don
don
هالة القمر ومدام وائل وام محمد ومسلمة وسبانش فلور بليز شاركوني برايكم

من ملفات عرايس مصر

قاعات افراح:
فتاه مسلمة
نادي البنك الأهلي ونادي شركة مدينة نصر للاسكان و التعمير .. دول قاعاتهم حلوة .. الاسعار على حسب مستوى البوفية اما القاعة نفسها فمش غالية قوي ..
أنا عملت فرحي في الأخير بس كنت واخده قاعتين و جايبة فرقتين اتكلف حوالي 12 ألف
و فيه مركب في المعادي حضرت فيه فرح .. أسمه النهر الخالد .. أعتقد انه تبع الجيش برضة بس مركب ..
أزياء:
حجاب:
مجلة للمحجبات (حجاب فاشون 10جنيه)
سنتر بلاتنيوم مول فى شارع شهاب المهندسين متخصص للبس المحجبات والطرح
حجابات تحفة وتخبل في شارع شهاب في المهندسين جنب جاد
محل في الدور الاول في هيلتون رمسيس والدور الارضي وجنينة الدور الارضي حجاباتهم حلوة اوي

فساتين زفاف :
La rosa
انا عن نفسى افضل فكرة التأجير لان قدامك فرصه تنقى موديلات بالهبل وغير كده فى فى القاهرة اماكن تأجير فيها فساتين تهبل وفى المكان الواحد بيكون محلين وتلاته واربعه كمان فبيحاولو يتنافسو فى الاسعار عشان يشدو الزباين وغير كده انتى وشطارتك
وبعدين الفساتين بتكون حالتها كويسه وبيكونو حاطين الفساتين اللى اول لبسه مع بعض
يعنى مثلا فى فى هارون سنتر فى 4 محلات تاجير ويمكن اكتر وسمعت عن مول كامل فى فيصل لتاجير فساتين الافراح والسواريه وكوافيرات ولوازم عرايس بس معرفش اسمه ممكن البنات اللى سكانين فى فيصل يفيدونا عنه
ام ابيها:
ليلة العمر فى مصر الجديدة فى شارع بطرس غالى لما تتدخلية من ناحية روكسى وتمشى فى الشارع دة لحد ما تلاقى تقاطع خدى شمالك فى مول صغير خالص معمول جديد كلة محلات تاجير فستاتية هو فى الدور التانى اسمة ليلة العمر
فساتين افراح وخطوبة وسورايهات حلوة وكمان الفستان السوراية الكت بيعملوة اكمام منفصلة عنو بتتركب للمحجبات والفستان ال عاجبنى لاقيت تاجيرة ب 75 جنية بس وفى ب 100 وفى اكتر من كدة
سنتر هارون فى ميدان صلاح الدين
نانسي امام حرية مول الدور الثاني
حبيبة في شارع الطيران
بونمرياج في الزمالك
مسيو عبده بياجر
محل في المهندسين تحت الكوبري بتاع المحور شكله شيك اوي اوي وراقي
برج الأطباء في المقريزي مصر الجديدة مليان محلات تأجير فساتين عرايس ومنها محجبات طبعا

