الله يرزقك وكل بنات المنتدى
ياعزيزتي بالنسبة للشعر انا مافية شئ ماجربته ومانفع غير
السمنه البلدي على الشعر وفوقها حنا علشان ريحتها تطلع من الشعر على طول
واذا ماتحبي الحنا يكفي انك تنظفية بالشامبو وبعده بلسم طبعا افضل منتج بانتين
وبعد ماتحطي السمنة بيوم حطي بالخلاط عصير ليمونه مع ملعقة عسل مع فنجال زيت شعرك
بعد ماتحطيه على شعرك البسي كاب بلاستيك اوكيس وخليها 30-45 دقيقه واغسليه عادي

وبامكانك تدهنين جسمك بباقي الزيت الثاني وراح تلمسي الفرق على شعرك وعلى جسمك وبامكانك اعادة الخلطة مرة ثانية قبل الحفله وبالتوفيق
اتمنى اني افدتك لكن انصحك تجربي

مرحبااااااااااااااا :27:

اختي انا عندي لج عدة اقتراحات وان التزمتي فيها انشاء الله تكونين متألقة ونجمة الحفلة :33:
بالنسبة للبشره :

1) حاولي تنامين من وقت كل يوم وعن السهر لأنه يتعب البشره ويرهقها .
2) حاولي تشربين ماي وايد على قد ما تقدرين لأن الماي يروي البشرة ويخلي شكلها مرتاح وايد .
3) الصبح اغسلي ويهج بماي بارد وبعدين مرري على ويهج قطنة من خليط ماي الورد والنشاء ولو يكون الماي ورد بارد احسن .
4) الظهر بعد الدوام او المدرسة اغسلي ويهج بماي بارد واستخدمي صنفرة نيتروجينا بس اذا كان ويهج جاف استخدميها مرتين في الأسبوع ولو عادي ثلاث مرات واذا دهني خليها يوم ورا يوم .
5) العصر او المغرب استخدمي ماسك مكون من (بطاطا مهروسه + حليب سايل + ملعقتين ماء ورد + عصير نص ليمونه + ملعقتين خميره) هالماسك بيفتح لون بشرتج واذا كان فيها بقع بتصفى حاولي تستخدمينه كل يوم او كل يومين مره .
6) قبل ما تنامين حطي ماسك من العسل وبس خليه على ويهج نص ساعه وبعدين اغسليه .
7) حطي حلقات خيار او بطاطا على عيونج الوقت اللي تقدرين يعني الصبح او العصر او قبل النوم وكل ما كثرتي احسن ويكفي تحطينهم ربع ساعه .

بالنسبة للشعر :

بصراحة اسبوع ما يكفي لعلاج الشعر الجاف لأنه يباله وقت طويل واسرع حل له انج تشتركين في صالون يسون لج حمام زيت كل يومين مره او انج تستخدمين حمام زيت من النوع الجيد وتسوينه في البيت مع لف الشعر بمنشفه دافية او اذا عندج الجهاز الحراري للشعر استخدميه لمده نص ساعه وبعدين اغسليه واستخدمي بعد كل مره تغسلين فيها شعرج زيت الحيه للأطراف اما بالنسبة للشعر الأبيض ما انصح تصبغينه الحينه لأنه بيجفف شعرج زيادة اما اذا كان واضح وايد الأمر لله اصبغيه بصبغة طبيعيه من ويلا .

بالنسبة للمكياج :

إذا كنتي انتي اللي بتتمكيجين انتبهي لكذا نقطة ..

1) قبل ما توزعين كريم الأساس حاولي تغسلين ويهج وبعدين تحطين عليه كريم مغذي وانتظري لين ينشف بعدين امسحيه بتونك بارد بعدين استخدمي خافي عيوب من نوع جيد ويفضل يكون بنفس لون البشره وحطيه على مكان البقع فقط وتحت العين وبعدين حطي كريم الأساس واللي يكون افتح من لون البشره بدرجة وحده عشان يكون شكلج طبيعي اكثر .
2) حاولي ما تكثرين من الألوان وحاولي التنسيق في الألوان اقصد مكياج العين.
3) اذا كان الآي شدو غامق حاولي ما تحطين روج غامق .
4) لو كان عندج هالات سودا واضحة حاولي تحطين فوق العين مباشره منطقة الجفن لون فاتح مثل الأبيض او الوردي الفاتح او الذهبي المايل على الأصفر فاتح .
5) لو كانت عيونج من النوع اللي ذبلان يعني نازله على تحت حاولي ما ترسمينها العكس يعني ما ترسمينها على فوق غصب بس تقدرين بالآي لاينر ترسمين العين من الجفن اللي فوق وتحت ترسمين بالآي شدو وإذا كانت عينج على فوق تقدرين ترسمينها بالطريقة الفرعونيه وهاي موضة السنة .
6) بالنسبة للخدود ضمي شفايفج في هالوقت بتبرز عظمتين الخد وزعي على العظمتين بس احمر الخدود .
7) بالنسبة للشفايف حاولي تخفين عيوب الشفايف بإنج تحطين عليها خافي العيوب وبعدين ترسمينها بس لا تبالغين وحاولي تكون اقرب للشكل الطبيعي بعدين حطي الروج بالفرشه وبعد دقيقتين عضي بشفايفج على كلينكس عشان تشيلين البقايا مال الروج وحطيه مره ثانيه وعشان يثبت حاولي تحطين آي شدو من نفس اللون على شفايفج .
8) اللمسه الأخيرة حطي بودرة اساس على ويهج واذا عندج البخاخ المثبت للمكياج رشيه على ويهج بس من على مسافه نص متر .

بالنسبة للتسريحة :

أنا عن نفسي افضل انج ترفعينه بما انا دخلنا الصيف بطريقة بسيطه وتزينينه بالمشابك الحلوة وما انصحج بالفير لأنه يجفف الشعر زيادة ..

هاي خبرتي المتواضعة واتمنى انها تفيدج
وانشاء الله تبشرينا الإسبوع الياي بإنج كنتي نجمة الحفلة او مخطوبة :icon28:

:D

كثري (المدابك والردح) :7_5_131:
لاتخلين احد بالعرس الا وسلمي عليه تعرفينه ولا ماتعرفينه ... :a_smil17:
وانشاء الله بتنخطبين وتعرسين بالعطله :icon28:
ولا تنسين ادعيلي اعرس بعد انا ... :27:

:angry: بياض بيضه مخفوقه +نصف ملعقه عسل +نص ملعقه قشطه +نص ملعقه ليمون +اضيفي مقدار من النخاله
ضعيها على الوجه وانتي مستلقيه اما العينين كمدات مغلي البابونج

مفيد قبل المناسبه تطلعين كذا :27: :icon28: :)

خلي تسريحتك هاديه..
ومكياجك بناتي خفيف..
وتستري في لبسك .. ترى الستر زين ..
وزمن اول كانت تتعب الام لما تبغى تزوج ولدها لان كانو البنات كلهم مسترين فما تدري مين الصالحه من الطالحه فيهم؟؟
لكن هذا الزمن ماتتعب الام في اختيار العروسه لولدها.. اللي متعريه ومي محتشمه .. تشيل يدها على طووووووول منها ؟؟
لأن اللي ماتستحي وهي بنت كيف لتزوجت ؟؟؟ الله يستر على بناتنا.