ههههههههههههههههه و الله ضحكتيني بجد يا فطومة على وصفك لياسمين و نشاطاتها، بس تستاهلي ما انتي اكيد كنتي بتعملي كده في ماما برضه!!!! ربنا يخليكي ليا يا حبي و متحرمش منك و لا من ذوقك

شوفي بالنسبة لحيرتك في موضوع الشغل، فيه ناس كتير بتعاني من نفس المشكلة دي و بتضطر تنزل شغلها و تودي الاطفال حضانة و ده مش معناه ان الام قاسية او قلبها جامد، بس بجد الدنيا دلوقت محتاجة ايدين بدل ايد واحدة، يعني مش بمزاج الست المتجوزة انها تسيب بيتها و ولادها و تنزل الشغل و انتي لو كان عندك بديل تعمليه في البيت و انتي مكانك من غير نزول اكيد كنتي حتعمليه. عموما ربنا يقويكي و يقدرك و تقدري تاخدي قرار سليم

و على فكرة ذوقك حلو يا فطومة و ليكي حق في ريحة الفراولة هي تحفة فعلا و انا باموووت في الروايح دي. واحدة صحبتي كانت جابتلي من بودي شوب لوشن فراولة تحفة فعلا و كمان جربت منه الوايت مسك ريحته ناعمة و تهبل

برافو يا ميرو و الله كنت بادعي انك تردي على ام ابيها لاني عارفة انك مريتي بنفس الظروف و انتي اكتر واحدة حتفيديها بتجربتك، اسمعي كلام ميرو يا فطوم، هي جدعة اوي على فكرة و بنت بلد (ابسطي يا ميرو!!)

اي خدمة يا ريس
بعض ما عندكم
اي استفسار عن الامهات المعذبات انا في الخدمة يا فطومة مع اني هتمسك فس قضايا تعذيب اطفال قريب

بناااااااااااات ازيكم وحشتونيييييييي قويييي وميرسي للي سأل عليا بجد كلكم عسل وطحينه لأني بموت فيهم
المهم عيد ميلاد جوزي النهارده امبارح نزلت الزمالك وصيت على بوكيه ورد حلو قوي يروحله البنك مع البرفان وانا نزلت معاه من يومين جبتله البدلة انا حاسه ياحرام انه زي الطفل الصغير مبسوط وهايص خصوصا قدام زمايله انا كنت فاكره ان الستات بس اللي بيفرحوا بالورد...
العيد قرب يابنات انا جبت لبس العيييييييييييد وانتم لألألألألألألألألألألأ ترارا
ول في حد جاب زيي؟كل عام وانتم طيبين وعلى الخير متواعدين وفي الحرم مجتمعين ان شاء الله..........
زوجي=الحياة ازيك انا شايفاكي في نشاط دائم ماشاء الله عليكي اخبار ترتيبات فرحك ايه في مجله اسمها المحجبه حلوه فيها لفات طرح حلوة بس بصراحه لفات طرح الفرح وحشه انت ممكن تسألي المتخصصه رقمها في المجله
cute_jumana اخبار امتحانك ايه ومبروك لباباكي على الحج ربنا يتقبل منه ويكتبهالنا بعدين انا افتكرت انك كتبتي لسته بأسمائنا عشان يدعي لنا مش مشتراوات لا لا انا اتصدمت وكمان عاوزه عيدية لأ احنا اللي عاوزين ياهانم
spanishflower اخبار اليابان ايه والعزومات
moon30 ايه ياعم ام باسل متوصيه بيكي على الآخر بصي درب البرابرة هايل بس لازم يكون معاكي حد فاهم ولهلوبه في المفاصله
roseario شكرا على زوقك معايا والله يسلمك ياعمري ومستنيه منك حديث اطول
يا Om basel ماتديني شوية دعاوات انا بصراحة غيرانة بقى دعوات ليا ولزوجي ولبنتي
Enna حبيبتي عامله ايه انا بس كنت مشغوله بجوزي اليومين اللي فاتوا عيد ميلاده بقى انت عامله ايه واخبار الماتشات ايه؟بصي ماتزعليش ربنا يفك عنكم وعنا جميعا بس كل شغل وفيه قرف وتعب ماأنا جوزي ماشوفوش الا ساعه في اليوم وبكون خلصان وتعبان وحتى لما بكلمه في الشغل عشان بيوحشني بلاقيه معصب ومش طايق نفسه الدنيا تعب بس الصبرياحبيبتي
Noody30 عامله ايه انا بحاييكي على مجهودك مع الأعضاء انت نشيطة قوي ربنا يكرمك
karmin اخبار شعرك ايه طمينيني
miro استحميلي شويه اول فترة بعد الولاده صعبة ومرهقة بس هتعدي لو استرخيتي بس كتير من كلامك صحيح
أم أبيها سلامة قلبك وربنا يخليلك بنتك ياسمين انا بس عاوزة اقولك حاجة وانت افكري واعقيليها انا اشتغلت اول جوازي بس حسيت اني مقصرة مع جوزي وبصراحة كنت محتاجة اني اشتغل لظروفنا في اول الزواج وكنت محتارة المهم ربنا لما هيسألني على شغلي ولازوجي صليت استخارة ولقيت جوزي دخل عليا فجأة بعدها بيقوللي سيبي الشغل قلتله من غير ماأفكر حاضر بعدها قال لي انا اسف انا مش عارف انا قلت كده ليه قلت له دا ربنا مش انت ووالله ربنا فرجها قوي وعرفت اني حامل بعدها بأسبوعين ومش بس كده جت لجوزي فلوس غطيت الديون وزادت انا دي تجربتي ممكن تكوني انت مختلفة عني ومش مقصرة مع جوزك وبنتك بس فكري ودايما اعرفي ان ربنا هيسألك عنهم في بنات زي اللي معانا ماشاء الله عليهم موازنين امورهم زي ميرو ونوودي
يلا سلام احسن بنتي زهفت مني

اخيرا ام جوجو ظهرت!!! اهلا اهلا و سهلنتين!!! يا ستي كل سنة و جوزك طيب و انتم و جودي سعداء و بتحبوا بعض كمان و كمان. و عندك حق الرجالة اطفااااااااااااااااال في حكاية الهدايا دي، بس برافو عليكي انك عرفتي ايه بيبسطه و عملتيه و ان شاء الله هو يردها لك في عيد ميلادك

اما مجهودي يا ستي و الله ده اقل حاجة اعملها مع اخواتي و ربنا يقدرني و افيدكم بأي حاجة اقدر عليها

انا لسه مجبتش حاجة للعيد و مش عارفة حاجيب و الا لا، حاقرر يوم الجمعة ان شاء الله و يا اما جبت يا اما لا!! بس بافكر اجيب و لو توكة شعر حتى عشان افرح نفسي!!

انا كويسة الحمد لله صحتي اتحسنت بس لسه شوية كحة متقطعة، ياللا ربنا يعدي الشتاء ده على خير و كفاية كده بقى!!!

فينك يا هبة النهاردة؟؟؟ قلقتيني عليكي المرة دي، مش متعودة انك متدخليش، يا رب يكون المانع خيرا