بندانات وطرح الزفاف :
ممكن تجيبي باندانا عادية سادة قماش ستان مثلا وتنثري عليها الماس تركيب هتلاقيه في الموسكي وبعدين تلبسي الطرحة التل سادة وتركبي فيها ورد برضه من الموسكي
النمرسي بيعمل باندانات وطح عرايس محجبات تحفة طبعا كل نمرسي وله سعر يعني وسط البلد سعر والموسكي سعر والمهندسين سعر (وكلها من 65 جنيه لحد 150)
برضه في محل في بطرس غالي اسمه سبانيولا ممكن تفصل الطرحة بالباندانا وكل حاجة بسعرها
don
don
هالة القمر ومدام وائل وام محمد ومسلمة وسبانش فلور بليز شاركوني برايكم
(تابع)
تجهيز عروس:
كوافيرات:
المركز اللبناني في المهندسين ...قبل محسن بركات
سنتر زازي ...ودي مختصة
سيفورا ...ودووول حتى لو حبيتي تجيبي كريم ماتقدريش تاخديه الا لما يشوفوا نوع بشرتك
وعندهم تنظيف
هدهوده:
اتا اكتشفت Beuty center في الحدايق بس بجد حلو بعمل ماسكات للوشحمام مغربي وساونا
وmake Up حلو جدا" وسيشوار و فير جميل والله
والمهم ان فيه بناات واسعره حلو يعني 120جنيه كورس كامل و بالضبط في ش مصر والسودان انا مجربتوش بس شوفت واحدة صحبتي وعجبتني النتيجة
كهرمانه:
فيه كوافيرة دايما اعمل شعري عندها كلهم بنات وكويسين اوي اسمه شيرى 39 ش كابول خلف السلاب مكرم عبيد بالظبط معايا التليفون وبيعملوا كل شئ للبشرة والشعرة
don
don
هالة القمر ومدام وائل وام محمد ومسلمة وسبانش فلور بليز شاركوني برايكم
(تابع)
تجهيز عروس:
كوافيرات:
مروة:
محمد الصغير فى الفور سيزون مول
مسيو عبدة فى السراج مول
صلاح سليم +مديحة سليم+ نانيس سليم اشهر ماكيرات هنا دلوقتى وهو كوافير كلة على بعض مركز تجميل حلو فى مصر الجديدة قدام كلية البنات
ياقوت فى شارع البطراوى ال فى جنية مول فى مدينة نصر بصراحة ممتاز
رواء الاسلام:
كوافير عبير في شارع السنترال المتفرع من شارع فيصل او الهرم و بصراحة كان ممتاز و الناس كلها عجبها مكياجي
Mmm:
كوفير عبير تقريبا سعره للعروسه 250 مش متأكدة قوي
كوافير تاني في نفس الشارع اسمه ليالي فيه واحده اسمها فايزة أنا شفتها و هي بتعمل تيست مكياج لعروسة و كانت عجباني
زيزي في المعادي بس في المحل بتاع جوزها لان محلها صغير , و برضه كان مكياجي هادي و جميل بس التسريحة حسيت انها كانت بسيطة جدا ماتستاهلش ال400 جنية اللي خادتهم
كوافير حمادة -المعادي شارع 6 مش فاكرة رقم 34 او 32 مش بيتوه سهل اوي توصلي ليه من الكورنيش وتدخلي من الفتحة الثانية للمعادي وانا فاكرة جارتي كانت عملت عنده من 4 سنين كان بحاولي 500
بيوتفل هير فى شارع الحجاز مصر الجديدة بعد مدرسة الطبرى و مدرسة سانت فاتيما على نفس الصف الكوافير ده حلو وكمان اسعارة حلوة
كهرمانه:
انا اللي اعرفه مسيو عبدو....عمل لصحبتي في فرحها كانت ماشاءالله قمر قمر قمر..خلاها مش هي
بس هو غالي شوية بتدفعي 1200 وبيبقي كورس كامل بتروحي من قبلها بشهر ولا شهرين كل اسبوع يعملك ماسكات وحمامات مريم لشعرك...وصبغة ومانيكير وباديكير
ام-دانة_الدندونة_الامورة
كوافير محمد الصغير اللي بالزمالك رووعة
spa خطير
سكرة هانم
بالنسبة لمسيو عبدة ..هو عنده المدام بتعمل شعر وميك اب تنظيف البشرة و العناية بالجسم
Hadhoda
الكوافيرة كانت فى أرض الجولف بس قالت لى انها غالية شوية يعنى الهاى لايت كان ب 150 وقالت لى ان
اسعارهم غالية
nany_2020
على فكرة مسيو عبده بياخد 1700 لو فى مكانك يعنى القاعه أو الفندق
Nora amaar
كوافير اسمه M&S مجدي و سيد ليه فروع كتييرة بس عيبه انه بيبقي زحمة قوي لو عاوزيين نمرته ابعته.
Style كوافير هاىلايت للشعر
فى ارض الجولف صحبتى عملت فيه تحفة عليها (اكلمت عليها قبل كدة) وعملت ب150 جنيه
don
don
هالة القمر ومدام وائل وام محمد ومسلمة وسبانش فلور بليز شاركوني برايكم
(تابع)بيتهيئلى فية معلومات لمصراوية

ثالثا النوادي وغيرها
نادي ضباط الاشغال العامه بالقوات المسلحه على كورنيش المعادي
قاعة كليوباترا من 100 - 200 فرد
روف البانوراما من 100 - 300 فرد
ونظامه يشبه نظام دور القوات المسلحة السابق ذكره والبوفيه فيه ينقسم لنوعين
1- بوفيه مفتوح ويتنوع من الهاي تي لبوفيه العشاء
2- بوفيه السرفيس ويحدد فيه محتويات كل طبق للفرد وينزل على المائده مباشرة

دار ضيافة البنك الاهلي المصري
والدار دي خاصه بموظفي البنك الاهلي وطبعا سعرهم يختلف عن سعر العامه ويشترط للحجز بها احضار صوره من اثبات شخصية او كارنيه احد الافراد العاملين بالبنك والاسعار المدكوره هنا هي اسعار الافراد العامه وبالطبع تقل للعاملين

1- قاعة كريستال من 100 - 300 فرد
2- قاعة اللؤلؤة من 100 - 200 فرد
يتم منح العروسين غرفه واحده مجاني لمدة ليله واحده
اسعار البوفيه 20 - 30 - 35 - 40 بالنسبه للبوفيه المفتوح ويوجد عندهم نظام السيت منيو واسعارها 35 - 40 - 55 للفرد
باقي المستلزمات يتم اختيارها من القائمه اما مستوى القاعات جيد وهي جديده ونظيفه وامكانيتها جيده ومتجدده والخدمه جيده جدا

قاعة خان الخليلي على كورنيش المعادي
القاعه جيده وامكانيتها جيده والنظام هناك يعتمد على سعر البوفيه الي بيتراوح
27 - 34 - 40 - 45 بالاضافه للخدمه 12 % اما باقي الاضافات اما ان يتم اختيارها منفرده او توجد 5 عروض خاصه تجمع بين الدي جي والتصوير وخلافه حسب امكانيتهم المختلفه ويوجد عليها تخفيض جيد وسعر الدار دي مناسب لاغلب المستويات

مرسى النهر الخالد -كورنيش المعادي
لا تتعجبوا من المكان مثلي فقد اكتشفت انه معروف لفئه كبيره من الناس
قاعة حورس تفتح ب 1500 جنيه
اسعار البوفيه 35 - 45 - 60
القاعه جديده وتطل مباشرة على النيل والزفه في الحديقه امام مدخل القاعه
متوسط سعر الفرح 6500 جنيه
المركب سعر الفرد بها 45 جنيه (وجبات)
في حالة البوفيه المفتوح سعر الفرد 55 جنيه

جميع نوادي النقابات بها قاعات افراح
ايضا نوادي ضباط الشرطه والهيئات المختلفه مثل نادي ضباط حرس الحدود بالزمالك وهو نادي جيد ومتوسط سعر الفرح فيه 6 الاف جنيه لعدد 100 فرد
don
don
فية جميع الفنادق باسعارها وجميع الدارات برضة كله من التلخيص لو حد عايزهم انزلهم