بنات لايفوتكم بسسسس امااااانه ماصار لك هالموقف.تعالى علمينا بس

عيل انتي لو تيين عندنا شتسوين احنا عندنا البنات بالمجمعات والجامعه يمشون مفاصيخ مثل مذيعات الفضائيات والمطربات الشعر المصبوغ بمليون لون والبلايز من غير اكمام والبنطلونات الضيقه والتنانير فوق الركبه والمكياج عاد حدث ولا حرج يعني تخيلي المنظر ولما تطلعين مع زوجك اكيد بطالع احنا الحريم انطالعهم اشلون الرياييل لا والقهر اذا كان جسمها حلو اجسام ولا بالخيال بس فيه شي منهم ويع متان (سمينات) صدور وكروش وبلاوي وواثقات من عمرهم بس الواحد شيقول

نفس الحاله وانتي تقولين عبايات الله يهداج حمدي ربج احناااااااااااااا شنقول
:32:الواحد تطلع عيونه قصب من الي يشوفه

الشكوى لله .. مانقول الا الله يهديهم ويفتح على قلوبهم يااااااااارب

ياااااااااااااااااااااااااااااااااااخواتي العزيزات وين افكاركن خلاص يأستن والله لو انا عنكن مااخلي ريلي يحط عينه على وحده غيري المفروض دايما متعدله ومتكشخه عند ريلها ولازم اتجددين وتتغيريين وتدلعين ريلة وماتخلينه محتاج شيء ابدا رح يكون مثل الطفل تحت ايدية وكل الي تبينه عندة وكذا مايقدر يحط عينه على وحده غيركن بس تدرون اصبرن علي شوي لين ما اولد وبعدين بسوي ريجيم عشان اتلبس واتكشج عند زوجي

بصراحه ما انقهر ولا شي ...... والحمد لله الحمد لله ان زوجي يغض بصره ويستحي لو يشوف زول العبايه

بس انا لو منك ما انقهر ولا شي ولا انكد على نفسي وزوجي ، اذا شفتيهم قولي قدام زوجك الله يهديهم ولا تتهاوشين ولا تصيحين