خواتي ابغي استشيركم في موضوع
الاسبوع الجاي عندنا في المدرسه يوم مفتوح وطالبين من كل مدرسه تدخل على الطالبات وتعطيهم اي شي غير التدريس يعني تعلمهم اعمال يدويه , تصبغ , 00000وهكذا
ابي شي مميز وحلو عطوني من اقتراحاتكم النيره هالله هالله فيني يا ام حصه
انا ادرس ثالث اعدادي والصف اللي خذته ثالث بعد بادخل عندهم حصه والله اني محتاره ايش اعطيهم

قطراوية
انتي عارفة ام حصة , نفذت بجلدها من التدريس !!!
والله ما عندي فكرة ... ليه ما تسوين show and tell ,,, لما كنت أدرس هنا في السعودية , كان عندنا شئ اسمه كذا , تجيب الطالبة اي شئ , أي شئ هي تحبه أو تسويه , أو قرته ,,, و تتكلم للصف عنه ....
أيام الطفولة , جبت قطوتي :)

- أو تقسمين الصف جروبات <---- مدرسة انجليزي صدق :)
وبما ان السن هذا يحب التزين و التعدل ,,, سوي مسابقة لاجمل تسريحة شعر ( جهزوا السبري المثبت و الاكسسوارات للشعر و الصور عشان يختارون تسريحة ) أو انتي اختاري صورة تسريحة و الجروب اللي يضبطها هو الفايز ,و سووا لجنة حكم .. :)

- استاجري ( نطاطة ) وخليهم يناقزون :)
- اطلبي لهم من برا ايس كريم من با سكن روبانز أو دونات أو من كوكتيل طبقات , فينبسطون دام المسألة فيها بلع :)
والله دار راسي .... كان ودي بشئ أو فكرة مبتكرة , بس ماكوووووووووووو !

ايش رايك تعلميهم تغليف هدايا

هلا قطراويه ليه ماتسويلهم عرض ازياء او مسابقه اغرب زي بيستانسون فيها طبعا غير الاعمال الفنيه واللصق وارسم بس شلون نظام اليوم المفتوح كله حصه غير ولا كل اليوم على مدرسه وحده

صباح الخير حبيباتى
احبكن فى الله
احب استفسر عن المجلس الاعلى للتعليم
طالبين موظفات
افيدونى افادكم الله
عفارى