انت سويتي امور المفروض ماتصير لكن من حرقة قلبك وقهرك صار منك هالموقف ووالله ماالومك اي وحده في حالة صدمه وقهر وغبنه ممكن تتصرف تصرفك واكثر قلبك مليان عليه لانك ماتخيلتي بيوم من الايام ان زوجك وابو اولادك يطلع منه هالشي الكبير وتزعلي وتروحي بيت اهلك وبعدها من نفسك ترجعي له طيب ليه؟؟؟ تنتظريه يجيب لك مرض واول واحد يستغنى عنك هو؟!!!ايش سبب رجوعك له بهالطريقه؟


زوجك بايعك ولاهو شايفك شي مو شايف غير اللي يكلمهم وانت بالنسبه له مجرد حمل ثقيل وحجر عثره بطريقه والدليل لما تروحي بيت اهلك مايسال ولايدور عليك لانه ارتاح من حملك وهمك وخلي له الجو يعيش العزوبيه الوسخه بالطول والعرض وفوقها تذلي نفسك وتتصلي وترجعي له!!!!!!!


انت لازمك وقفه حازمه وقويه لازم تنفضي الخوف من داخلك وتقوي قلبك لازم تعيشي انت واولادك في بيئه نظيفه لاتنتظري زوجك لين ينقل لك مرض ساعتها تندمي انك ماتصرفتي صح اذا مصممه تروحي بيت اهلك لانك زعلانه ومقهوره فلا تستسلمي له وانسيه واتركيه عايش في الوحل لوحده وكلمي ابوك يجيك البيت قبل لاتروحي معاه يجي يتفاهم مع ابوه ان مالك قعده مع واحد وسخ ونذل ويطالب ابوه بمصروف شهري لاولاده والا بتوصل للمحاكم


اعتبري نفسك في داخلك انك خلاص تطلقتي منه ورجعت بيت اهلك رتبي حياتك على هالشي اشغلي نفسك روحي دوري لك وظيفه او كملي دراستك ابدأي شوفي نفسك من جد اعتبريه مطلقك او حتى ميت لاعاد تذلي نفسك وتهينيها لواحد مثل زوجك همه بنات الحرام اكثر من زوجته حلاله وفوقها هو ضاااامنك انك بتزعلي فتره وترجعي عزي نفسك حافظي على ماتبقى لك من كرامه احمي اولادك

وصلي قبل الفجر بساعه وادعي من قلبك ربي يجبر خاطرك ويقوي قلبك ويلهمك الصواب ويسخر لك الطيبيين من خلقه


الله يفرج همك حبيبتي

لا تعيشي مع واحد ما يخاف الله
لأن شؤم معاصية بتوصلك مدامك معاه
داومي على الدعاء و الاستغفار و الصدقة
و الله يفرج عنك.

الله يصبرك ويقويك تاخذين قرار ك بنفسك

جربتي تتركي له الاولاد..لعل يحس بقيمتك!!
زوجك بايع ..اذا غبتي سنة وما اهتم ..متى يحس اجل!!
ما ابي اقهر أكثر ..بطلي تفريخ ..وفكري كيف تعزي نفسك وتشتغلي
الله يكون في العون..
يا اخوات اما تتخذون موقف قوي لو يوصل للطلاق 😡
او تتركوا عنكم التنبيش في الجوال 🙄
لا تسوي شي منتي قده

والله مدري وش أقول لكن زوجك والله أعلم ضامنك جدا .
لابد لك من وقفة جادة وبدون النقاش معه ..ابحثي عن وسيط يكون مقرب له ويقدره لعله يخجل من تصرفاته وأنت استعجلت لو صورت محادثاته أفضل ..
صعدي الموضوع دون الحوار معه على الإطلاق ولو حاول يناقش قولي له النقاش معك عقيم ..ولن أقبل يكون والد أولادي زاني ..وأخاف على نفسي من الأمراض وطالبيه بفحص طبي عن الإيدز اجعليه في موقف صعب دون سباب وانفعالات أبدا ...
ابحثي عن وسيط عاقل ويكتم السر .
كم اطفالك ..؟ وهل أنت موظفة ..؟ وهل زوجك ميسور الحال ..؟ هل يصلي ..؟