دون


ازيك عاملة ايه وحشاني والله وعلي فكرة موضوع الاكل بتاعك يهووووووس
تسلم ايدك

بصي ياستي
انا دلوقتي كل مشكلتي اني حيرانه

اسمع كلام خطيبي واعمله في مكان شيك ويتكلف مبلغ كبير مش اقل من 20 الف
ةالا اتمسك براي واعمله في مكان شييك والعدد محدودوووووو وندفع بالكتير 10الاف

ولو اقنعته براي ممكن اعمله فين غير في باخرة؟
يعني مكان يكون شيك وفيه لايف باند فرقة يعني تغني عشان جو الفرح ويكون فيه عشا وزفة
؟؟

يعني مثلا ممكن في فندق شيك او مكان للسهر برضوا شيك؟

بس مش عارفا اماكن غير البواخر ورحت سالت فيها


ازيكم

ياجماعة وحشيني والله ومشكورة كل عضوة دخلت وكتبت وفادتني

بصوا بقا

انا روحت وسالت

لقيت الماريوت تهووووووووووس
بس الفرد ب 190 جنيه والرحلة ساعتين يعني الفرح يبقا ساعتين بس

ولازفة ولا كوشة ولا اي حاجة خالص قعدة وبس

وده صعب جدا طبعا

وباخرة جراند حياة زي الماريوت بالظبط بس الفرد ب 211 جنيه


افضل باخرة ع النيل كله السرايا
فخمة اوي وشيك اوي

والفرد ب 100 جنيه (( اون دك))
وحتي قاعة الافراح اللي فيها تهووووووووس بس لازم تضعي لمساتك عليها زي الورد والمفارش ووردو ع السلم وكده يعني

وامبريال حلوة برضو
بس مش زي السرايا

الباشا

اي كلام خالص

نيل ستي

تحفة بس للخروج والعشا والمطاعم بس

بلو نيل
مش اد كده عادية

وبس

انا حيرانة بقا
ومش عارفا اعمل ايه

وخطيبي بيقولي لا عايز فرح كبير عايزين نفرح ونحس اننا عريس وعروسة

بس انا شايفا حرام الفلوس وكلها 4 او 5 ساعات ب 25 الف حرام حرام

ومش عارفا اعمل ايه


اسمع كلام خطيبي ونعمل فرح غالي؟؟
والا اصمم ونعمل حاجة في مكان شيك لعدد محدودو؟؟ انصحوني الله يخليكم

السلام عليكم
عيد مبارك عليكم جميعا ان شاء الله
طبعا انا موش هقدر اعبر ليكم عن سعادتى لرجوع الملفات تانى وربنا يديم المحبه باذن الله بينا
ابله دون
جزاك الله خير على المعلومات الرائعه دى
كل البنات
وحشتونى جدااا
هدهوده عامله ايه مع الحمل
مصراويه سا محينى معلوماتى مفيش خالص بس انا شايفه البنات اهوه بيسعدوكى
يارب تتجوزى وتتهنى ان شاء الله
ويؤلف الله دوما بين قلبك وقلب من تحبى
وسام جزاك الله خيرا على فتح الملف مره تانيه
رواء كل سنه وانتى طيبه
ام احمد اخبارك ايه وحشانى
ام حبيبه 2000
انتى فين وحشتينى جدااا
وكل الناس سامحونى لو نسيت حد
ام ام ام
هو كل اللى يعمل نيو لوك يختفى اطلعى وحشتينا
عيد مبارك عليكم جميعا
واسال الله ان يتقبل منا سائر الطاعات باذن الله
اختكم ام باسل

السلام عليكم
ام باسل وحشاني والله
وابله دون طبعا
مصر كلها وحشتني
المهم
نصيحتي لمصراويه
انك متعمليش فرح من اصله ممكن تعملي ليلة حنه ظريفه ولطيفه وتجيبي ستونه مثلا والباند بتاعها وبيبقى يوم البنات يتبسطوا فيه
وبعدين تلبسي فستان الفرح والذي منه وتخرجوا تتعشوا في مكان شيك
عن تجربه
بعد فتره هاتندمي على الفلوس اللي دفعتيها في الفرح
وهتلاقي الناس مش سايباكي في حالك
بصي شوفي عمله ايه لا مكنش يصح لا وكمان بصي عملت ايه تاني وفي الاخر الناس مبيعجبهاش العجب
خدي الفلوس اعملوا هاني مون ظريف
او يا سلام لو اخدتيها وبعد فتره عملتي بيها عمره انتي وهوه وابتديتوا حياتكوا بطاعة ربنا بدل الرقص والاغاني والذي منه وشوفي ربنا هايكرمك في حياتك اد ايه
ودي نصيحتي

هاقولك على حاجه كمان يا مصراويه ممكن تخرجي جزء من الفلوس كمان تطعمي بيه فقراء او تدبحي عجل ولا اتنين وتوزعيهم وشوفي الدعاء اللي هاتاخديه من الناس دول بدل ما الاكل اللي في الاوتيل ولا الباخره اللي هاتعملي فيها الفرح مش هايبقى حلو وهايترمي نصه
ده رايي والصراحه اذا الزمن رجع بيه لورا هاعمل اللي انا باقولهولك ده
انا عملت فرحي في شبرد وكان متكلف حوالي 17 او 18 الف الكلام ده من6 سنين وسافرت هاني مون لامريكا وكندا وكنت عامله حنه وستونه وكله بس بجد انا دلوقتي ندمانه جدا

وحشتوني جدا جدا جدا
كل سنة وانتم بخير وبالف صحة وسعادة يا رب العالمين
يا رب يتقبل منا ومنك صالح الاعمال
هارجع تاني ارغي معاكم كلكم
استنوني