السلام عليكم و رحمه الله و بركاته
مبروك يا مصراويه ربنا يتمملك على خير و يسعدك يا رب
انا رأيى من رأى ام يوسف طبعا و أؤيدها ميه بالميه والله انتى استفيدى من الفلوس انتى و زوجك احسن يعنى هاتو حاجه ناقصه فى البيت او اعملى شهر عسل حلو و كدة احسن والله
يا دون ربنا يجازيكى خير على المعلومات دى
مووووتى ألف مبروك يا حبيبتى ان شاء الله ربنا يتمملك على خير
أنا من بكرة ان شاء الله هبتدى أنزل مع أختى ندور على فستان الفرح بتاعها ان شاء الله ادعولنا ربنا يسهل و نلاقى على طول
ربنا يرزق كل البنات بالأزواج الصالحين و يسعدهم و يسعد المتزوجين يا رب

صباح الخير ..
دندونه ميرسى على تعبك معانا وانك نزلتى الكلام الى فات :) ياريت لو تقدرى تبعتيها لى تانى الملفات دى على الميل وميرسى يا قمر.
ام باسل وام يوسف وام احمد حمد لله على السلامه عقبال باقى البنات يااارب
مصروايه بجد مش عارفه اقولك ايه .. حطيتى الأسعار بتاعت المراكب وانا كنت حموت واعرف السرايا دى بكمان عشان كانت عجبانى جداااااااااااا فانبسطت اوى لما لقيتك كتباها .. وطبعا انا عشان عجبانى جدا حقولك اعملى فيها وكويس اوى انك تحطى لمساتك عشان يبأه على ذوقك .
مع ان تصدقوا انا حاسه انى مش حعمل فرح من اساسه للظروف الأقتصاديه والأجتماعيه عشان انا ماعنديش عيله كبيره هما 3 اعمام وبس والباقى مفيش فيعنى لو عملت فرح حعمله لأصحابى ؟؟؟ مش منطقيه اوى وساعتها حقدر آخد الفلوس بتاعت الفرح واعمل بيها الى انا عايزاه سواء حاجه ناقصه فى البيت او شهر عسل حلو او اى حاجه بأه مش مشكله .. ايه ده ! انا مالى رغيت اوى انهارده ! ده ايه الصداع الى انا عملاه ده ! يلا ما علينا حسكت اهو

انا بقى هحشر نفسي واقول رايي
ورايي ان اليوم ده مبيتعوضش بتكوني ملكة فيه وبتفرحي بفرح الناس اللي حواليكي بيحبوكي وفرحانين بيكي ده غير ان مش ممكن يتكرر اليوم ده تاني ممكن تسافري بعدها وتتفسحي لكن مش ممكن تعملي فرح تاني
الفلوس مش مهم بتتعوض وفرحتك يوميها وانتي في الكوشة وسط اهلك وحبايبك بكنوز الدنيا كلها
ده عن تجربة انا كنت محتاجة لفلوس الفرح بتاعي ويمكن لنصها كمان لكن بابا قالي اي حاجة ناقصة ممكن تتعوض بعدين وحتى السفر في شهر العسل ممكن يتاجل لما الظروف تتحسن لكن الفرح عمره ما هيتعوض وده اللي حصل ومش ندمانة دانا كل ما اتضايق اغمض عيني وافتكر لحظات فرحي والتجهيزات وبحس بالفرحة بتاعتها تاني
اللي ممكن اكيد تندمي عليه هو انك ما تعمليش فرح...
وده حصل مع كل اللي اعرفهم ومعملوش فرح واولهم خالتي لغاية دلوقتي زعلانه انها لظروف معملتش فرح ومقعدتش في الكوشة.
بس خلاص مش هقول اكتر من كده

ازيكم يا بنات
عايزين رائي
موضوع الفرح ده نسبي بين كل واحده و التانيه
ممكن انا اشوف انه اساسي و انا فعلا كده و مش ندمانه خالص و ممكن حد تاني يشوف انه لاء اعمل حاجه تانيه احسن
انتي يا مصريه استخيري ربنا كده و اتفقي مع خطيبك و مش لازم تزودي اوي
اسالي تاني و هتلاقي اماكن شيك اوي و بسعر اعتقد 10 او اكتر شويه

ايه ده هو انتم هنا وانا دايخة عليكم في المنتدي

بس حبيت اصبح واسلم على الكل واعيد عليكم

ربنا معك يا مصراوية وعقبال كل البنات