قطراوية
بسألك .... يودون رحلة المدارس الى (دار العجزة ) ؟
أختي مودينهم ,,,, و جايبين لهم هدايا ,,,, تقول بكوا بكاء عليهم ,,,, بكاء سنة !
تقول ان المناظر اللي شفناها مل تخليك تنامين من الحسرة عليهم :(
وتقول , كان في قسم , طلبنا اننا ندخله .... بس رفضوا ,,,, لما اخذوا وحدة على جنب , و استفسروا عن السبب ,,, قالت لهم ,,, هذا قسم البنات اللي اهلهم متبرين منهم ( لا حول و لا قوة الا بالله ) تقول ان شفنا "عيالهم" يطلون علينا :(

الله يستر علينا و على بناتنا و بنات المسلمين امين ....

قطراوية ودي أفيدج بس السنتين الي درست فيهم الإعدادية كرهوني في حياتي وطفشوني من التدريس....اللله يعينج....سنهم صعب مايعجبهم شي...بس فكرة أم حصة حلوة خليهم يتكلمون عن أشياء يحبونها ويجيبونها يعرضونها جدام الصف!!

سؤااااال: وين شفتوا حلقة أوبرا الي تكلمون عنها؟على أي قناة؟

أم حصة انا بنتي ودوها العجزة مع الروضة وودوا معاهم هدايا... أحس اليهال مافهموا ليش الكبار موجودين في المستشفى وبعض العيوزات (على قولة بنتي) صرخوا عليهم... بنتي ردت متخرعة!!

ام حصه
بالنسبة لزيارة دا ر المسنين ( مستشفى رميله )
كل سنة المدرسة تسوي رحلة ويجمعون من عند المدرسات والبنات مبالغ ماديه اللي حابه تشارك ويسون كسوه من شابو صابون ملافع وجلابيات يعني جزاهم الف خير اللي قايمين على هذا الشي بس انتي اتشوفين فرحتهم بالدنيا كلها
والعام الماضي سوت المدرس معرض في المستشفى وكان اروع ما يمكن الشياب كانوا وايد مستانسين وفي وحده من المدرسات الله يجزاها خير سوت لهم مسابقات والله ما تصدقين شلون الفرحه مبينه عليهم يجاوبون على الاسئله من قلبهم لا ويتنافسون من اللي يجاوب قبل
جابوا لهم بعد اكلات شعبيه والله كانوا وايد فرحانين السنه هذي بعد جمعوا فلوس وشروا لهم كسوة العيد راحوا بنات من المدرسه مع الاخصائيات

عذبة الصوت
كل مدرسه تختار صف من المدرسه وتدخل عليهم حصه وحده بس وتعطيهم اي شي
يعني شي بعيد عن الدراسه