يا بناااات احنا ما بنقدر نصلح الجميع لان الدنيا فيها الصالح والطالح وهذي سنه الحياه .

وبعدين انتوا فكروا شلون تبعدون ازواجكم عن هذي المناظر لان هذا الشي تقدرون عليه لكن اصلاح الجميع لا طبعا.

وبعدين انا ضد اللي تتهاوش وتصيح بسبب هذولي لان زوجك اذا شافك كذا بيقول هذي ماعندها ثقه بنفسها يعني لا تهتمووون اذا شفتوووهم سوي روحك مشغوووله باي شي والله بتكبرون في عييين ازواجكم لان كل مازادت ثقتج بنفسج حس ان انتي احلى واجمل منههههههههههم

أختي بارك الله فيك.. هذا أكبر خطأ..
الله سبحانه وتعالى لما أمر الملائكة أن تنزل العذاب على قوم من بني إسرائيل.. قالوا يا ربي.. فيهم فلان وفلان قوم صالحون؟! أي مستغربين كيف ينزلون العذاب وفي القوم أناس صالحين.. فقال لهم ربي ابدأوا بهم (تخيلي!).. فإنهم جالسوهم ولم يأمروهم بالمعروف وينهوهم عن المنكر..

يعني اللي يسكت عن الأمر بالمعروف يكون تارك فريضة من فرائض الله.. ومشارك للعاصين بمعصيتهم..

واللي ما تقدر أبداً أنها تأمر بالمعروف لو بكلمة بسيطة أو عبارة.. خلها تجلس في البيت حتى لا تعتبر ممن شاهد المنكر ولم ينكره.. (ومن فينا يقدر ما يطلع؟!)

نحن مثل ما قال الرسول صلى الله عليه وسلم مثل قوم ركبوا سفينة فقام بعضهم يهدم في السفينة (هؤلاء العصاة).. فلو سكتننا وتركناههم لغرقنا معهم.. ولو أخذنا بأيديهم نجينا ونجوا معنا..

والله يأ أخوات المسألة بسيطة لا يغرك الشيطان ويخوفك منهم.. أنتي أقوى منهم.. بس ينقصك الثقة بالنفس..
لا تصيرين ضعيفة وخوافة..
هم على منكر ومعصية وشخصيتهم قوية وواثقين.. وحنا اللي على حق نستحي ونخاف؟؟!! ليش؟

تدرون أننا لو سكلنا سكتنا وخفنا منهم الله يصلحهم وشو راح يصير.. راح ينزل علينا العذاب والعياذ بالله..
يا ناس شوفوا الدول اللي حولنا.. اللي حرب وقتال واللي أمريكا تهددهم.. وحنا الحمد لله في نعمة وأمان.. ما تخافون ربي ياخذ منا هالنعمة؟

ما ترك قوم الأمر بالمعروف والنهي عن المنكر إلا حل عليهم غضب الله وعذابه..

وبعدين أكثر شي ممكن يقوي عزيمتي أني مغطية وجهي ومحد يعرفني.. يعني حتى لو جتني منها كلمة (مع أن ما قد جتني كلمة في حياتي من هالأشكال إلا مرتين وبسيطة) ما فيه أحد يعرفني.. عادي.. احتسب الأجر عن الله سبحانه وتعالى..

ولا تهنوا ولا تحزنوا وأنتم الأعلون

يا بنات أنتم الأعلون إن شاء الله لا تخافون وتترددون وتحزنون من الوضع لا.. بالعكس تشجعي وانصحي هذي وهذي لكن بأسلوب لين حلو.. أنتي الأعلى عند الله إن شاء الله واللي تشوفينها هي اللي ما لها قيمة عند رب العالمين.. ليش تستحين منها؟

أهم شي تقولين لها كلمة حلوة.. أختي لو سمحت ممكن أقول لك كلمة؟ إذا قالت تفضلي.. قولي الله يجزاك خير ترى منظرك يلفت النظر عسى الله يستر وجهك عن النار.. ليتك تغطين وجهك زين.. ترى والله الدنيا ما تسوى..

والله الذي لا إله إلا هو.. إني لما قلت لوحدة من الأشكال اللي تعرفونها اللثمة والعباية اللماعة والمكياج الصارخ وشكلها يخوف.. تدرون شقالت؟ قالت هاتي راسك أحبه!!
تقول أنتي أول وحدة تنصحيني بهالطريقة كلكهم يهاوشون ويصرخون ويكلمونا باحتقار..

والحقيقة أن الفضل بعد الله لمعلمتي اللي كانت تعلمنا هالطريقة..
فيالله شدوا حيلكم وخلونا نتعاون.. وخلوا نيتكم مو علشان أزواجكم بس.. لا.. علشان نصلح الأمة الإسلامية.. علشان نصلح جيل كامل.. لا تقولون هذي تخربط.. لا خلونا نسوي اللي علينا وربي يساعدنا..