بنات مشكلتي نفسيه

انا مشكلتي نفسيه مو بسبب القياده اتمنى ماينقل الموضوع


بنات انا من زمان كنت اتمنى اسوق والحمدالله ربي رزقني واتشريت سياره مستعمله على قدي قلت اتدرب عليها وطلعت رخصه قيادة ولله الحمد

ومن فتره بديت اسوق مع مدربه قيادة طبعا ودربتني في مكان مخصص
وامس بدينا نطلع بالحارات الحمدالله سواقتي راكزه وهاديه مافي سرعه ابداً وقيمتني المدربه ان سواقتي طبيعيه وممتازة بس احتاج اقوي قلبي واطلع طرق عامه

وطلعت مع المدربه طريق عام وانتقلنا من حي الى حي وانا اسوق وتقولي انتي سواقتك جدا ممتازه لاتخافين ولاتتورين

الحمدالله اليوم قدرت اطلع واسوق لحالي لكن مادري كيف اكلت رصيف على خفيف طلعت فوق ونزلت وجتني ڤوبيا اكثر واكثر واحس ماعاد ابي اسوق

المشكله انا مجبوره اسوق لان ماعندي احد يوديني ويجيني مشاويري لازم اسوق واوفر فلوس المشاوير اللي اروحها
لكن الخوف دايم اني اصدم او احد يصدمني برغم انه سواقتي هاديه

بنات اللي تسوق تحكي لي عن تجاربها وقت التعليم 😭 طمنوني وريحو باللي

والمشكله انا دايم اشيل هم اللي يمشي وراي لا يزعجني ويدق بوري مع اني دايم امسك اليمين او الوسط طبعا واليسار معروف للي يسرعون

واسوووووني بليز