طيب ماشي، على ما تيجوا براحتكم و اكون انا روحت و شبعت مرواح :16: حاحكيلكم عن البارفانات اللي باحبها زي ما وعدتكم. اولا انا باحب اوي البارفانات اللي ريحتها على ورود و فريش، مش باحب البارفانات التقيلة اوي عشان عندي حساسية في الجيوب الانفية و الحاجات دي بتكتم على نفسي. انا جربت معظم برفانات ايفون و اوريفليم لانهم كانوا بيجوني هدايا او باشتري منهم كل ما ينزل جديد. اكتر حاجة عجبتني في ايفون زمان كان Sensual و اوريفليم Giordani

نيجي بقى برفانات تانية عندكم

كفاية كده، و نكمل حديث عن البرفانات لما تصحوا من النوم :27:

الظاهر كده يا ميرو، انا عموما حطيت لهم شوية صور ريحتها حلوة عشان تصحصحهم

ازيكم يا بناتيت
يا نووووودي
ردي عليا
يا بطاطس قوليلي علي طريقه لوضع المكياج في البيت لاني مش باحط و انا خارجه
و بالتفصيل الممل الممط كمان
سلام يا بطاطساسيه

ازيك انتي يا رنرونتي؟؟؟ يا خبر ابيض يا رانيا!!!! انتي طلبتي مني اعلمك تحطي ماكياج و انا و الله نسيت خالص. اسفة يا روني و حاصلح غلطتي حالا يا قمر

شوفي انتي شكلك من محبي الماكياج الهادي الرقيق، يبقى اتبعي التالي:

اولا، قبل الماكياج لازم يكون عندك زي ما قلنا منظف للوجه (على صورة ميلك او رغاوي زي جونسون او اي نوع تحبيه و انتي عندك شيسيدو في اليابان منتجاتها تحفة خصوصا للبشرة) و بعده استخدمي التونر الملطف او ممكن ماء ورد بس زي ما قلنا قبل كده، و كريمك المرطب للنهار و الليل دي ثوابت، اتفقنا؟؟

اختاري نوع كريم اساس خفيف مش تقيل، ممكن تجيبي بوبا اللي قلنا عليه و في الحالة دي مش حتحتاجي بودرة لا لووس و لا كومباكت. الكريم اسمه Pupa Smart Skin. او ممكن كريم اساس من كلارينز و بعده لووس بودر. خطوات وضع كريم الاساس: هزي العبوة كويس و بعدين حطي نقط على اطراف اصابع ايدك الشمال و بعدين بلطف ادعكي صوابع ايديكي اليمين في صوابع ايديكي الشمال عشان يتوز الكريم في الناحيتين و بعدين ابدأي وزعي الكريم على وشك كويس من جوة لبره يعني من جوانب الانف و انتي خارجة ناحية الودان. و كرري العملية لتغطية الوجه كله. و ممكن توزعي نقط الكريم على وجهك و بعدين تفرديها باطراف صوابعك. في حالة كريم بوبا مش حنحتاج بودرة زي ما اتفقنا و حتستني خمس لعشر دقايق و بعدين تحطي البلاشر. اما لو حتستخدمي كريم اساس و بودرة، يبقى بعد الاساس نستنى عشر دقايق و بعدين نوزع البودرة عالوجه بالكامل بالفرشاة الكبيرة. البلاشر بتحطيه بانك تبتسمي و بفرشاة البلاشر المتوسطة تحطي البلاشر على الابتسامة (الوجنتين شكلهم بيبقى افضل و اوضح في حالة الابتسام و تقدري توزعي البلاشر عليهم صح) و تاتش خفيف على الجبهة و الانف و الدقن. و بعدين تحطي جلوس بس او روج و عليه تاتش جلوس خفيف. لو بتحبي تحددي شفايفك يبقى ارسميها الاول بقلم التحديد و املي شفايفك كمان بالمحدد و بعدين حطي الروج و الجلوس او الجلوس بس. لو حبيتي تستخدمي كريم اضاءة لاضافة رونق خاص و لمعة محببة للوجه، بعد كريم الاساس حطي لمسات من الكريم على الوجنتين و الدقن و الانف و جانبي الجبهة

ايه رأيك يا رووني؟؟؟ حلو كده؟؟ لو عاوزة تسألي عن حاجة تاني اتفضلي يا قمر، و اسفة مرة تانية اني مخدتش بالي من سؤالك قبل كده