العارض على راسه البرنامج جدااا قوووي وراح تحسون بالفرق ان شاء الله وهذا الكلام للي متبعين الرقيه الشرعيه صار لهم اكثر من ثلاث اشهور مو تبدون فيه لانكم راح تقولون تعب وتوقفون احنا مانبي كذا احنا نبي عزم نبي فرحه نبي كلنا نشفا بأذن الله
انا طولت البرنامج بعد ماكان ثلاث ايام خليته اسبوع ..
البرنامج :
1- اول ثلاث ايام ختم القران الكريم
2- اليوم الرابع واليوم الخامس واليوم السادس قراءة سورة البقره خمس مرات بعد كل صلاه او ممكن توزعينها على حسب وقتج بحيث تقرينها الصبح مرتين ورى بعض والعصر مرتين ورى بعض ومره قبل النوم
3- بعد كل صلاة تكررين (( لا اله الا الله وحده لاشريك له له الملك وله الحمد وهو على كل شي قدير )) مئة مره
4- الوضووء طول اليوم وزيت الزيتون وقت النوم والمحافظه على الاذكار
5 - شرب الماء المقري ولا يشرب من غيره
6 - الاستغفار طول اليوم والألحاح بالدعاء
7- النوم على سورة الأنفال
8- صدقه ولو ماعندج لو تسقين زرع او تأكلين طفل او تشتغلين بالبيت او تساعدين امج بنية الصدقه
9- الثقه التااااااامه بالله انك راح تشفين ((حسن الظن بالله))
10 -واخيراااا اليوم السابع لج الخيار ياتعملين حجامه اذا توفرت او سنا مكي ..
اللي مو باديه على سورة البقره من قبل بتحس انه صعب جدا بس اللي يقرون البقره كل يوم صارت تقريبا سهله وممكن يخلصها بساعه الا ربع يعني اللي فعلا تبي تسترجع حياتها واتقرر انها تأدب العاااااارض ويتوب انه دخل جسمها تتبع البرنامج ولو عندها قدره تزيد على الامور الاساسيه اللي انا كتبتها من اغتسال بالسدر او الشذاب لها حرية الاختيار كل وحده وقدرتها المطلوب تضيقين عليه قد ماتقدرين ولاتخافين بالعكس افرحي اذا زادت الاعراض معناه انك في الطريق الصحيح ابي تعاندون العارض اي شي تحسين انك نافره منه استمري عليه واعرفي ان فيه علاجج ومثل ماكررت استمروو على النقاط اللي قلتها والاضافات على حسب قدرتج ماقدرتي تضيفين شي استمري على الاساسيات وبس وين ابطال الرقيه الشرعيه:) نبي بعد الأسبوع هذا نعمل كذا :icon28:<<< فرحة الشفاااء ان شاء الله واللي حابه ممكن توقف يومين بعد البرنامج تستمر على البقره مره وحده باليوم وبعدها ترجع تكرره يعني قابل للتكرار لين يحصل الشفاء التام ان شاء الله انا متفائله جدا فيه من يخاويني بطريق الشفاء :icon28:
