دائما اطلبي من الله ان يطرح لك البركه في وقتك ورزقك وصحتك وجهدك

والله بيعينك يا اختي وبيشفيكي بس الحي على الله في الدعاء

مرااااااااحب اختي
الله يشفيك ويقومك بالعافيه وترجعين مثل اول واحسن
شوفي حبيبتي انا كنت ماشيل الملعقه ببيت اهلي يعني مدلعه للاخر بحكم اني القعده بس جيت لابوالشباب وسنعني غصب عن خشمي
شوفي عيوني او ماتصحين الصبح اذا شلة الانس ماقامو من النوم رتبي غرفتك وظبطيها وعطريها وسكري الباب وبعدين روحي للصاله ورتبها وواسي الكنب او الجلسه واذا هي تحتاج كنس اكنسيها او جيبي المكنسه اللي تلقينها عند محلات المواعين اللي لها ثلاث فرش من تحت انتي بس تحركين يدك يمين ويساروتشيل الشعر تراها مره ممتازه
وبعدين يالغاليه ادخلي المطبخ وغسلي المواعين اذا كان فيه وترا افضل تنامين ومطبخك مرتب ولا فيه ولا ماعون
المهم جهزي فطورك(طبعا انتي اول ماتقومين اشربي لك عصير او مويه او شاي بس لاتفطرين عشان ماتثقلين) انا اسوي كذا بالنسبه لي بس مادري عنك
وجهزي فطور عيالك واذا صحوا وافطروا اقعدي رتبي غرفتهم
وغسل الثياب خليه كل ثلاث ايام او اربع عشان ماتتجمع عليك الملابس وبالنسبه للكوي قريت انا فكره هنا مره اعجبتني انك تعلقين الملابس بعد ماتنشفينهم بعلاق الملابس وفعلا ترا الفكره خطيره خاصه للتنانير والبلايز
وبالنسبه للغدا وانتي تنظفين المطبخ قطعي البصل والثوم والطماط يعني عدت الطبخ وغطيها عشان ماتطلع ريحة البصل
والله يكون بعونك وبعوننا
ولايضيق صدرك وانا اختك لادام الشي مو طبعك بس شي خارج عن عادتك وسعي صدرك والله يشفيك ويشفي اميمتي والمسلمين اجمعين
وسلامتكم

اسال الله العلي القدير يشفيك والله كانك تتكلمين عن حالتي نفس حالتك لي سنه زي ماقلتي وانا اعاني من نفس مشكلتك وهذا ما صار الا بعد مانقلت بيت جديد والله ماشفت النشاط زي اول كسل وبيتي محواس شي الله لايوريك وعيالي اسم الله عليهم مايقصرون في عفس البيت وتشوفيني اتحمس يوم يومين وارجع للكسل والله ماني عرفه ايش اسوي ابغ بس اطلع من البيت احس اني مختنقه وزوجي الله يعينه مرات يعصب على الاولاد ومرات يسكت وتشوفين على هذا الحال من سنه من يوم دخلنا هذا البيت

ماتشوفين شر يااختي وربي يعينك

الله يشفيك اختي ويعينك واول شي اقول لك انتي شكلك بتسهري الي الفجر وهذا اكبر غلط النوم المبكر نعمه اذا تنامين باكر وتفيقي مع الفجر والله انك تكوني نشيطه وبدك تعملي اشياء كتيره وشيلي فكرة انك ماتقدر تعملي شي واقنعي نفسك بعمل تغيير بسيط في البيت وكل يوم شي بسيط ولاتوجلي عمل الي الغد واول ماتتعبي اوقفي واخدي راحه وواصلي والله يعينك .