يابنت الحلال هذا الشيطان متسلط عليك ويكبر هالوسواس براسك
شوفي
خواتي وصديقاتي
كلهم بعد الزواج حملوا بسرعة ولا اهتموا كثير ببطونهم وقت الحمل يعني لاكريمات ولاغيره
وتعالي شوفي بطونهم بعد الولادة
كلهم
أحياننا ترتفع البلوزة ويبان البطن
الوحدة بطنها كأنه شفتي (لاعلكتي علك ولفضتية) شفتي كيف شكله قبيح جداً جداً جداً
هذا شكل البطن تصوري!!
طبعا موب كل الناس كذا
بس اللي بشرتها حساسه يطلع لها هالشكل
وهذا غير التشققات الي بالجلد
والي بالفخوذ
واللي واللي واللي
وماشاء الله
كلهم رجالهم طايرين فيهم طيران من الحب والفرحة والسعادة
وهدايا والماسات وجوالات غالية ولابتوبات يشترون لهن
ولاشافوا اللي انتي تعتقدينه ذا
ولا تحاولين مهما قلتي لي ان العملية اللي فيك مشوهتك
مهيب صايرة مثل بطون الحريم عقب العملية القيصرية والحمل والولادة
تصدقين وحدة سوت ست عمليات قيصرية وصار بطنها مثل الخريطة
وعمليات بعج يسوونها الحريم وبلاوي
انتي تشوفين الناس من فوق الملابس ماتدرين وش تحت الملابس بلااااااااااااااااااااااااااااااااااااااااااااااااوي
وعروق زرق وخضر تطلع ببعض البنات عقب الولادة
انتي الحين خايفة من تشوهات العملية ولو تسألين الحريم عن التشوهات الي عقب الحمل والولادة كان
سمعتي الهوايل
ذكرتيني بصديقتي كانت ترفض الزواج بسبب انها عندها التشققات الي تطلع بالبشرة (سترتش مارك)
كان فيها تشققات ضخمة الواحد من اول البطن لين الركبة
ياعمري ويوم هداها الله وتزوجت وحملت وولدت
قالت:يوم شفت تشققات الولادة وترهلاتها
قلت الله يرحم ايام يوم انا اصيح من السترتش مارك
انتي توكلي على الله لاجاك الخاطب السنع
وصلي صلاة استخارة
وادعي ربك
والله خلق خلق ومايضيعه
وبعد الخطبة والملكة
ولاكلمتية بالتلفون وحسيتي انه معجب فيك ومرتاح لك وحابك
علميه
قولي ابصارحك بموضوع اني قد سويت عملية يوم انا صغيره
ولا تشرحين تفاصيل ولاتقولين شوهتني ولاتقولين شيء
واهتمي بجسمك وتدهني بالكريمات الحلوة وسوي الاشياء الي تفيد بالعناية وتوكلي على الله وبيسخر لك زوجك
وبتصيرين قمر بعينه
حبيبتي
شفتي الحريم المتزوجات ذولي
شفتيهم!!
شفتيهم زين
كلهم جميلات!!
طبعاً لأ
كلهم اجسامهم حلوة!!
طبعاً لا
كلهم مهتمات بأنفسهم؟
طبعاً لأ
بالله ليش رجالهم ماطلقوهم!!
هذي ياحبيبتي الزواج موب للجمال موب للاناقة موب للذوق
الزواج رزق من رب العالمين
(ولو انكم تتوكلون على الله حق توكله لرزقكم كما يرزق الطير تغدو خماصاً وتروح بطانا)
انتي توكلي على الله
والله يبي يساعدك ويوفقك ويسخر لك زوجك
وبعدين الأصل بالحياة أنه الحياة (ابذل اللي تقدر عليه وخلي الباقي على الله)
يعني
هذا قانون الحياة
المسلمين على مر التاريخ ماعمرهم انتصروا على الكافرين
بكثرتهم او بقوة اجسامهم انتصروا بالايمان والتوكل على الله
الله سبحانه وتعالى قال بالقرآن(كم فئة قليلة غلبت فئة كثيرة)
يعني المنطق يقول ان القليل مايغلب الكثير
لكن بأمر الله القليل غلب الكثير
وانتي بأمر الله ربي يبي يوفقك ويسخر لك زوجك ويخليك اجمل الجميلات بعيونه
بس انتي لازم تكونين واثقة من نفسك
وترى الرجل غرر كثير
يعني انتي كبري موضوع هالعمليه عنده وتكلمي كثير بيحس انها عظيمة وانك معوقة
صغري الموضوع وتعاملي معه على انه شيء عابر بس انك تبي تعطينه فكرة عن العملية ولاتدققين وتوصفين شكلها
وبينساها ويعتبرها شيء صغير
اهم شيء تكونين واثقة من نفسك
وهو بيموت فيك
الله يوفقك وفي امان الله
الصفحة الأخيرة
.لايكون اثار بسيطه وانتي مكبره الموضوع... حروق!!!هذا شي عادي، وش فرقها عن الستريتش مارك او خطوط التمدد البيضا،.
