بنات قولولي مين معاه الحق أنا ولا زوجي

بنات أنا زوجي قرر قبل سنتين أنه يكمل دراسات عليا أنا شجعته وحمسته بس قلت خلك في الجامعة الي في مدينتا تكون قريب منا لو احتجنا شي وفي نفس الوقت ماترهق نفسك وتتأثر وظيفتك لكن هو رافض وأختار جامعه بيننا وبينها سفر وأصر على موقفه وزياده على ذلك الجامعة الي أختارها لازم دبلوم سنتين قبل الماجستير يعني المشوار أطول .. أول سنه مشي الحال ثاني سنه صار الوضع صعب لأني جبت ولد الله يشفيه ويعافيه مريض عنده أكزيما في كل جسمه شدييييييدة جسمه ملتهب كله ويحك يحك ألين يغرق ملابسه دم لازم أجلس حوله ماسكه ايدينة لأن اذا جرح نفسه بالحك تدخل الجراثيم وتتحول الجروح دمامل وياما عانى منها .. وغير كذا هو الآن عمره سنه وسويناله تحاليل وطلع عندة حساسية طعام متعدده يابنات كل شي يتحسس منه ويمرض قبل فتره أعطيته وصلة دجاج تنومت طول الليل في المستشفى البروتين والكازين والجلوتين والحليب ومنتجاته كلها والقمح ومنتجاته والذره وعنده حساسية خطييره من البيض والمكسرات يعني طول يومي وأنا أراقب فيه لايآكل شي من أخوانه غير العيال الي يدروسون وكلهم تحفيض واذا قلت درسهم قال أهم شي دراستي درسيهم انتي وغير شغل البيت والكرف ومن المستحيل أجيب شغاله وهو يجي من دوامه الظهر وينام نص ساعه وبعدين يسافر ولا عاد أشوفه إلا 11 يجي ياكل وينام ونفسيتة من الدراسة والعمل زفت بس يخاصم على العيال ومو متحملهم مره
طيب وأنا يابنات ضعفت مرررره وصارت تطلع لي خراريج ودمامل ورى بعض كل مافتحت خراج في المستشفى طلع الثاني مرهههقة مرره ماألقى وقت لنفسي أبدا كل ماأشوفه أحس إن قلبي ملياااان عليه أنا ماأقدر أجامل دايم زعلانه منه لأنه مايفكر إلا في نفسه وهو الأخ فاهمها إني غيرانه من دراسته وإني عدوة لنجاحه وكم مره يصرح بذا الشي .. مره اقول معليش أصبر وأحسن التبعل وربي مابيضيع أجري ومرات أقول لا هوه أناني وهذولا عياله لازم يساعدني فيهم ويتحملهم لأنه بس شغال صيااح عليهم يسمعونه أهل العمارة كلها لو قلت بس انتبه لهم شويه أبتحمم :44:
بناااات لاتنسون ولدي من دعوة صادقه بالشفاااء والله يوم يشوفنا حول السفرة قاعدين يجلس يدور حولنا ويبكي يقول (ننه) وأنا تنسد نفسي وتخنقني العبرة وأقوم
يارب فرج همي واشفي ولدي يارب


حبايبي أنا ماتهمني الأكزيما مع انها شدييييدة قد ماتهمني حساسية الطعام الولد ماياكل إلا رز خالي من الجلوتين وجزر وتفاح بس وباقي الأكل يمرضه .. مره أكلت أنا بسكوتة سم سم ورضعته ماتتخيلون كيف انتفخ وجهه وصار يصب دم أنا الآن محتميه عن الأشياء الي تمرضه بشده لأني أرضعه .. تصدقون حتى التمرة ممنوع منها
الله أكبر ياحزني وياقلقي
الله أكبر ياليلا من الأرق