بنات لبنان (حمص باللحمه+متبل+ورق عنب+بطاطاحره+باباغنوج) ابي طريقتهم ظررروري

وانا مثلك ارجو سرعة الرد لاني جعت

:(

وينكم حبيباتي؟

معليش رد أنا
أنا من سوريا يعني من بلاد الشام وعندي أقارب بلبنان
وهاي الاكلات كمان مشهورة عنا
كونو ما حد رد من لبنان رح رد أنا
متبل الباذنجان ولا أسهل
باذنجانة على الغاز حتى تنشوى بالاصح حتى تحترق من كافة الاتجاهات ما في داعي تكون النار قوية عليها
لما تحسيها احترقت كلها ونقص حجمها بتحطيها بصحن وبتغلفيها بسرعة بنايلون حتى يسهل عليكي تقشيرها كونو البخار بيظل داخلها
بهالاثناء بتهرسي سن ثوم واحد
بتحطي بالخلاط
الثومة والباذنجانة المقشرة مع مراعاة لما تقشيرها ما تشيلي غير القشرة ومو تحت صنبور الماء بالسكين شوي وباصابعك بسهولة
وملعقتين كبار طحينة
وملعقتين لبن روب وملح حسب الرغبة
نصف حامضة معصورة
وتضربيم بالخلاط ضربا مبرحا
وتمتعي باحلى متبل
طريقة ثانية
ما تحطيهم بالخلاط بس تدقيهم بمدقة الثوم
حسب مابدك

بابا غنوج أو سلطة الراهب من المقبلات اللبنانية اللذيذة.... تختلف عن المتبل حيث أن المتبل تكون عبارة عن الباذنجان المشوي مع الطحينية.... أنا قشرت الباذنجان وقطعته ومسحته بالزيت جيدا ثم شويته في الفرن.... النتيجة كانت أحلى وألذ مما إذا شويتي الباذنجان كاملا ثم أفرغت اللب واستخدمته....



المقادير:

- 1 باذنجان مقشر ومقطع شرائح
- 1/4 ملعقة شاي ملح
- 1 فص ثوم مدقوق جيدا
- 2-3 ملعقة طعام عصير ليمون
- 4 ملاعق طعام زيت زيتون
- 1 ملعقة شاي دبس الرمان
- 1 ملعقة طعام طماطم مزال البذور ومقطع مكعبات صغيرة
- 2 ملعقة طعام فليفلة خضراء مقطعة مكعبات صغيرة
- 1 بصل أخضر صغير مفروم
- 1 ملعقة طعام بقدونس مفروم
- 1 ملعقة شاي نعناع
- 1 ملعقة شاي رمان




طريقة التحضير:

- امسحي الباذنجان من الجهتين بزيت الزيتون.

- اشويها في الفرن. اخرجيها واتركيها تبرد تماما. قطعيها مكعبات.

- اخلطي الثوم مع الملح وعصير الليمون

- ضعيها على الباذنجان.

- اخلطيها مع البصل والبقدونس والنعناع والطماطم والفليفلة.

- صفيها في طبق التقديم، رشي عليها زيت الزيتون و دبس الرمان وزينيها بحبات الرمان.

- قدميها مع الخبز العربي.


منقول

حبيبتي كتبتلك طريقتنا السورية وجبتلك الطريقة اللبنانية يارب تستفيدي وتدعيلي وأي سؤال ثاني أنا حاضرة
على فكرة كمان أنا بعمل الحمص بالطحينة بالبيت عندي
وكمان اليبرق اللي هو ورق العنب وبيطلع حامض وطيب كتير اذا حبيت قلك ياهم خبريني