تدرين اعرف لك واحد لاعب في وجهه الجدري لعب وهو شايب ،،والله العظيم انهم يعتبرون هالرجال في مجتمعي اشخص واحد وكل من شافه قال ماشاء الله هالرجال مايكبر. هو ماشاءالله مهتم ويصبغ ويلبس كويس ،،. محد تأثر من التشوهات اللي في وجهه.لاحظي الاثار في وجهه مو جسمه..
انتي من ايش الاثار .. ايش العمليه لو ماعندك مشكله قولي هي ايش،،
لاني بصراحه اعتقد ان كل عمليات الدنيا تخلف اثار بس عادي ابشعها يعتبر عادي ومقبول،،
ترى الانسان يكبر مشكلته ويصغر مشاكل غيره..انتي فكري بواقعيه،،تخيلي انك تشوفين هالاثار في بطن صديقتك مثلا،،وش شعورك ،،هل بتضخمين الامر او بتشوفينه مجرد اثار عاديه!!! ترا حتى التشققات اللي في البطن واليدين من اثار السمنه والنحافه شكلها مو حلو بس مع التعود تصير عادي ،،وهالتشققات منتشره بين غالبيه الناس خاصه بعد الحمل والولاده،،اغلبيه الناس فيهم وماردتهم عن زواج ..ولاواحد طلق زوجته عشان هالشي فيها،،
طيب فكرتي تروحين دكتور جلديه وتشوفين..اذا مارحتي روحي لاااازم..
لو رحتي ومافيه فايده خلاص تكونين كذا سويتي اللي عليك ،،اذا كانت الاثار مثل الحروق ترا فيه اساسات خاصه بالجسم تغطي الحروق والاثار القويه مره..تقدرين تستخدمينها وتعتبرينها جزء من عنايتك اليوميه حتـــــــــــــى لو انتي مو متزوجه.. اهتمي عشان نفسك..مو عشان احد بيشوفك وبتشوفين كيف تتغير نفسيتك وتصغر مشكلتك..
وصدقيني الرجال مو مثل منتي متصوره.. ترا الرجال مثلهم مثل البنات بكل شي بس مجتمعاتنا هي اللي زرعت هالافكار فينا... الرجال لو حب البنت تراه مايشوف عيوبها ولايدقق،، مثل البنت لاحبت..
ولو ماحب رح يطلع مليون عيب بالبنت حتى لو انها ملكه جمال وكامله.. خذيها قااااعده ..
يعني انا اشوف البنات بقسم البشره هبال وتبي تبيض ركبها باي طريقه ووووووووو ..كله عشان الرجاجيل...
ماقلنا شي بالعكس حلو الاهتمام وانا اقدر الاهتمام واهتم مرررره بس عشان نفسي اول ،، بس مو نروح نحوس بانفسنا ونستخدم خرابيط مو طبيه ممكن تضرنا او الاكيد انها مضره عشان بالاخير لانوصل لنتيجه وننضر وبس،
عارفه طلعت عن الموضوع بس اللي ابي اوصل له انه الرجاجيل صدقيني مايهتمون بالصغائر ..الا عاد الرجاجيل الناقصين والتافهين،،..مثلهم مثل البنات التافهات،،
اهم شي تكونين حلوه وناعمه وجسمك ناعم ونظيف ولبسك انيق ومرتب ولسانك حلو... اما جرح في البطن او تشوه في الجلد ماراح يكون بالاهميه هذي،،خاصه لو طحتي لك في واحد فاهم ،،او يكون يحبك ..الله يكتبلك زوج مثل هذا ومثل اللي تتمنينه يارب.. غير كذا لو خطبك واحد مثل ماقالو البنات ،،امسكوه على جنب وعلموه لان المصارحه زينه ،،
عارفه طولت عليك بس انا ودي تحبين نفسك والاثار اللي فيك قبل ماتفكرين تستقبلين خطاب ،،لان ترا الثقه بالنفس وحب النفس تبان عالواحد وتحبب الناس فيه ،،وقله الثقه في النفس تعطي اللي حولك انطباع مو حلو وتخليهم يشفقون عليك حتى لو انهم مايدرون عن عيوبك وحتى لو كنتي كامله،،، انتبهي للشي هذا وتذكري جمال وجهك ماشاء الله والنعمه اللي انتي فيها،وتذكري ان اهم مركز للجمال هو الوجه.. وهالشي عندك وملايين غيرك يتمنونه،،اللله يهديك بس